اخدت يارا تاكسي وطلعت بامها علي المستشفي كانت لاتعرف كيف تتصرف مانت بتبكي ومرعوبه لوحدها وقالت طب اتصل بمين دلوقت ياربي ؟!
كان يوسف بيتمشي وفونه بيرن في جيبه بس مكنش حابب يرد علي حد في الوقت ده كان مدمر حرفيا... خرج الفون بعد فتره لقي يارا قال مش وقتك خالص والله ياست يارا....
وفتح عليها...
يارا.... الحقني يا يوسف امي عملت حادثه وانا طالعه بيها علي المستشفي ومش عارفه اعمل ايه....
يوسف... ياساتر يارب انا جاي حالا مش هتاخر....
ابو فرح كان قاعد في اوضته بيقول يارب استرها علينا ام ادم اتاخرت ودي مش عادتها لكن يارا متعوده علي السهر يتري راحت فين بس وهي زعلانه طب اخرج ادور عليها ولا اسيبها يمكن محتاجه تبقي لوحدها شويه كلام يارا برضو صعب عليها انه تسمعو من بنتها ...
وفونه رن وكان يوسف...
يوسف... تعالا ياخالي علي المستشفي مراتك عامله حادثه...
رمي الفون علي الارض ابو فرح وجري علي المستشفي...
وصل يوسف المستشفي لقي يارا وقفه وبتبكي وهدومها غرقانه دم ....قالها فين مرات خالي دلوقت وصحيتها ازاي ؟!!
قالت وهي بتبكي الوضع ميطمنش يا يوسف... دخلهوها غرفه العمليات اول مدخلت بيها مش عارفه اعمل ايه او اتصرف ازاي...
يوسف... اهدي بس وان شاء الله كله هيكون بخير...
وجيه ابو فرح يجري وكان هيضرب يارا بس يوسف منعه...
وكان بيقولها انتي السبب في اللي هي فيه لولا كلامك مكنتش هتخرج يوسف قاله ده قدر ومكتوب ياخالي اهدي بس وخده قعده قال لا مش هقعد انا عايز اشوف ام ادم هي فين دلوقت انا مش هرتاح ولا اقعد غير لما اطمن عليها...
كان ادم قاعد مع فرح ولقيها بتبكي بيقولها مالك طب حد يبكي دلوقت وفي يوم زاي ده...
فرح... كان نفسي ابويا يكون موجود زاي بقيت البنات ويفرح ببنته الوحيده بس للاسف مش بيعتبرني بنته....
ادم... وانا ايه جوزك بس ؟؟!
مش حبيبك واخوكي وابوكي وابنك ولا ايه ؟!!
فرح... ياادم انت العالم بنسبالي ووجوده ده نعمه من ربنا عليا.. بس كنت محتاجاله. .
ادم..... انا عارف ياقمري ان الاب عمره ميتعوض بس هيرجعلك باذن الله قريب...
بطلي عياط علشان عايزين نتصور ونبعت الصور لابويا علشان مينفخنيش كفايه اني مقولتلهوش علي الجواز... ومسحي دموعك دي علشان شكلك احلي وانتي بتعيطي وانا مش هعرف اسيطر علي نفسي...
فرح ....حاضر هظبط الميكب واجي نتصور...
ادم... ماشي بسرعه علشان مجيش الخبطه انا....
ابتسمت فرح... وراحت تظبط الميكب بتاعها...
وكان ادم بيشوف ابوه فاتح فيس ولا لا لقيه قافل قال هبعتهم واتس جات فرح واتصورت هي وادم بعدها بعت الصور لابوه وكانت فرح جنب ادم علشان تشوف رد الفعل بتاع ابو ادم. ...
