بصت فرح لمرات ابوها وعنيها لمعت من الوجع... انها بتقولها كلمه امي خارجه منك سم....
ام ادم.... متيجي تاخديني قلمين بدال مبتبصيلي كدا... انجزي عشان مطلعش القديم والجديد علي وشك...
كانت ام ادم بتكح وهي بتزعق لفرح... جابت فرح كوبايه مايه وقالت لها... اشربي عشان الكحه والعلاج اهو ياريت تنتظمي فيه...
مسكت ام ادم الكوبايه وكسرتها علي الارض وقالت... بلاش سهوكه البنات دي انا حفظاها...
اتنفضت فرح وهي في مكانها... ومشت بسرعه ذهبت الي المطبخ عشان تخلص الاكل وغسل الاطباق....
صحيت يارا وكانت بتمسح في عنيها...
وهي بتقول...
يارا.... ايه القرف اللي علي الصبح ده حد يتنيل يصحي حد كده بيت يقرف..
ام ادم.... معلش ياقلبي دي وحده غبيه عصبتني متاخديش في بالك وقومي نامي وريحي جسمك...
يارا... مش عايزه اتزفت علي دماغي بقولك ايه انا زهقت من القرف ده فمتزودوش علشان مروحش لابويا واسيب جنابك وانتي عارفه ان ابويا عايزني....
ام ادم.... كفايه انه حرمني من ادم طول 11سنه دول وقطع قلبي عليه كمان انتي عايزه تسبيني...
يارا.... لا انا بفهمك بس لاني قرفت من خناقك مع المتخلفه اللي جوه دي...
ام ادم... حاضر يابنتي مش هزعق وانتي نايمه تاني مره..
يارا.... ياختي عايزه تزعقي وتفرضي سيطرتك افرضيها بس من غير مسمعلك صوت واحد....
سكتت ام ادم من رد فعل بنتها وعصبيتها وقامت بنتها عشان تدخل تستحمي وتخرج مع صحابها...
كانت فرح خلصت كل شغل البيت وقاعده بتذاكر في اوضتها.. دخلت عليها يارا...
يارا بضحكه....
هو ده اللي فالحه فيه تقعدي تذاكري لو تشغلي دماغك وتخرجي تستلقطي حد يتجوزك هترحمينا من شكلك..
فرح..... انا مش قاعده علي دماغك يا يارا عشان اريحك انا في بيت ابويا زاي مهو بيتك ولو انتي اللي زعلانه اتفضلي الباب يفوت جمل..
يارا... بس عندك حق هو فعلا يفوت جمل ياجاموسه... حلو الكتاب ده يااستاذه فرح....
فرح بعصبيه.. مينفعش تاخديه يا يارا انا بذاكر بعد اذنك رجعي حاجتي ...
يارا... طب متيجي تاخديه انتي.. ولا اتشليتي...
بتقولها كده وهي خارجه من اوضه فرح...
فرح.... هاتي الكتاب وعيب كده انا مبروحش جنب حاجتك يايارا اعقلي...
يارا... قالولك مجنونه ياربايه حارات انتي انا اعقل من اللي خلفوكي حتي بصي...
وراحت قطعت الكتاب بتاع فرح وهي بتضحك وقالت عشان تعرفي تذاكري حلو وتتكلمي مع اسيادك بطريقه افضل..
كانت فرح مدايقه وكانت عنيها هدمع مسكت نفسها ولمت الورق ودخلت اوضتها...
ام ادم.... كانت سامعه كل حاجه بس مبسوطه من بنتها ومخرجتش وهي لو خرجت هتولعها اكتر...
الساعه 11وربع بليل.... دخل ابو فرح عم محمد.... وكانت فرح في اوضتها وام ادم في اوضتها... راح لبنته الاول.... وخبطت علي الباب...
فرح.... ادخل.
عم محمد... ازيك ياروح بابا..
فرح... الحمدلله وهي عنيها مدمعه...
عم محمد... مالك بس مين يقدر يزعلك وانا موجود؟!!
فرح... محدش يقدر يابابا انا مدايقه لوحدي لان امي وحشتني...
عم محمد... يابنتي الموت علينا حق وكلنا هنموت متزعليش ومتفكريش كتير سبيها علي ربنا. ..
فرح.. ..ونعم بالله يا بابا. ..
عم محمد. ...خدي يابنتي الفلوس دي خليها معاكي عشان جامعتك والموصلات واي حاجه تلزمك.. .
فرح. ..ربنا يخليك ليا يااحلي اب في الدنيا.. . احضرلك العشاء ؟!!
عم محمد... لا اتعشيت مع صحابي برا يابنتي نامي انتي... تصبحي علي خير..
فرح... وانت من اهل الخير يا بابا...
وخرج عم محمد من عند فرح متاجه اللي غرفه مراته ام ادم. .
