• يكصيره سبَن گلبي، الكحل🌀💞. "•
والمستحه من أتلاگن بعينج، 🥀🕊️.
امير :شنو يمه شحجيتي بله عيدي
ام امير :مثل مسمعت تعقد عل ايناس حتى نضمن بقاء ابن المرحوم بحضنه
امير :شنو اعقد عليهه ومرتي ايلاف لو نسيتي اني مزوج
ام امير :لا ما نسيت بس الشرع محلل اربعه
امير :لا يمه ماكدر اكسر كلب ايلاف يمه نسيتي شسويت علمود حبي الهه لو اذكرج زين احسن ما تريدين زوجيهه الي وتخليني اكسر كلب مريتي واقهرهه زوجيهه ل عبدالله عالاقل هوه ما مزوج
ام امير :انته كلتهه ما مزوج وتالي من نزوجه نزوجه مرت اخو الارمله وعدهه طفل
امير :زين وفلاح مو هوه اخونه الجبير المفروض هوه يتحمل مسؤليت مرت المرحوم وابنه هوه جبيرنه
ابو امير :بويه فلاح كوه مدبر عيشته وشوفت عينك شامر مرته يم اهلهه علمود مصرفهم ما نكدر نحمله مسؤليه ايناس والطفل
امير :ليش فلوسه وين ديوديهم راتبه وينه لو يصرفه كله عالشرب والنسوان خلي يحس على نفسه شويه ولده كبروا وهوه بعده شرب ونسوان كدامهم
ام امير :يمه موضوعنه مو هذا لتغير السالفه
امير :يمه من الاخير ماتزوج ايناس شوفولكم غير حل
ام امير :يمه لو اكو حل ثاني اني افرض عليك تزوجهه غير مجبورين
امير :صفنت بتفكير....... شويه وحجيت يمه لكيت الحل اسمعوني انتي وابويه
ابو امير :عدلت كعدتي ومنتظر اسمع شنو الحل الي لكا امير
ام امير : يله احجي نسمعك
امير :يمه ايناس تروح لاهلهه وابن المرحوم يروح وياهه
ام امير :ولك يمه امير شون ابنه يربه عند الغربه
امير :يمه بس خلي اكمل كلامي بعدين شوفت عينج عباس مستغربنه لتنسين من انولد وهوه يم بيت جده ما شفنا وهوه ما متعود علينا ف خلي يروح ويه امه وتره لتنسين ايناس بعدهه شابه ويجي اليوم الي راح تتزوج بيه واحنه من راح يروح الطفل وياهه نشرط عليهه اذا تتزوج الطفل يرجعلنه
ابو امير :والله اني اوافقك الرأي
ام امير :اخذتلي صفنه افكر....... وحجيت اذا انته مراضي تتزوجهه ف ماكو غير حل
امير :هذا هوه صيحو على ايناس خلي نحاجيهه
ام امير :اينااااااس يمه ايناااااس وينج
ايناس :اجيت اركض على صووت عمتي هاا عمه كولي شمحتاجه
ام امير :كعدي يمه امير واني وعمج عدنه موضوع وياج بخصوص عيشتج بيت اهلج
ايناس :كعدت احجو عمه اسمعكم
امير :شوفي ام عباس انتي راح تروحين تعيشين بيت اهلج وعباس وياج يروح
ايناس :ابتسمت بفرح من سمعت كلام امير ما اتحمل كسره ثانيه بعد موت عدي كسرني هواي وماتحمل فراق ابني عني
امير :لتفرحين مخلص الكلام الطفل يروح وياج بس اذا قررتي بيوم تزوجين وتكملين حياتج فالولد يرجعلنه ابنه ميعيش عند الغربه وهذا شرطنه
ايناس:واني موافقه على شرطكم ماريد الزواج المهم عندي ابني وكلشي ماريد
امير :لعد هذا هوه حظري روحج حتى ترحين لاهلج اليوم
ايلاف :جنت انتظر امير اتأخر شويه و رجع تعبان وضايج الله يساعدك امير
امير :ويساعدج حبيبتي جيبلي شويه مي رحمه على اهلج
ايلاف :من عيوني ركضت جبت مي انطيته شرب خير شبيك ضايج شصار وياك وليش تأخرت
امير :راح احجيلج بس لتقاطعيني لحد ما اخلص
ايلاف :ماشي احجي وكعد امير يحجيلي كلشي من طلبت امه يتزوج ايناس لحد موصلهه الاهلهه هيه والطفل
امير :واني مقهور على ابن المرحوم المفروض يتربى ويانه ويتعلم عليه بس ماكدر افرقه عن امه
ايلاف :الله كريم مرجعه الكم كلش انقهرت من سمعت عمتي رادت امير يعقد على ايناس همه ليش هيج ميفكرون بيه اني شسويتلهم بس الفرحني رفض امير بالزواج واستمرت حياتنه عادي طبيعيه خاليه من المشاكل وهادئه بس يمكن هذا الهدوء الي ما قبل العاصفه
2008/2/12
يسرى:قبل عيد الحب بيومين صار الليل ومثل متعودت بيهج وقت اتصل على انمار ونضل نسولف لحد منام وبهاي الفتره اكتشفت اني في بدايه عشقي وهيامي بانمار عندي مشاعر حب تجاهه بس خايفه ومتردده واحس هوه هم يبادلني بنفس المشاعر فزيت من صفنتي على دكه الجهاز وجان المتصل انمار فتحت الخط الووو
انمار :هلا والله بهالصوت شونج سراوي
يسرى :هلا بيك الحمدلله وانته شونك
انمار :مو زين
يسرى (بخوف) :شبيك انمار مريض صاير شي وياك
انمار :لا لا مريض ولا صاير وياي شي بس اريد احاجيج بموضوع وخايف تعوفيني وبعد متحاجيني بس والله اني حاولت والصار مو بيدي
يسرى :لك انمار هبطتني احجي عاد
انمار :سدي وراح ادزلج رساله
يسرى :سديته واحس كلبي راح يوكف من الخوف شبي شنو الموضوع الي خايف اعوفه علموده بس لا عنده حبيبه خاف راح يزوج فكره تاخذني وفكره تجيبني سمعت صوت رساله غمضت عيوني وسحبت نفس عميييق وفتحت الرساله وهنااااا تفاجاءت يعني الفكرت بيه صح......... يتبع
قراءه ممتعه قلابيني RusulAli336🕊️❣️
