ولأنك خجلت من الرفض مره أصبح عليك فعلها كل مره..
البشر إستغلاليون .. تعلم أن لا تخجل 👌💙
.
.
.
.
شهم: انطلقنه لبغداد ووصلنه تقريبا ساعة 10ونص الصبح لان طلعنه من الفجر واني سياقتي سريعة ووصلنه لبغداد واخذنه كيكة لام ملاك ورحنه دلتني ع البيت الي عايشة بي مو نفس البيت الاجينه اله من مات شهاب والبيت الي التقت عيوني بعيونها وصرت اسير هاي العيوون وصلنه هي نزلت وفتحت الباب مفتوح بس دفعته انفتح ودخلتي للاستقبال وراحت كالت هسه اويلك واحد من الولد شوي واجاني ولد شاب صغير سلم علي وعرفني باسمه
سلام:السلام عليكم اهلا اتشرفنه اني سلام ابن خال ملاك
شهم:وعليكم السلام الي الشرف واني شهم زوج ملاك.....كعدنه وسوالف حبيت سلام مبين كلبه طيب وخوش ولد شوي واجت ملاك تركض
ملاك:وين الكيكة بسرعة ماما حتجي
شهم:ههههه ع كيفج حبيبتي ذيج الكيكة ع الطبلة
ملاك:رحت فتحت الكيكة وشغلت شمعة بيها مكتوب امي الحبيبة كلش حلوة ورحت وكفت بلباب اول مااجت ماما فتحت الباب اتلكيتها..هبي براث ذي تو يوو عيد ميلاد سعيد كل عام وانتي احلى ام بالدنية ان شاء الله العمر كله
ام ملاك:حبيبتي ماناسية عيد ميلاد امها هههههه شكرا حبيبتي
ملاك:طبعا غير اني مااحجي شلون انسه عيد ميلادج والشكر مو الي شكري شهم هو الجاب الكيكة وهو جابني ههههههه
ام ملاك:شكرا ابني ماقصرت
شهم:شسالفة يمه انتي مثل امي ورحت حبيت راسها ممسوية شي تشكريني علي هذا واجبي
ام ملاك:امنت ع ملاك من شفت شهم وتصرفاته امبين علي خوش رجال...سئلتهم متريكين
ملاك:يي ماما اتريكنه قبل لانطلع واكلنه بالمطعم هم شهم جوعان اسويلك ريوك
شهم:لا حبيبي ماجوعان
ام ملاك:يمه ملاك تعاي شوي وياي
ملاك:يي يمه هياتني اجيت
ام ملاك:يمه شمشتهيه اسويلكم غدة
ملاك:يمه كلشي يطلع من ايدج طيب
ام ملاك:ها لعد راح اسوي جدر دولمة بارحة لفيته وخليته بالمجمدة وسوب دجاج واودي سمج مسكوف من برا شدكولين
ملاك:خير من الله المن السمج بس الدولمة تكفيني هههههه
ام ملاك:والله البارحة الف بيها واتذكرج شلون جنتي تاكلين حشو مال دولمة ممستوي هههه اوكي لعد راح اسوي دولمة وسوب دجاج وتمن شعرية والحباشات
ملاك:ع راحتج بكيفج
ام ملاك:يله روحي يم رجلج وبعدين عود نسولف اني وياج
أنت تقرأ
فصلية شهم
Romanceقصة تتحدث عن فتاة تضحي بحياتها من اجل ابن عمها الذي كان سيكون زوجها فتذهب فصلية من اجل انقاذ حياته فترى انواع العذاب وعذاب الروح اكبر من عذاب الجسد ...... تابعوا معي ماذا سيحدث......... القصة من وحي الخيال ماالها اي صحة
