هنكون لبعض { كامله }

الفصل الثاني عشر 12والاخير

كانت يارا طول الطريق وهي بتتخيل والدها شكله ايه وبتحكي لفرح كانت قاعده فرح من قدام هي وادم ويارا من ورا ..سمع ادم كلامهم وقال ليارا ..خدي الفون ده مليان صور لابوكي وتفرجي لحد متزهقي ..أخدت يارا الفون بشوق أنها اخيرا هتشوف والدها.بعدها أدت ال فون لآدم قالها لحقتي تشوفيه..قالت لا عايزه  اول مره اشوفه يكون قدامي ياادم مش هينفع الصور لأن الصور هتزيد من شوقي وحاجات كتير جدا جوايا مش هتقدر الصور تحس بيها ..
سكت ادم للحظه وقال زاي متحبي بس احب اطمنك ابوكي قمر أي حد بيشوفه بيقول اصغر مني ..

فرح .. لا ومخلف عسل وربنا اول منوصل هبوسه علشان جبلي أجمل حاجه حصلت في حياتي ..

آدم رفع حاجبه وقال تبوسيه؟!!!

يارا فطست من الضحك من ورا ..

فرح ..اه ابوسه عادي ..

آدم في نفسه ..مش لما تتنيلي تبوسيني انا الأول .

سكت لمده دقيقه وكانت فرح كاتمه ضحكتها ..وقال ماااشي خليكي تبوسيه كويس اول منوصل يااختي..

يارا اتشقلبت من كتر الضحك عليهم ضحكت فرح وقالت طيب..

اول منزلو من العربيه كانت دقات قلب يارا بتزيد وعنيها بدأت تلمع وتنهدت وابتسمت وقالت اخيرا ..

مسك آدم ايد يارا وفرح ودخل بيهم البيت ..مكنش قال لوالده أنه شاف اخته او والدته او أي حاجه قاله وقتها أنه اتجوز وتحت ظروف صعبه لكن مقلش ازاي او مين ...

كانت الساعه 8بليل وكان بيجهز اكل هو طباخ شاطر جدا ومقلش ادم لابوه انهم رجعين اسكندريه كان عملها مفجاه ..

كان ادم معاه المفتاح فتح الباب وقال للبنات استنو هنفجاه واحده واحده ودخل ادم وهو بيدور في كل الأوض مش لاقيه راح سمع صوته وهو بيغني في المطبخ ..
آدم  ..ياحلاوتك ياحج وأنت مندمج ورومانسي كدا..

أبو ادم...يا بني انت هتموتني في يوم من عميلك دي حد يخض حد بشكل ده ..ضحك ادم وقاله انا...
قال أبو ادم ..وبعدين فين الرومانسيه في المطبخ؟!!
آدم...مكرونه بالبشاميل وافراخ أعتقد مفيش بعد كدا حب ولا رومانسيه ..
أبو ادم ..علي رأيك بس استني انت مش اتجوزت؟!!فين مراتك يامتخلف انت شكلك مخبيها مني...

آدم ..والله أبدأ دي وقفه برا ..
أبو ادم انت فعلا قليل ذوق ومش طلعلي ولا نافع في حاجه وسع كدا ...

خرج أبو ادم علشان ينده فرح قال لآدم انا نسيت هي اسمها ايه قاله فرح ..قال وهو من جوه مخرجش برا الباب بصوت عالي ...ادخلي يا فرح يابنتي ..

سمعت يارا صوت والدها قلبها زادت دقاته واتوترت جدا ..دخلت فرح وسلمت علي والده ..
قالها ادم ...ما انتي حلوه وبتبوسي أبويا وبتحضنيه أهو يااختي ....

أن اتكسفت فرح جدا وابتسمت وبصت في الأرض من خجلها

أبو ادم ..اتكلم معاها عدل بدال مطردك من البيت واقعد انا معاها ...