يضيع بعيونها شعر الغزل ،
اللّٰـه خلقهها معجزه♥️.
.
.
.
ملاك: ووصلنه للبصرة بعد ماتكسرنه من الطريق ووطبعا الاكل الزاد من البارحة اكلنا قبل لانطلع تريكنه بي وطلعنه وصلنه وسلمت ع عمتي وعمي وشهد و صعدت فووك للغرفة الغرفة باردة خليت العلاليك مال الملابس بالكنتور وبدلت وذبيت روحي ع جرباية ودخلت بسبات كعدت العصر لكيت شهم نايم بس بالشورت وحاضني اني كمزت وي ماكمزت هو كعد مخروع خطية
شهم: وصلنه للبصرة نزلنه سلمنه ع الاهل وملاك صعدت اني انطيت الهداية الي جبتهن لاهلي الهم وصعدت لكيتها نايمة طبيت سبحت وطلعت بالشورت وحضنتها ونمت كعدت ع طفرتها مخرووع كتلها شبيج شكو
ملاك: البس ملابسك متستحي نايم بالشورت
شهم: خرب ههههههه حسبالي مدري شنو شوو تعاي منين تستحين تراا اني زوجج شرعا وعن قريب قانونا
ملاك: من حجة هيج فرحت يعني راح يوثق زواجنه بالمحكمة دمعت عيوني وكتله صدك والله
شهم: يي والله بس ليش تبجين هاي بدال ماتفرحين
ملاك: واني امسح بدموعي هاي دموع الفرح ههههه
شهم: ههههههه يله تراا اني جوعان سويلي اكل
ملاك: اني هم جوعانه شتريد اسوي
شهم: يي شي اهم شي يسد جوعتي
ملاك: اوك راح انزل اشوف شكو بالثلاجة اسوي... نزلت للمطبخ لكيت عمتي كاعد تلقط عدس كتلها مساء الخير عمه شنو زايد اكل شهم جوعان
ام شهم: مسااء النور بنيتي.. اكوو مرك دجاج بالثلاجة واكوو كبة شتردين سوي
ملاك: فتحت الثلاجة طلعت المرك وخليتها ع النار هادئة وغسلت تمن ونكعته حته اسوي بزل وفورت مي وطلعت خيار وطماطة وكعدت كبال عمتي ع الطاولة اثرم زلاطة ناعمة كملت الزلاكة لكيت المي فاير نشفت التمن وذبيه بالمي الحار انتضرته علما يستوي وبزلته وكبسته بجدر ثاني كمل التمن وصبيت تمن ومرك وزلاطة وخضرة خليتهن ع الطاولة وصحت لشهم
شهم: صاحتلي ملاك حته اكل نزلت لكيت امي بالمطبخ بستها براسها وكعدت اكل وي ماكاعد اكل كلت لامي يمه
ام شهم: هاا يمه
شهم: يمه اريد اعقد ع ملاك محكمة بعد موافقتكم طبعا
ام شهم: يمه خير ماتسوي شريد اني شو ملاك خوش بنية والله عوضني بيها بدال شهاب
شهم : يي يمه انتي هم حاجي ابوي واخذي الموافقة منه
ام شهم: ان شاء الله
ملاك: اكل واستمع لحجيه واكو فرح بكلبي كملنه اكل وغسلت المواعين وطلعت الكبة حته تموع للعشة وهمبركر وصعدت فوك دخلت سبحت ولبست دشداشة سودة لان عيب اذب الاسود وشهاب بعده مادايرة سنته كعدت خابرت ماما صالي هواي مامخابرتها دك التلفون اول دكه وجاوبة
أنت تقرأ
فصلية شهم
Romanceقصة تتحدث عن فتاة تضحي بحياتها من اجل ابن عمها الذي كان سيكون زوجها فتذهب فصلية من اجل انقاذ حياته فترى انواع العذاب وعذاب الروح اكبر من عذاب الجسد ...... تابعوا معي ماذا سيحدث......... القصة من وحي الخيال ماالها اي صحة
