اطحن وجر #لوعات🔕🔥
#واتنفـس جروح💔🥀
يادنـية #بسـج عاد🔙🎻
مـو طلـعت #الروح📛😭
يسرى :اجه بالليل وليد وصاحني رحتله هااا وليد
وليد :تعاي اكعدي دحجي وياج
يسرى :رحت كعدت يمه وجانت مرته هم كاعده هاا كول
وليد :احلام بله زحمه عوفينه شويه وحدنه عندي موضوع ويه يسرى
احلام :ماشي ادلل
يسرى :نزلت مرت اخويه وحجه وليد
وليد :رحت سئلت عل هذا الولد أنمار جماعته الي بالقيصريه يكولون خوش ولد
يسرى :اي
وليد :يسرى انتي تكدرين تدخلين على مره اني معليه هاي حياتج بس اشوفهه صعبه وفوكاهه عنده طفله
يسرى :اي اني موافقه وليد هيه بمكانهه واني بمكاني شعليه بيهه
وليد :هاهيه اني بعد معليه الي عليه سئلت عالولد شوكت يجيب اهله ويجون يخطبون
يسرى :مادري عود اسئله واردلك خبر
وليد :ماشي
يسرى :يله اني راح انزل تريد شي
وليد :سلامتج بس دزيلي احلام وياج
يسرى :نزلت جوه ولكيت احلام كاعده بس نزلت شوو هاي خزرتني بعيونهه باوعت عليهه وكتلهه وليد يرديج عافتني وصعدت
خلود :هاا شراد منج وليد
يسرى :علمود سالفتنه اني وأنمار
خلود :اي وشكال
يسرى :راح سئل عليه جماعته ويسئلني اذا اكدر ادخل ضره على مرته واني وافقت
خلود :وشوكت راح يجون يخطبون
يسرى :مادري اهله ميقبلون يجون لازم اخابره واستفسر منه
خلود :دروحي هسه خابري وشوفي
يسرى :اي هوه راح اروح هسه اخابره رحت صعدت فوك واخذت تلفوني دكيت على أنمار فتح خط الووو
أنمار :الووو هلو يسرى
يسرى :هلو حبيبي شونك
أنمار :الحمدلله وانتي شونج
يسرى :الحمدلله اكلك وليد سئل عليك وكلي شوكت يجون يخطبون
أنمار :يسرى ابويه ميقبل يجي يخطب قررت باجر اجيب كم واحد من جماعتي واجيكم وافهم اخوج ظروفي بلكت يقبل
يسرى :شون يقبل ومحد من اهلك راح يجي
أنمار :نحاول ونشوف وين الله وتصير
