فصلية شهم

البارت الثاني

شهم: رحنه لاهل وسيم الكتل اخوي واني ناوي اشرب من دمة بس هو هسه بالسجن وبلغت جماعتي ينطوو كتلة معدلة المهم وصلنه لمنطقتهم وسئلنه ع بيتهم ما شاء الله ناس معروفين كلها الناس تعرفهم رحنه دكينه الباب طلع النه رجال سلمت علي حسب الاصول وكتله اني اخو الرجال الي كتله ابنك هو خطي ضل يتعذر منه ودخلنه للاستقبال وكال

ابو وسام: ادري بي غلطان من ساسه لراسة بس يضل ابني والضفر ميطلع من اللحم وحكم علينه وشتئمرون اني حاضر

شهم:بصيااح اريد دم اخوي الدم بالدم بهل الاثناء اجو زلم وشيوخ اعتقد من عشيرتهم وعمام وسيم المهم رادو يهدوونه بس اني عصبت صررت نار اجاني اخوي الجبير كالي

هشام:كوم اطلع هدي اعصابك وتعال

شهم:اني صح حسيت بروحي صرت اعصاب طلعت وي ماكاعد افتح الباب وفتحته بنية سبحاااااان الخااالق شكد نازكة وحلوة من شفتها تفاجئة بيه وضلت صافنة واني هم صفنت عليها وبصراحة اني شهم العمري ماهززتني مرة من شفتها حسيت شي بداخلي تحرك شوي شافاها  واحد  جان يصف بالسيارته جان يجي يخلي يدة ع جتفها ودخلها جوة توقعت اخوها او زوجها لان احنه ماعدنه ابن عم هيجي يتصرف وي بت عمه بس الظاهر عدهم عادي المهم صحيت ع روحي وكلت شبيك شهم هاي من اهل الي كتل شهاب طلعت برا واني احس اعصابي بردت مااعرف شلون حسبالك نضرت عيونها الكباار بردتني وسوتني ثلج رجعت طبيت لكيتهم كاعد يتفقون ع الكعدة اني كلت بصوت شبه عالي بس اعصابي باردة مدري ليش.. الكعدة ورى الفاتحة ودم اخوي ميضيع راح اخذه من عيونكم... اتفقنه ع الكعدة وطلعنه اخذنه جثت اخوي للمغيسل غسالنه وجفناا واخذنا للبصرة طبعا بعد مابلغنة الاهل وصار العيااط بتلفون طرشنة وامي تخابرني تبجي تكلي

ام شهم: شهم كول جذب ابني بعدة عايش فدوة كول جذب

شهم: البقاء لله يمه الصبر يايمه الصبر هذا الكاتبة الله

ام شهم: اخ اخ يمه وليدي بعد عمري كتلوك المايخافون الله اخخخخخ ونعم باالله ابني بس كلبي شلون بي وانلجم بعزيزة لك هذا قطعةة من روحي الله ياخذ حقك منهم وليدي حسبي الله ونعم  الوكيل

شهم: سديته التلفون من امي واني اغلي وحلفت الا اخذ ثار اخوي بيدي المهم وصلنه للبصرة ولد العم جانوو ممقصرين وناصبين الفاتحة اجو شالو التابوت ودخلوو ليجوة حته يودعونه دخلت بدلت لبست دشاشة سوده  وغترة سودة  وي مانزلت الباب الي عالصالة مفتوح واشوف اخواتي وامي يملخن برواحن ركضت بنص النسوان كلها كرايبنه ماكو احد غريب كضيت امي وشبكتها وضليت ابجي ويااها مثل النسوان ع حزام ضهري ع العزيز اجوو عمامي واخواني وولدهم شالو التابوت واني هم كمت شلته وياهم  وشيعنا وطلعنه للنجف حتى نكمل الدفنة ونرجع للفاتحة كملنه الدفنة دفنا بمقبرة الامام علي(عليه السلام) بالفتحة الاولى مقاطعة الثالثة ورجعنه للفاتحة مرت ايام الفاتحة واجوو اهل وسام علمود الكعدة صارت الكعدة وضلو يتناشقون ويردون ينطونه فلوس حته نطلع ابنهم بس اني كمت وضليت اصيح دم اخوي ميضيع بفلوس الحمد لله عدنه خير من الله فجاا ادخل الطرف الثالث وكال