شهم: دخلت للغرفة لكيتها كاعدة وامي كاعدة بصفها وتمسح بدموعها.. شافتني وغمضت عيونها ولبدت بظهر امي كلش انقهرت صارت تخاف مني كلت لامي راح اسوي خروجية حضروو روحكم وهذا العلاج وطلعت.
ملاك: من طلع من الحمام شافني واجه ضربني مرة ثانية وجر الحزام وضل يضرب ضليت ابجي واصيح بس هو ولاكنو ضل يضرب بيه واسمع عمتي واخواته يدكون بالباب بس هو ولاكنو مستمر بالضرب لحد ما اغمه علي وماحسيت الا اني بالمستشفى وعمتي كاعدة يمي كعدت جسمي كله يوجعني كسرني تكسر الله لايطيك حسبي الله ونعم الوكيل ضليت ابجي اجت عمتي ضلت تمسح بدموعي وتكلي
ام شهم: اصبري علي بنيتي والله هو كلبة طيب بس لان محروك دمة ع اخوو
ملاك: عمه والله مالي ذنب شدخلني اني وبعدين هاي انتي مو امه شوو تحبيني ومااذيتيني بلعكس اعتبرتيني بنتج ليش هو هيج
ام شهم: ادري بنيتي يي والله اني حبيتج وعوضتيني ع غياب شهاب واني رضيت بالكاتبة الله هذا المقسوم وهو مكتوبلة يموت بهيج يوم حته لو مااجان رايح لبغداد جان راح يموت بعد هو يومة بس شيقنع شهم هذا اخوو وحزام ظهره يله يمه كومي خل نطلع هسه يجي شهم
ملاك: فدوة عمه مااريد اروح وياا هسه هم يرجع يضربني
ام شهم: لا مراح يضربج
ملاك: متاكدة؟؟
ام شهم: ههه يي يمه متاكدة يله كومي
ملاك: كومتني عمتي بلكوة جسمي مكسر تكسر اجه شهم ورجعنه للبيت خطية شهد جانت منتظرتنه بالحديقة اجت ساعدتني وصعدوني فووك بلكوة نيموني ع الجرباية وشهد جابت مي وانطتني الدوة والظاهر الدوة بس منوم بساع نمت😴😴😴😴
شهم: رحت سويت خروجية وسمعت حجي امي وملاك صح انقهرت بس تستاهل...طلعنه ووصلنه للبيت شهد وامي صعدن ملاك ليفوك وراء شوي نزلن صعدت لكيتها نايمه جنها ملاك دخلت سبحت واجيت نمت اني نومي كلش خفيف ع اقل حركة اكعد حسيت بيها تحركت وكامت وهي تتوجع فتحت تك عين لكيتها كاعد تفرش بلكاع
ملاك:تقريبا ساعة 3الفجر حسيت اكو شخص نايم يمي كعدت ولكيته شهم كمزت نزلت من الجرباية بلكوة الالم موتني دورت ع فراش لكيته بالكنتور طلعت فراش وفرشته بالكاع واخذت مخدة من الجرباية وطلعت جرجف ونمت بلكاع ممتعودة انام يم شخص غير امي اوووف يمه مشتاقتلج.... نمت الصبح كعدت ع واحد يندهني كعدت لكيت شهم يندهني
شهم: كوومي لج سوويلي زقنبووت اريد اتسمم قبل لا اروح عندي دوام يله بسرعة
ملاك: يي كايمة لحضة شبيك تصيح
شهم: والله بكيفي اصيح مااصيح انتي عليج تنفذين وبس لاتنسين انتي هنا فصلية والفصلية يعني خدامة
ملاك: لاماناسية ماكو داعي تذكرني.. نزلت سويته ع كولته زقنبوت سممم بطنك ان شاء الله مكروه.. صعدت لكيته متمدد ع جرباية ومكنك كتله الزقن... قصدي الريوك جاهز
أنت تقرأ
فصلية شهم
Romanceقصة تتحدث عن فتاة تضحي بحياتها من اجل ابن عمها الذي كان سيكون زوجها فتذهب فصلية من اجل انقاذ حياته فترى انواع العذاب وعذاب الروح اكبر من عذاب الجسد ...... تابعوا معي ماذا سيحدث......... القصة من وحي الخيال ماالها اي صحة
