فصلية شهم

البارت الاخير

ملاك: ابتسمت الدكتورة وكالت

الدكتورة: زوجج هنا

ملاك: يي هنا بس ليش دكتور

الدكتورة: هسه اصيحة وتعرفين ليش....

ملاك: راحت الدكتورة وبلغت سكرتيرتها انو يدخل زوج المدام دخل شهم واجت الدكتورة كعدت بمكانها ورجعت تفحص بين صوت النبض بس جنه اكثر من نبض جان تكول

الدكتورة: مبروووك استاذ زوجتك حامل بتؤم

شهم: بعد ماخبرت اهلي بحمل ملاك كلش فرحووو...ومرت الايام واني اتحسنت ورجعت لدوامي ولشغلي...مرت اربع اشهر وصار لازم نعرف جنس الجنين رحنه اني وملاك للدكتورة وصارت الاحداث الفوك 👆كتله دكتورة يعني راح يجوني تؤم طفلين الف الحمد لله والشكر

الدكتورة:هههههه استاذ زوجتك حامل 3تؤؤم

شهم:من كالت هيج الدكتورة اتبسمرت من الفرحة بمكاني اعاين ع ملاك عيونها دمعن...

ملاك:كالت الدكتورة اني حامل بتؤؤم واني احس داخلي فرحت كلش وانوب من حاجاها شهم وكالت زوجتك حامل ب3تؤؤم دمعت عيوني من الفرحة.وصفتلي الدكتورة مثبتات وفيتامينات طلعنه من العيادة ومرينه اخذناهن وطلعنه بالطريق ووكف شهم ع محل تجهيزات الولادة كتله شتسوي هنا كال

شهم:احساسي مينوصف فرحة مو طبيعية حسيت بيها انطتنه الدكتورة الراجيته مال العلاج نزلنه اشتريتهن من الصيدلية وبالطريق نزلت ع محل تجهيزات ولادة ملاك سئلتني شتسوي هنا كتله اشتري غراض لجهالي لج ملاكي ممصدك راح اصير اب لثلاث اطفال ملاكي شكد مااشكرج قليل بحقج انتي انطيتيني اجمل شي بحياتي اني خليتيني افرح فرحة عمري مافارحة شكراا حبيبتي

ملاك:شنو هالحجي حبيبي ليكول اني الي سويتهم ههههههههه هو لوما انت يصيرون ههههههه

شهم:من رحت فدوة لهل ضحكة يله تعاي نزلي خل نشتري

ملاك:حبيبي بعد وكت مو هسه امشي نرجع للبيت

شهم:لا هسه بعد احنه اجينه يله نزلي

ملاك:اوكي براحتك.....نزلنه وشهم ضل يجيب ويكوم ملابس وغراض الاطفال اكله شدعوة يكلي

شهم:معليج هذني لجهالي

ملاك:ههههههه لاوالله بس جهالك....ضليت اعاين ع شهم شلون فرحان ويشتري غراض فجأه رجعت بذاكرتي لقبل لا اصير فصلية... محادثة بين ملاك ونور...

ملاك:شكو نور حبيبتي ليش ضايجة احسج

نور:ملاك وسام ميصير عدة اطفال وحيل مقهور واني هم مقهورة جنت احلم اصير ام بس الظاهر الله مكاتبلي بس مكاعد ابينله اني مقهورة مااريد ازيدها عليه كليلي شسوي

ملاك:حبيبتي هاي ارادة الله بس اني اوعدج اول طفل يصير عندي انطيجيا واسجلة بااسمج وصدكي الام الي تربي مو الي تحبل وتجيب

نور:لا شكراا حبيبتي متقصرين

ملاك:لانور اني اعتبرج اختي ووسام هم اخوي وابن عمي واني وعدتج واني عند وعدي

نور:تسلمين حبيبتي والله اني هم اعتبرج اختي متقصرين حياتي

ملاك:.....عودة للواقع...شفت شهم شلون فرحان بس لازم اخبره بهذا الموضوع كتله شهم يله حبيبي تعبت خل نرجع للبيت وعندي موضوع ويااك لازم تعرفة

شهم:يي حبيبي هاج هذا مفتاح السيارة روحي انتضريني بالسيارة

ملاك: اخذت السويج ورحت للسيارة كعدت شوي اجه شهم شايل كومة علاليك خلاها بالصندوك واجه صعد بالسيارة كال

شهم: شنو هو الموضوع اللازم اعرفة

ملاك:مو هنا بالبيت

شهم:اوكي براحتج..حركت وصلت للبيت دخلت السيارة للبيت واول ماطبيت للبيت صحت بعلووو صوتي ياااهل الدار وينكم تعالو بسرعةةةة الكل طلع

ام شهم وابو شهم وشهد:شكو خير شصاير

شهم:اسمعوني وافهموني انتم راح تصيرون اجداد لثلاث جهال ملاك حامل بتوم 3

ام شهم:اللهم صل على محمد وال محمد يااالله الله يبشرك بالخير

ابو شهم:ياالله مبروووك وليدي مبرووك بنيتي ع هاي البشارة يطلعلج هدية مني طلعت خمس ورقات وخليتها بيدهه

ملاك:بعد ماصارت الاحداث الفوك👆 عمي طلع خمس ورقات وانطانياها مقبلت اخذها بالبداية بس اصر...باركولي كلهم وشهد كل شوي تمشي وتكول طلع اخوي ميكعد راحة هههههههه وتضحك....صعدت فوك وصعد وراي شهم

شهم:خير شنو الموضوع ترا قلقتيني

ملاك:.......نهاية البارت  التكملة باليل انزلها راح انام حاليا😴😴استوني اجيت من الكلية وتعبانه كلش

ادعموني بلايك وتعليق please

ۿنوشہ ، ʰᵃⁿᵒˢʰ