_ذبيت روحي بحضن ما أريد أعوفنه ،
_والضآگ خدك صدگ شيسوي بالجنه.. 🕊️❤️"
يسرى :ثاني يوم جنت كاعده واتصل عليه انمار الوو هاا حبيبي شونك
أنمار :بخير اذا انتي بخير انتي شونج شكو ماكو
يسرى :الحمدلله ماكو شي جديد
أنمار :حبيبي باجر عيد الحب وهذا اول عيد النه سوا شنو رأيج نطلع نحتفل
يسرى :امممممم زين وين نروح
أنمار :ما ادري بعدني ممحدد المكان
يسرى :زين بيش الساعه حتى انطيهم خبر
أنمار :فد ب ٤ تكدرين لو نأجلهه
يسرى :لا ليش نأجلهه انشالله باجر نلتقي بس وين الگاك
أنمار :تلكيني واكفلج عالشارع العام
يسرى :أنهيت الاتصال من أنمار ورحت لأمي لكيتهه كاعده على جربايتهه تقربت منهه وبستهه بخدها
أم يسرى :هاا شعندج احجي
يسرى :هههههه والله ماكو احد يفهمني بكدج
أم يسرى :لعد غير بنتي شون ما افتهمج
يسرى :المهم داكلج باجر ب٤ راح نطلع اني وأنمار
أم يسرى :يا يمه والله اخاف عليج مو ذاك حسين ضيعتي ٩ سنين من شبابج وياا وخانج بيوم وليله وعافج
يسرى :ادري يمه بس والله أنمار مو مثل حسين واني لو ممتأكده منه خوش انسان مجان انطيته فرصه ولا طلعت وياا أنمار بعيد كل البعد عن حسين فرق بينهم من السمه للكاع أنمار انسان صادق وشفاف وحنون
خلود :هااااااااا كلتي حنين ما دامه حنين وانتي حنينه اخذوني وياكم خاف تخافين وحدج وابتسمتلهه ورمشت عيوني🤗
يسرى :لا شكرا لتخافين عليه ما اخاف
ام يسرى :ووليد شتكليله
يسرى :هسه صاعده اكله راح اطلع ويه صبا صاحبتي جنت امشي واحجي ويه امي وصعدت اول بايتين من الدرج وحجت شفا
شفا :يسرى اني هم اختج الجبيره والي كلمه عليج وممنوع تطلعين اذا اني مو وياج
يسرى :دطيري الهه كلمه عليه والله يا الله عفتهه ومشيت ههههه بكل عقلهن اخذهن وياي صعدت الدرج ووصلت غرفه وليد فتحت الباب على كيف عبالي نايم شفته كاعد ديباوع عالتلفزيون ومنطي ظهره للباب مشيت على اطراف اصابيعي ومعفسه وجهي😖خاف يحس عليه وصلت يمه وجان اكمز عالجربايه بكل قوتي بحيث وليد طار للسكف ورجع وعطت ولييييييييييد
وليد :اشتعلت صفحه ابو وليد شبيج متكليليييي مو اكو باب معرفتي دكييي
يسرى :هههههههه يا فهيم اذا دكيت الباب شون افززك
