فصلية شهم

البارت الخامس الجزء الثاني

ملاك: اجوو اهلى سلمت عليهم وماما هم شكد مشتاقتلها..... علما صلو وارتاحوا صبينه الغدة كعدت يم ماما وعشوقة كاعدة بحضن امي متقبل تنزل وماما مكيفة بيها وتكلي تشبهج من جنتي صغيرة كلش وحته نفس التصرفات... صارت كعدت شهم كبال وسيم واني اكبالهم اعاين عليهم واحد يخزر الثاني وخلصووها طول الاكل خزرات اني من يمي خفت من خزرة شهم خلصنه اكل ولمينه المواعين وسويت جاي ورحت اوزعة انطيتهم كلهم ومن وصلت يم وسيم دنكت كاعد انطي جاي وجان يكلي شلونج معشوقتي عاينت علي وانطيته خزرا.. طبعا هنا شهم جان برا اجا تلفون وطلع لو شايفة لو سامعة جا هسه هو بين عداد الاموات... رجعت للمطبخ والكة الاخ فهد كاظ شهد تحقيق ومحاسبة

شهد: من اجوي اهل ملاك وكعدنه ع سفرة وحدة وجان فهد موجود وطول الاكل ساعة يكلي شعرج ظمي ساعة يكلي ايدج نزلي الردان موووتني اخر شي اشرلي اكوم كمت ورحت لغرفتي علما يكملون مواكل سووا علي زقوم.. شوي ونزلت حته  اساعد ملاك رحت للمطبخ جان يجي فهد

فهد: انتي شعدج كاعدة وي العالم متعرفين تصبيلج وحدج

شهد: شبيك فهد شنو اصب وحدي وبعدين ماكاعدة وحدي وياهم كل اهلي موجودين وانته هم موجود بس انته زودتها

فهد: لج شهدد اسمعي بعد اياني واياج اشوفج كاعدة يمهم خوش متشوفين عدهم ولد واني هذا وسيم ابد ماارتاحيتله وماناسي عملته ابد ومستحيل انساها اخذ مني اخوي وحبيبي الماجبته امي

شهد: من ذكر شهاب كلبي وجعني صح اني حبيت ملاك لان هي مالها ذنب بس هذا المدعو وسيم حاقدة علي كلش كتله... تأمر بعد مااكعد يمهم اذا الولد موجودين...كاعد ينطيني تعليمات واجت ملاك

ملاك: هاا بديت تنطي التعليمات

فهد: ههههههه يي خوية بديت جا شسوي اغار هسه شهم ماانطاج تعليمات

ملاك: حقك حقك يي يمعود انطاني وقبل لايجون اول مادره راح يجون

فهد: هههههههههه لا الاخ سابقني بهواي

ملاك: هههههههه.. ضحكت عله حجي فهد وي ضحكتي دخل شهم

شهم: خير ان شاء الله ضحكونه وياكم 

ملاك:لاهيج ماكو شي

شهم:هاا خوش ملاك جااي راسي يوجعني

ملاك: بصوت همس حقه راسك يوجعك هو انته كضيت الاكل كله تخزر بوسيم ههه

شهم:نعم وياي تحجين

ملاك:ياهو يمك مو ياك.....خرب اذانات لو شني......صبيت جاي بكوبة ورحت لكيته كاعد بلصالة الداخلية انطيته اله جان يكول

شهم:ملاك كملي شغلج وصعدي فوك

ملاك:شهم شسالفة شنو اصعد فوك واعوف اهلي جايين علمودي شلون اعوفهم واصعد