لا تضن ساعه تفوت✋
موش على بالي😌🥀
#انته_السكنت_الروح💞
#هيج_انته_غالي••"
يسرى :وصلت الرساله من انمار واني كلبي يدك بالثانيه ١٠٠٠ دكه وجان مضمون الرساله((يسرى اني اعرف الموضوع صعب عليج بس حاولت امنع نفسي بس مكدرت والله راح يصير ٣ سنين واني اشوفج كدامي وحبج بكلبي يوم بعد يوم يكبر اكثر يسرى ادري بيج راح تضوجين وتزعلين لان معتبرتني صديق وبس بس مو بيدي مداكدر اسيطر على مشاعري حبيتج والله شاهد على كلامي انطيني فرصه وحده بس وشوفي راح اخلية اسعد وحده بالعالم ووعد ما راح اتركج للموت تره والله استاهل فرصه منج احبج يا نور حياتي*)) اني اقره الرساله ويه كل كلمه احس كلبي يطير من الفرح يعني الفكرت بيه صح يعني يحبني صدك ههههه وهوه خطيه عباله راح ازعل ربي اذا علاقتي ويه انمار بيهه صالح قربه مني واذا شر بعده عني دكيت عليه بعدني محاجيه
انمار :وكلام الله احبج لتزعلين مني اذا ضجتي من رسالتي ورفضتي خلينه نبقى اصدقاء بس لتتركيني
يسرى :لك انمار احبببببببك
انمار(بصدمه) :شنووو شكلتي
يسرى :اي احبك انته بتصرفاتك خليتني احبك وخليتني اثق بيك من بعدما جنت فاقده الثقه بالكل حبك بكلبي هم بده يكبر وراح انطي فرصه ثانيه الك والي لحتى تستمر علاقتنه بس الي اطلبه منك متخذلني وتضيع ثقتي بيك
انمار :ليش اني مخبل واخذلج لج يروحلج سبع فدوات حسين واهله الا اخليج تتندمين على حبج اله واخليج تعشقيني بجنون هذا مخبل يدفر نعمه الله برجليه بس الحمدلله زين ما سوه لان الله كاتبج الي وخلاج تنورين حياتي من اول موكعت عيني عليج من اكلت رزاله من شفا تذكرين
يسرى :ههههههه ضحكت على كلامه لعد شون ما اتذكر بس اني خايفه انمار
انمار :من شنو خايفه يا روح انمار
يسرى: خايفه ليجي اليوم الي اتندم على حبي الك
انمار :وعد مني الج وكلمه رجال مراح تتندمين بيوم وراح اكون كد هاي الثقه لج اني اعشكج عشك المخابيل
يسرى :بيومهه ضلينه نحجي للصبح وانمار شبعني حب وغزل
……………………
ايلاف :مثل كل يوم كعدت الصبح اتريك واريك الاطفال وامير بالدوام بس اليوم كعدت واحس نفسي مكسره تكسر ماكدر اتحرك والم ببطني موتني ونفسي بس تلعب بالكوه كمت اشتغل بالبيت وسويت غده لل١ الظهر وكمت ماشوف كدامي بس سواد ودخت وبعد ماحسيت غير اني بين ايدين امير
أمير :جنت جاي بالطريق دك تلفوني باوعت شفتهه ايلاف الووو ها ايلاف
فرح :بابا عفيه اني فرح ماما تخربطت اكعدهه ومتكعد عفيه بابا شسوي
امير( بخوف) :لج فرح شبيهه امج
فرح :بابا شمدريني عفيه تعال بسرعه
امير :بابا فرح عبري الشارع ديري بالج من السيارات وصيحي احد بيبيتج او وحده من عماتج يشوفنهه واني جاي
فرح :سديته وركضت لبيت جدو توني دافتح الباب وصاحتني عمتي نور جانت جايه من الكليه
نور :هاا فروحه شونج وليش تعبرين الشارع ركض متخافين تندعمين
فرح :عمه عفيه امي تخربطت تعاي بسرعه
نور :عبرت بسرعه لبيت اخويه امير واحجي لج شبيهه ايلاف
فرح :والله مادري جنت العب وهيه تشتغل شفتهن وكعت وهذوله كلبو الدنيا بالبجي( تقصد الاطفال)
نور :طبيت ركض شفتهه ممدده بالاستقبال رحت يمهه اكعد بيهه لج ايلاف فتحي عيونج كعدي اضرب بيهه على خدهه ومتكعد فرح ركضي جيبلي مي
فرح :ركضت اخذت كلاص وترسته مي ورحت اركض
نور :شوو جيبي اخذت بيدي اذب عليهه ومتكعد يالله متت خوف فرح خابرتي ابوج
فرح :اي كال جاي
امير :طبيت واشوف ايلاف ممدده وراسهه بحضن نور تكعد بيهه ركضت عليهه عبالك روحي فرفحت عليهه اول مره اشوفهه هيج ضليت اضرب بيهه على خدهه اكعدهه متكعد
نور :عفيه امير شبييه ايلاف ليش مدتكعد
امير :مادري خلي ناخذهه للمستشفى دنحجي وشفت ايلاف فتحت يالله الف الحمدلله والشكر
نور :لج ايلاف شبيج وكعتي كلوبنه عليج
ايلاف( بتعب):مادري شبيه دايخه
امير :شوو كومي خلي اوديج للغرفه
ارتاحي والعصر نروح للدكتور نشوف شبيج
نور :امير اني راجعه للبيت اخذ الاطفال وياي اغديهم خطيه خافوا على امهم
امير :اي والله ايلاف متكدرلهم مريضه بس اخذهه للدكتور نشوف شبيهه واجي اخذهم
نور:هاهيه راح اخذهم اذا تحتاج شي خابرني
امير :ماشي تسلمين
ايلاف :راح امير صب غده واجه يوكلني وياكل اكله مابيه شي خلي اني اكل
امير :لا اني اوكلج هيج مرتاح
ايلاف :للعصر رحنه للدكتوره وطلبت تحاليل نص ساعه وصاحو ايلاف صالح راح امير جاب التحاليل ورجعنه للدكتوره الي هيه دكتورتي وصديقتي اعرفهه من زمان باوعت بالتحاليل ورفعت راسهه عليه ودنكت
الدكتوره: ايلاف ما اعرف شأكلج اكيد راح تنصدمين
ايلاف :باوعت على امير لزم ايدي بخوف وباوع بعيوني وحجه
امير :خير دكتوره تره خوفتينه شبيهه ايلاف
الدكتوره :نتيجه التحاليل الي كدامي تثبت صحت توقعاتي الي توقعته طلع صح والتحليل يكول......... يتبع
قراءه ممتعه RusulAli336🥀🕊️
