هروب ليله الدخله

شابتر ٣

كان احمد يقود بغضب حتي وصل الي منزله وانزلها مجرجرا اياها ثم رماها علي كرسي بأحدى الغرف
احمد بغضب:هتحكي بالذوق ولا نضيع وقت وخلاص
سما:ياريت تهدى شويه عشان نعرف نتكلم
زفر احمد بشده:اتكلمي ..هربت ليه،وراحت فين
سما:جاتلها وظيفه مهمه تحقق بيها مستقبلها وخافت للوظيفه تضيع منها
احمد :وظيفه !سابت جوازنا وهربت عشان وظيفه..انتى اتجننتي
سما:الوظيفه دى مستقبلها
احمد :وجوازنا مش مستقبلها
سما:قولتلك تهدى،انا فاهمه موقفك بس عصبيتك مش هتفيدك بحاجه وانا مليش ذنب
احمد ممسكا سما من شعرها:راحت فين انطقي
ازاحته سما عنها بقوه:ابعد عني انت اتجننت
احمد:يبقي هتفضلي هنا لحد م تنطقي هي فين
ثم تركها وخرج تحت تهديدات سما

.......
في المستشفي شاهد محمود(صديق احمد) احمد مغلقا عينيه مستندا علي مكتبه
محمود بذهول ):احمد!! انت ايه اللي بتعمله هنا يوم صباحيتك
لم يسمع جوابا منه فاقترب جالسا علي الكرسي امامه :
احمد مالك حاجه حصلت مع رنا
انتفض احمد محطما ما امامه بغضب:متجبليش سيره الخاينه دى
محمود بذهول:خاينه ازاي
احمد وهو يدور كالثور في حجره الكشف: هربت ليله دخلتنا ، خدرتني وهربت
محمود محاولا تهدئته: ايه!!ازاي !وليه عملت كده ..الكل كان شايف حبكم لبعض
جلس احمد واضعا يده علي وجهه محاولا تهدئه نفسه : هربت عشان وظيفه .. عشان كانت فاكره اني هرفض اساعدها تحقق اللي عايزاه...وف لحظه باعت كل حاجه بينا وهدت كل حاجه فوق راسي
محمود:وعرفت ازاي
احمد: بنت خالتها قالتلي
محمود:وعملت معاها ايه
احمد:حابسها ف بيتي لحد م تعترف بمكانها
محمود: احمد انت اتجننت ..انت فاكر ان اهلها هيسكتو...انت عارف عيلتهم عامله ازاي ..وجدهم جابر كبير العيله اكيد مش هيسكت ابدا
محمود :ميهمنيش كل ده .قرارى ومش هغيره
زفر محمود بحزن: ربنا يستر
......
بعد عده ايام كانت سما جالسه في شرفه غرفتها المحبوسه بها تتذكر ما حدث في اجتماع العائله منذ ايام فى منزل احمد وحكمهم عليها

فلاش باك
كانت سما جالسه ف الغرفه عندما استمعت اصوات في الاسفل فوجدت عائلتها المكونه من جبر الجد الاكبر وخالها كمال وابنه حسام ووالدها ووالدتها ومحمد وزوجته
وقفت سما امامهم كالمذنبه فلم يكن يهمها من جميع هذا التجمع ما عدا جدها الذى كان يتحكم في جميع العائله بدون القدره ع اعتراض احد
حتي والدها القاسي لم يكن يستطع مخالفه اوامره

اقتربت امها منها محاوله احتضانها
فقال جابر بصوت جهورى:ابعد ى عنها ،،، شوفتى اخرت دفاعك عن غلطاتها
ووجه حديثه اليها :تعالي يا صاحبه الصون والعفاف ياللي خليتي وشنا ف الارض
سما بكره بادي عليها : يا جدى انا
جابر :اخرسي خالص مسمعش صوتك .ليكي عين تتكلمى بعد اللى عملتيه ..بنت خالتك فين
اشاحت سما وجهها بكره
جابر:ساعدتيها تهرب عشان تنتقمى من العيله، عشان المحروس اللي رفضت اجوزهولك مش كده
سما بغضب :ملوش لازمه الكلام ده دلوقتى ..هو كمل حياته وكل واحد راح ف طريقه وكله بسببك
جبربغضب :بسببي انى مرضتش اجوزك واحد لسه بيدرس وميقدرش يفتح بيت ،واحد كان طمعان ف فلوس اهلك
حسام:ملوش لازمه الكلام ده ي جدى ،وانا متأكد ان سما مستحيل تأذى رنا بسبب الموضوع ده ،رنا لازم ترجع عشان سمعه العيله ي سما ،، ساعدينا نعرف مكانها
سما:صدقنى معرفش عنها حاجه من يوم م مشيت