'وبغزل سني 🥀🌜
اخ لو بس تكلي احبك💖
أخلي كربلة تصيح يا عمر♻️
والسنه تصيح يا علي♻️😍
يسرى :طلعنه اني وأنمار افترينه وتونسنه ورجعنه ب ٨
أنمار :حبيبي تونستي
يسرى :اي حياتي الله يخليك اليه
أنمار :فدوه لكلبج يله روحي طبي للبيت خاف احد يشوفنه
يسرى :ماشي باي
أنمار :الله وياج حياتي
يسرى :فتحت الباب وطبيت وهوه راح وراهه بفتره بدت امتحانات أنمار النهائيه وصرنه منطلع هواي ومرات نتخابر ومرات لا
أنمار :بدت امتحاناتي وخلصت واخذت نتيجتي ناجح كلش فرحت اتصلت على يسرى حتى اشاركهه فرحتي دكيت شويه وفتحت خط الوووو
يسرى :الووو هلو حبيبي بشرني
أنمار :نجحت لج يسرى نجحت وأخيراً تخرجت
يسرى :الف مبروك حياتي صدك فرحتني
أنمار :الله يبارك بيج عندي خبر ثاني الج
يسرى :شنو هوه
أنمار :اليوم راح احجي ويه أهلي حتى اجي اخطبج
يسرى :صدك والله
أنمار :اي والله وداعت عيونج
يسرى :لك أنمار احبببك
أنمار :واني اعشقج يا بعد روح أنمار يله راح ارجع للبيت وعود بعدين اخابرج
يسرى :ماشي منتظرتك
أنمار :رجعت للبيت وتلكتني امي من الباب
أم أنمار :هااا بشر
أنمار :ناجح حجيه ناجح صرت خريج
ام أنمار :كللللللللليش الف مبروك حبيبي يوم زواجك ان شاء الله
أنمار :على طاري زواجي جيت احاجيكم حتى تخطبولي
أم أنمار :يا يمه اليوم كلبي طاير من الفرح هم نجحت وهم تريد تزوج كول يمه منيه من كرايبنه حتى اروح اخطبهه الك
أنمار :لا يمه البنيه مو من كرايبنه البنيه غريبه بس احبهه وكلبي هاويهه
أم أنمار :لا يمه ما تاخذ الغريبه مو هاي مرت اخوك علي غريبه ولعبت بينه لعب
أنمار :بس يمه الاحبهه خوش بنيه مو مثل مرت علي تره مو كل غريبه مو زينه
ام أنمار :ماريدهه ما اخطبلك وحده غريبه اني اصلا حاطه بالي يسرى بت خالتك هم يتيمه وهم خوش بنيه دارينه بعيونهه
أنمار :اني اريد يسرى يمه بس مو يسرى بت خالتي يسرى الي يحبهه كلبي لج يمه احبهه لسوين هيج وتشلعين كلبي
