فصلية شهم

البارت الاخير 2

ملاك: شهم اريد اكولك اني قبل لااتزوج وعدت وعد وهذا الوعد لازم اوفي بي مو

شهم:يي اكيد لازم الله اوصى بلوفاء بالعهود والوعود...بس شنو الوعد

ملاك:يي الوعد اني وعدت مرت ابن عمي وسام انو انطيها اول طفل يصير عندي وهسه الله رزقني ب3واني

شهم:شنووووو وانتي شنو تردين تنطين ابنج شبيج اتخبلتي انتي من كل عقلج تحجين

ملاك:شهم افهمني ارجوك

شهم:لج شفهم متكليلي شفهم بله ليش تردين تنطين ابنج لمرت ابن عمج هااا كولي

ملاك:وسام ميصير عدة جهال من الولادة وهو انكتب عليه ميصير عدة جهال ونور زوجته من درت انقهرت كلش وهو جان متامل يتعالج او يسوي عملية بس كلولة فات الاوان جان لازم تسوي عملية من عمرك 4سنوات واني وعدتها انو اول طفل انطيهيا شهم اعتبرها مساعدة انسانية وانته الله رزقك ب3 اتبرع بواحد منهم ارجووك

شهم:ملاك انتي شلون عندج كلب تنطين ابنج وشنو اتبرع بابني مستحيل

ملاك:عندي كلب لو ماعندي جا مااهتميت الها من شفتها تبجي وتسولفلي شلون مقهورة ع وسام

شهم:ملاك سدي الموضووع......عفتها وطلعت من كل عقلها انطي ابني... كاعد انزل من الدرج ولكيت امي كدامي كالتلي

ام شهم:شهم يمه اني سمعت شكالت ملاك بدون قصد يمه تعال اريد احجي وياك..

شهم:يي يمه اجيت...رحت وراء امي لغرفتها ابوي جان كاعد كالت

ام شهم:اسمع يبو شهم وحجتله شسمعت....

ابو شهم:شهم بوية ولو اني هم كلبي مينطيني بس ترا صح مساعدة انسانية وتكسب اجر عليها انطيهم واحد من الولد وانته بعدك بحيلك تجيب ١٠مثلهم

شهم:هههههههه لا بوية اريدهم 12بكد اولاد يعقوب عليه السلام.....بس بوية والله صعبة شلون انطيهم قطعة مني كلي شلون

ام شهم:اسمع يمه راح اكلك شي وادري انته ايمانك جبير شووف يمه هذا كله اختبار من ربك انطاك 3 حته يشوفك راح تساعد بواحد منهم عائلة تحلم بطفل بس هو ماكتبلهم ابني مرتك كلامها صح مثل ماكال ابوك مساعدة انسانية اذا مو لخاطر مرتك لخاطري وافق وان شاء الله يعوضك ربك

شهم:شوي اقتنعت من كلام امي وابوي صح مساعدة انسانية واني بعدني بحيلي ويصير عندي اطفال مراح يضر اذا اتبرعت بواحد...كتلهم خوش يمه لخاطرج راح اوافق

ام شهم:باارك الله بيك وليدي وهسه يله روح صالح مرتك اكيد تلكاها تبجي

شهم:امرج يلغالية.....صعدت دخلت للغرفة لكيت ملاك كاعدة بالكاع وتبجي رحت عليها وحضنتها كتله اشششش اسكتي لاتبجين موافق اني بس عندي شرط

ملاك:نزل شهم واني كعدت بلكاع وضليت ابجي وراء شوي صعد واجه حضني وكلي موافق بس عندي شرط كتله ش ن و ال ش رط(شنو الشرط) واني اشهك