خبايا الروح

الجزء التاسع

#خبايا الروح❣❣❣
الجزء التاسع......الاخيييييييييير

مريت من يمكم امس....
و ادموعي نزلت دافية....
حنيت لمسامر ولف...
ضحكاته تسوة العافية.....
يمكن ترد ؟
لو ماترد ؟
هيَ المصيبة انة انتظر....
چن چمرة علة گلبي و غافية....

رائد:مرت الايام هادئة وطبيعية مع شوية
توتر بسيط احس شمس مماخذة راحتهة
وفهد24ساعة حابسته بالغرفة ابد
ما اشوفه ويانة ومن نكعد ع السفرة
احس بتوتر بينهه وبين امي،،قررت
احجي وية شمس وبالغعل خلصنة الغدة
وطلبت من شمس تجيبلي الجاي بالحديقة
شمس اريد الجاي بالحديقة ورايدج بشغلة
شمس:صار،،نشفت ايدي وسما الي
راح اطك راحت مدري شحجت وياه بس
الظاهر معجبهة لان رجعت مطنكرة،،
اخذت الجاي وطلعت للطرمة،،،تفضل،،
رائد:كعدي شمس،،،باعي اني من ازوجتج
وكعدتج هنا معناها حالج حال الي
بالبيت بعيدا عن العلاقة الي بينة
شنو الي ديصير ليش دائما عازلة نفسج
اكثر الاوقات تعزلين اكلج بغرفتج
بحجة فهد،،وشغلة ثانية ليش
حابسة فهد ترى محد يأذي شلون راح
يتعلم علينة ويتعود اذا دومج حابسته،،،
واني الي عتب عليج امي تكول حابسته
ومتخلي احد يوصل يمه حتى ايدهة مو
بالبيت كله براس سما واني جبتج
حتى افهم شنو سبب هالتصرفات،،،
شمس:استغربت من كلامه بس شسوي
لازم احجيله،،مو كلهة ينذب براسي،،،
رائد مع احترامي الك ولخالتي لكن
كل كلام خالتي عني تلفيق،
رائد:شنووو شمس احجي غيرهة امي
بعمرهة معادت نملة شنو الي يخليهة
تلفق عليج حجي وبعدين ترى هي
الي طلبت مني اتمم الزواج وياج،،،
شمس:ادري صحيح كلامك بالبداية
اني هم طلبت مني هيج شي بس بعد
مرور فترة تغيرت وصارت تتنحس مني
وخصوصا فهد ومرة سمعتهة تحجي
وية عمي تكوله اريد ازوج رائد شنو
كاعد بلا طفل وبيومهة عمي تعارك
وياهة وطلع من يومهة شدت وياية
وصارت تسمعني حجي خصوصا بوجود
سما بس اني ابد محجيت شي،،بعدين
بدت بفهد حسرة اذا خليتهة ع التخم
رأسا تحجي علية ع راح يذب الحليب
ويوصخ التخم لو تتحجج ع صعدي
نريد نام وصوت بجيه دوخني صرت حتى
ما اكدر انزله خنكتني بيه وكلهة بجفة
ومن تحجي ع فهد بجفة،،،
رائد:ظليت مصدوم معقولة كل هذا
يطلع من امي،،اي كملي،،
شمس:رائد امك مراضية ان انت تربي
فهد وتصرف علية لهذا اني طلبت من
عمي ان الوارد الي يطلع من شغل سرمد
الله يرحمه عمي ينطيني منه كل شهر
والباقي ينضم لفهد بالمستقبل،،
رائد:شنووو انت تخبلتي شلون تطلبين
من ابوية هيج شي واني شنو طرطور
شمس:لا حشاك بس اني ما اقبل
ينكال عن ابني عالة امك مستنكفة
تكول تالي تعب ابني يروح للغريب
ومرتك هم تشتكي لامك تكولهة مقصر
علية زكل مصرفه وشغله لابن شمس،،،
رائد:شمرت الكلاص وطبيت للبيت
صحت لامي وسما وشمس،،،يمة
احجيلي شديصير بالبيت يعني اني اطلع
واكول انتي موجودة وتحكمين وتعدلين
بينهن اجي الكاج منحازة لبت اختج،،
ام رائد:شكو شصاير ع شنو هذا حجيك
شكالتلك هاي وكلبتك هيج،،،
رائد:يمة اني موزعطوط حتى احد يكلبني
بس انتي بنفسج شكيتي من شمس
واني حجيت وياها داشوف شنو سبب
اهمالهة وانعزالهة بالبيت اجي
الكي الحجي كله مكلوب،،،
شمس:بيومهة صارت هوسة وتعارك
رائد وية سما وخالتي وظلن يحجن
علية بس رائد خوش رد ردهن،،
رائد:شمس مرتي وفهد ابني وما اسمح
حجاية زايدة ماكو وانتي يا امي الله
يخليج رجعي الانسانة الطيبة الي
اعرفهة الي تساعد الغريب بدون مقابل
شصار وهيج تغيرتي زواج ثاني ما ازوج
هاي عندي ثنين كافي،،عفتهم وصعدت
لغرفة شمس رحت يم فهد،،
خطية شنووو ذنب هالطفل بعدهة ما
كبر وافتهم وبدت المشاكل ع راسه
جان محلل من الكماط وديلعب يشمر
بأيده ويهمش ظليت ابوس بيه ريحته
تجنن بالكوة شلته اخاف من اطفال بهيج
عمر بس حبيت احس بالابوة شعور
كلش حلووو من شلته وخليته بحضني
وهو لزم اصبعي ويحرك بيه دمعت
عيوني للحظة حسيته ابني من صلبي
ظليت ابوس بأيده،،وعد مني الك
و وعد رجال لابنه ما اتخلى عنك ولا
اقصر وياك دامني اشم الهوى يا روح
ابوك انت،،،تمددت وهو بحضني
الى ان غفيت،،،
شمس:كملت شغلي وكلمن راح لغرفته
ياخذ قيلولة الظهر بعدني مصاعدة
نزلت سما متخوصرة،،،
سما:شفتي رائد وين،،،
شمس:لااا،،صعدت وهي صعدت وراية
فتحت الباب وهي واكفة اباب غرفتهة
لكيت رائد حاضن فهد ونايم ع الجرباية،،
انداريت سماااا رائد هنا نايم،،هي ضاجت
وركعت الباب،،،اوووو واني شعليه
طبيت ع كيف سديت البردة وشغلت
المكيف شوية جانت الغرفة باردة
غيرت ملابسي ولبست دشداشة خفيفة
ومددت يمهم بس عدلت فهد شوية خفت
لينام رائد فوكاه لان ممتعود ينام يم
طفل ليروح ينسى ويجعصى،،،
رائد:كعدت الغرفة ظلمة بس ضوة
خفيف مال تيبلم محطوط ع ميز التواليت
استغربت اني وين هاي مو غرفة
سما اوووو اذكرت اني بغرفة شمس
يااااابة كمت مخروع اخر شي اذكره فهد
نايم بحضني معقولة نمت فوكاه شغلت
ضوة التليفون،،،اففففف الحمدلله
نايم يم شمس مددت وسندت راسي
بأيدي واباوع عليهم شكلهم كلش حلوووو،،
فهد كام يتنعوص ويتحرك كعد شلته
حتى لايكعد شمس ظليت العب وياه بس
كام يبجي سمعت صوت شمس،،،
شمس:جنت نايمة وحسيت ع فهودي
يتنعوص شاله رائد بس ظل يبجي،،كعدت
جيبه رائد هذا جاع،،نطانياه رائد وشغل
الضوة،،،
رائد:كعدت شمس حتى ترضع فهد شغلت
الضوة ويا ريت ممشغلة جانت لابسة
دشداشة وردي فاتح خفيفة ودلعتهة
جبيرة وشعرهة مفتوح ونازل ع جسمهة
ظليت واكف،،،
شمس:بلة هذا شحجي وياه،اممممم رائد
بس اريد ارضع فهودي،،
رائد:هااااا اااي ماشي يلة اخذي راحتج
اني اصلا نازل،،
شمس:طلع رائد وبديت ارضع فهد ماكو
دقايق وانفتح الباب ياااابة خشيت بهدومي
والله مو وكتك رائد واكف كبالي متبسمر
وهذا ميقبل مجلب يريد يرضع،،،
رائد:نزلت جوة لكيت امي وسما كاعدات
والخلق مكلوبة دورت ع تليفوني
ماكو اذكرت هو فوك يم شمس
صعدت مرة ثانية واحتركت من المنظر جانت
دترضع فهد شافتني رادت تبجي من
الفشلة وجهة صار طماطة اتعمدت
اظل واكف وبعدين ظليت افتر عود
ادور ع شي،،،
شمس:ياربي شلون ورطة،،اااا رائد
ادور ع شي،،،
رائد:باوعت عليهة عين عليهة وعين تنزل
ع فهد،،اااي تليفوني،،
شمس:باوعت منا،،منا هيانة رائد يم
المخدة،،،
رائد:تقربت منهة وصرت بصفهة جريت
التليفون ودنجت بست فهد،،ياالله لوما
شايلة الطفل جان ارتكبت بيهة جريمة،،
كمت احس بحرارة خجلهة وتوترهة من
نفسهة واضح،،اخذت التليفون وطلعت،،
شمس:افففففف واخيرا ياربي
شلون موقف،،كمل فهد رضاعة غسلتلهة
وبدلت ملابسه واني هم بدلت باوعت ع
روحي الى متى اظل هيج صدك شوفي
سما شلون مرتبة وانيقة ومكياج وكذاا
اني ليش دافنة روحي هيج كله عمري17
سنة احلى عمر هذا اممممم يرادلي
اعادة ترميم ع هذا وضعي والله
محد يلام من يكولون اخوه،،فتحت
شعري رفعت كباية مهوسه ونزلت خصل ولبست
بوند وردي وبيه فيونكة خليت كحله
وحمرة وردي فاتح كلش النوب
استحيت انزل عبالك مسوية شي عيب
جريت نفس ونزلت جنت لابسه دشداشة
شرابي فانيلة بس ثخينة،،نزلت شايلة
فهد جانوا كلهم كاعدين بالهول ع التلفزيون
كعدت يمهم خالتي كامت وراها سما
دتكوم صاح بيهة رائد،،،
رائد:وييييين،،
سما:عندي شغل،،عفتهم وكمت رحت
يم خالتي بالغرفة جانت كاعدة،،خااااالة
شلون مداتحمل والله،،،
ام رائد:خلص بنتي هي هم زوجته حالهة
من حالج تقبلي الي صار احسنلج
لاتعبين نفسج بالمشاكل،،
سما:ضجت من رد خالتي طبعا ادافعيلهة
لان اني مجبتلكم طفل عفتهة وطلعت،،،
ام رائد:استغفرالله،،الله يهديج،،جنت
كلش تعبانة انقهرت لان قهرت ابني
وخيبت ظنه والحجي هم صارله كم
يوم زعلان تمددت،،،شوية واندكت الباب
شمس:انتبهت ع خالتي وجهة جان تعبان
كلش وايدهة ترجف،،خليت فهد بصف
رائد بس كلش عجبني رأسا هو اندار
عليه وشاله وظل يبوس بيه ويحاجيه
رحت لغرفة خالتي دكيت الباب مترد
فتحت الباب وطبيت،،خاااالة،،،خااااالة،
ام رائد:تعالي بنتي،،
شمس:شبيج خالة اشو شكلج كلش تعبان،،
ام رائد:تعالي فوتي،،كعدي يمي،،شوفي
بنتي اني كلش احب رائد هو روحي من
الدنيا و وحيدي هو وسماح جان كل
ظني ان اذا زوجته مرة ثالثة راح يرتاح
بس نسيتج انتي وفهد اني عمري
مظلمت احد وضد هذا الشي بس ساعة
شيطان و ولت بس شفت قهرت ابني
عليج انتي وابنج واتمنى تنسين الي
صار ونبدي صفحة جديدة ما اريد اكون
ظالمة واظلم هالطفل،،،
شمس:شفت خالتي شكد متأثرة بكلام
رائد عنهة عرفت شلون اكسبهة
واكسب رائد هم اهتمامي برائد
راح يضرب عصفورين بحجر اولهم
خالتي راح تحبني وتحب ابني ورائد
هم راح يصير بجانبي لان الظاهر سما
مناوية تجيبهة البر،،،طلعت كعدت يم
رائد،،امممم رائد،،
رائد:نعم،،
شمس:ترى خالتي متأثرة كلش ع الي
صار الظهر وشكلهة كلش تعبان،،
يمكن...
رائد:شنووو شبيهة،،كمت ركض لغرفة
امي جانت تبجي،،خيييير حبيبة كلبي
شبيج،،،عساني متت ولا اشوف دمعة عينج
ام رائد:اشششش من عمري ع عمرك
ظلوا يحجون ع الي صار وتصالحوا
والحمدلله رجعت المي لمجاريهة،،
شمس:بديت احضر عشة منتظرت سما
ولا سئلت ولا ابد دخل رائد للمطبخ
رائد:لاتسوين عشة راح اجيب من برة
شمس:ليش هذا خير من الله،،،
رائد:الحمدلله ميخالف بس اني مشتهي
مشاوي وامي كالت وصي البنات
لايسون عشة،،،
شمس:اهاااا ماشي براحتك،،،
ظليت بالمطبخ كاعدة واكلب بالتليفون
وفهودي نايم بالكرسي مالته،،طبت
سما تدري ما تدري الله العالم ضربت
الكرسي حيل راد ينكلب فهد اني
لا اراديا عطت بيهة شبيج صدك جذب
متشوفين،،،
سما:و وجع اي والله طبج مرض انتي
وياها منو كلج خلي ع الطريق،،
شمس:سما احترمي نفسج ولا تتجاوزين
ام رائد:خيير شكو هالصوت العالي،،
سما:خالة شمدريني خالة ابنهة بنص
الطريق متقصدة ما ادري انضربت
بالكرسي اشو هاي استلمتني عياط
وغلط،،،
شمس:عزززززة بعينج لج عيني عينك
تجذبين،،
ام رائد:خلص مصار شي ثنينجن انجبن
رائد شوية وحاي ما اريد صوت شلون
منرتاح راح يبدي شغل الضراير بينجن،،
شمس:ردت اكسر عينهة،،لا خالة هاي
هي اعتذر منج وعلة صوتي بس جفلت
ع فهد،،هي باوعت ع سما وطلعت،،
سما:عادي هالمرة مشت وصارت
وياج،،اصلا ما اتعب نفسي اني وين
انتي وين مكيفة اليوم خالة كحل لج
لوتموتين متحركين مشاعر رائد دتشوفيني
اني وجسمي ولبسي بس عطري
يسواج من الباب الي يطب يشتمه
وانتي هههه ظلي هيج احسن الي والج،،،
شمس:يابة فرت كلش رأسا جريت
التليفون ودكيت ع رفل وطلعت كل
حركة كلبي،،ظلت تضحك عليه،،،
رفل:لج شوشة اكو مركز تجميل معروف
نروحله دائما اني وسماح هسة اخابرهة
واذا كدرت باجر نروحله شكلتي انطي
خبر لرائد كوليله اطلع للسوك وية
البنات وخلي فهد يم عمتي وخلي
الباقي عليه،،،
شمس:ماشي بس رجعيلي خبر حتى
ابلغ رائد ماشي،،يلة بااااي،،
رائد:خييير شتبلغيني،،،
شمس:اووووي خرب ببليسك طلع
صوت شي خرعتني،،
رائد:اوووي لك اخرب ع الاووووي،،
شمس:خزرته،،نعم،،
رائد:دهاج،،هاج حضري السفرة جنج
جعفر الفيتر،،
شمس:عاااااااا لا لهنا وبس وصلت بيه
لجعفر الفيتر والله باجر لخليهم يكلبون
خلقتي اريد اشوف منو جعفر،،باوعت
ع روحي والله حلوة ليش هيج،،
حضرت السفرة وصحت لرائد وخالتي
رائد دك ع سما نزلت،،اخذهة ع صفحة
وهي ظلت تتنعوص وحجتله ع الصار
وحاضنه ركبته وتلعب بأذنه طبعا همة
مو كبالنة واكفين،،صايرين بصفحة
الدرج المفروض ميبينون بس اني
الحشرية موتتني،،والافندي خرب
عليهة وكام يلين بالحجي ظليت
فاتحة حلكي،،جتني خالتي،،،
ام رائد:سدي حلكج يالفاهية،،احمم
رائد ابني العشة،،،
شمس:رجعت قبل خالتي سمعتهة
تكلهم اكو غرفة محلوة هيج الوكفة،،
تعشينة وخلصنة شفت رائد صعد
وصاح لسما اريد جاي فووووك،،صدك
انهضمت غسلت الماعين ورتبت المطبخ
خالتي شالت فهد وظلت تلوليله
حجايات مال امهات كبل وهو صافن
بوجهة ورة ساعة نزل فهد سابح شال
سويجة وطلع وراه نزلت الخاتون مكياج
جديد ومغيره ملابسهة موتتني الحقيرة
صارت ب11دخل رائد ظل كاعد يم
خالتي اني شلت فهد وصعدت دكت
عليه رفل وكالت باجر ب3العصر تجيكم
سماح ونطلع،،كتلهة ماشي،،نزلت
همزين رائد بعده كاعد بس هو وخالتي
العوبة ماكو،،لا عمي اني العوبة،،
احمممم رائد ان شاءالله باجر سماح
تمرلي هي ورفل محتاجة شغلات
من السوك واريد اروح وياهم،،،
رائد:شمحتاجة كتبيه بورقة واني اجيبه
شمس:لا شغلات الي ولفهد يعني،،
همزين نقذتني،،
ام رائد:خليهة يمة تروح وية البنات،،
روحي بنتي،،
رائد:ماشي منو يوديكم ويرجعكم،،
شمس:ما ادري،،
رائد:ماشي،،براحتج،،
شمس:كيفت صعدت طبعا اني ورفل
وسماح مسوين دردشة جماعية ع الواتس
كتلهم قبل بس شوفونلة واحد يودينة
ويرجعنة،،
سماح:محمد كال اذا ارجع من وكت اني
اوصلكم،،كملت حجي وية البنات
رضعت فهد وخليته بفراشه،،دابدل
اندكت الباب،ادخل،،
رائد:جنت كاعد يم امي جتي شمس
ورادت تطلع للسوك وية البنات اني
اضوج تطلع وحدهة بس امي مقبلت
وكلتلهة روحي وراها امي ظلت تحجي
علية،،،
ام رائد:لك ابني انت بس جبتهة وجيت
لا مشتريلهة ذهب حتى حلقة ماكو بيدهة
شنو مهرهة بس ع الورق ترى
حتى ملابس ماعدهة هي كم هدمة
جابتهن الهة رفل وسماح،،
رائد:اي والله فاتتني هاي الشغلات
شمدريني يوم هي صارت ركض وهوسة،،
اني فلوسي اخليهن يم امي من زمان
هيج متعلم اخذت من امي 500
وصعدت لشمس،،دكيت الباب وفتت
نطيتهة الفلوس بالبداية مقبلت بس
كتلهة هذا حقج المهر مالتج و وصيتهة
تشتري حلقة،،
شمس:كعدت ثاني يوم متحمسة
الروتين المعتاد تنظيف وهالسوالف
خلصنة غدة وترخصت من خالتي اودي
فهد لعمتي معترضت وديت فهد وطارت
بيه عمتي وصتني شنو اشتري وشسوي
واني بس اضحك طلعتلي رفل اخذت
بس مينة وبقية الجهال والولد ظلوا
يم ابوهم،،شوية وجتي سماح
كالت محمد ميكدر يجي توسلنة بعلي
قبل اني رجعت ع السريع شلت جنطتي
طبعا لبست صاية وشال مقبل ابدل
طلعت صعدنة بالسيارة وصلنة للمركز
وعلي اخذ مينة وعتق رفل وهي
عبالك مسجون وكالوله افراج،،
نزلنة وجانت رفل حاجزة النة اول
موصلنة بلشت وحدة بية وهي مديرة
المركز لان رفل وسماح بس ع ايدهة
بنية حلوة وشابة،،رفل وسماح مدري
شيوصوهة واني بس اضحك،،،سوتلي
تنظيف للبشرة وحف رادوا يسويلي
جسمي تنظيف بس مقبلت حتى البنية
كالت متحتاج حرامات بس اتعب بشرتهة
وراها فتحت شعري تعجبت علية جوة
ظهري بشبرين كالت راح اكصه من طوله
وادرجه ومن ورة يصير سبعة،،
اني تخبلت وردت ابجي كله ولا شعري
وهمة يضحكون علية بالاخير اقتنعت
تاخذ من الطول بس شبر وصدك كصته
صار يخبل وبيه حيوية وهو شعري بيه
شوية ثخن لا كلش ثخين ولا خفيف
وخلتلي معالج كالت متحتاجين مسرح
وصبغته بنفسجي واطرافه احمر غامق
صار فدشي يخبل وبيضني هواية
اباوع ع روحي معقولة هاي اني،،
دك تليفوني رائد،،الووووو
رائد:شلونج،،
شمس:الحمدلله،،
رائد:منو وصلكم،،علي وصيت خالة
تبلغك،،،
رائد:ماشي من تجين نتفاهم لان اعتقد
اني رجلج مو امي،،،المهم شوكت تخلصين
شمس:اممم بعد مو هسة،،اشوو هذا تخبل
رائد:بربج هو شنوو مو هسة ساعة ب5
راح تظلم الدنيا،،رجعوا هسة
وع غير مرة كملوا،،،
شمس:اني وية البنات عيب،،،
رائد:بصياح ميهمني مالي دخل بأحد،،
سماح:شكووو اشو هاي راح تبجي،،
شووو انطيني التليفون يالله انطرشت
الوووو شكو رائد شبيك تصيح،،لا مو
هسة،،شبيك رائد البنية كومة نواقص
عدهة،،لا هسة محمد جاي وراح يظل
ويانة،،ماشي،،هاج،،
شمس:الووو،بصياح،،ماشي خاتون
يعني سويتي الي براسج تلقي ذنب
افعالج وسد التليفون بوجهي،،ردت
ابجي والبنات ظلن يشاقني ويضحكن
حتى انسى وصدك نسيت يلة خليهة
من ارجع وصدك شوية واجة محمد
ظلينة نفتر بالسوك استحيت اشتري
شي و ويانة محمد بس رفل سحلتني
سحل وصدك اشتريت كومة شغلات
ملابس نوم ودشاديش فانيلا فيكة واشكال
تراكسودات
وملابس طلعة واخذت شغلات لفهودي
وملابس اله هم واخذت عطر لرائد وعمي
وكلابية كلش حلوة لخالتي وغير
موديل لعمتي وسما اخذتلهة تراكسود،،
صارت ب9:30محمد كام يسحل بروحه
واحنة نضحك عليه عشانة ابمطعم،،
محمد:اكبر خسارة للرجال يطلع
للسوك وية النسوان،،،
سماح:وليش عيوني،،
محمد:بربج من 5لحد هسة ع فرة وحدة
ظلام جماله صاير بنكلادش مالتكم
شمس:ضحكنة وخلصنة عشة وطلعنة
للبيت قريب منوصل سماح وصت محمد
يحجي وية رائد لان عرف عصب ع التأخير
وصلنة رفل اخذت غراضهة واني هم سلمت
وراحت محمد دك ع رائد،،،مدري شحجة
شمس فوتي مالج دخل بيه خلي
يهوس ويهدأ،،
شمس:عرفت معصب كلش سلمت عليهم
وطبيت اول مفتت سلمت وصار كبالي
واستلمني رزايل وصياح وبعد ماكو
طلعة ومن هالحجي وغلط علية وسما
واكفة تضحك علية وتشمت اني ظليت
ساكتة،،
رائد:شنووو زعطوط ومتجاهلتني جاوبي،،
شمس:شجاوب رائد ان حجيت كلت
صلفة وتراددين سكتت تكول متجاهلتني،،
طبت خالتي شكووو شصاير صوتكم
ليوين واصل شبيك انت تخبلت،،
رائد:لعد هي هاي سواية طابة ب10للبيت
ام رائد:اي وشكو بيهة قابل وين جانت
ومو وحدة اختك ومرة اخوك وياهة
ومحمد هم ،،امشي بنتي صعدي
ارتاحي ولا اكولج تعالي شوفيني
ششتريتي،،،
شمس:اباوع ع رائد الي ظل صافن ع امه،،
ام رائد:انتي مو وياج لو اني مو بعينج،،
اباوع رائد ظل ينافخ ويمسح بوجهة
ويستغفر،،،
ام رائد:اقتهمنة استغفرالله ترى مكاعد
يم شياطين عاجيك تكعد تتفرج وياية
اكعد معاجبك اطلع،،
شمس:يااااا بكلبي شنووو يكعد
يتفرج شعندي،اشو هذا مكال باطل
كعد ومستعد عينه ع العلاليك،،
استغفرالله،،،سما عافتنة وصعدت
ام رائد:بالعافية،،هسة بين وجهج،،
رائد:شنوووو شنو هسة بين وجهج شوباعي،،
شمس:صخام ليش هيج خالة،،ظل رائد
يحجي،،
رائد:شووو دباعي بوجهي،،فدوة لله
لج هاي شنووو وين جنتي دافنة هالجمال
شمس:كمت اجرجر بالعلاليك،،لبست رائد
وبدست اشوفهم الملابس طبعا بس
المحتشمات اشو رائد كام هو يفتح
ويشوف خزاني طلع الملابس
الداخلية ومال النوم،،،
رائد:هلووو هلوووو ذني وين تلبسيهن،،
ام رائد:عادي بالبيت وين ماعدنة رجال
غيرك وانت رجلهة،،
رائد:بس كصاف،،،
ام رائد:وشكو بيهة هاي مو سما
تلبس هيج،،،
رائد:الف عافية حبيبي وبستهة من راسهة
وكع الشال باوعت شعرهة مغيرة
لونه،،اشووو فتحته ونزل مي يخبل
يالله شكد احب هذا اللون حتى
كصته حلوة من هذا خاتونة تأخرتي،،
شمس:يااااا ابد مو طبيعي هسة عيط
وهوس يلة بعد احسن طلعتلهم كل
واحد شنو جبتله نزلت سما ظلت
تباوع علية،،،
سما:حرامات صابغة شعرج ترى
هالموديل قديم وشعرج قبل احلى،،
رائد:بالعكس كلش حلووو هو الحلوو
حلو بكل حالاته وكرصتهة من خدهة
شمس:هاج سما جبتلج هذا التراكسود
ان شاءالله يعجبج،،
سما:شكرا ما اريد،،
رائد:سمااااا،،
سما:شكووو ما اريده كوة مباقية
بس هاي تجيبلي ع ذوقهة،،
شمس:راد يحجي رائد اني سبقته
عادي براحتج لا تاخذيه هسة اسويه
بمكينة خالة والبسه،،
رائد:صدك شمس اخذتي حلقة،،
شمس:ابتسمت اي ومديت ايدي لابسته
رائد:فدوة وبست ايدهة،،جانت ماخذهة
حلقة صب واصابيعهة ناعمة ورفيعة
لج هاي شلون لكيتي قياس اصبعج
شمس:ضحكت حظي حلوو ولكيتهة،،،
لا جذب قبل كم يوم طلعت رفل
للسوك وصيتهة تسويلي حلقة توصاه ع قياسي
واليوم اخذتهة،،صدك خل اروح اجيب
فهد،،
رائد:امشي كدامي امشي،،
شمس:رحت جبت فهد ونطيت الكلابية
لخالتي والعطر مال عمي وطلعنة
صعدت سبحت وبدلت دشداشة خفيفة
مال نوم وبدلت لفهد ورضعته ونمت،،
رائد:ظليت الليل كله الوب اريد اروح
لشمس،،ب1متحملت دكيت عليهة الباب
مقبلت تفتحهة،،خبلتني،،طلعت من
الصبح لدوامي طبعا صار نقلي هنا
ابغداد دوام يومي ويوم واحد بالاسبوع
خفارة،،،
شمس:كعدت الصبح غسلت الي ولفهد
وبدللتلهة اني لبست تراكسود البجامة
ستريج والبدي شوية بيه طول لونه احمر،،
وخليت كحل ونزلت وشعري رفعته ذيل
حصان عالي ونزلت خصل صبحت ع
حالتي تريكت وبلشت بالغدة سما
بالدوام خلصت شغلي وكعدنة اني
وخالتي وفهد بالحديقة جان الجو
حلووو صافي والشمس قوية،،
وصل رائد وشال فهد وظل يبوس بيه
خالتي سئلت ع سما لان همة دائما
يرجعون سوة،،كلهة ابيت اهلهة اخوهة
اخذهة،،تغدينة بالحديقة وسوالف
وضحك كملنة شلت الاكل وصبيت
الجاي،،رائد ظل يحوص بالاخير
لحكني للمطبخ ظل يحاول وياية،،
هوب عيني كبل جنت معاجبتك ومو
بعينك،،
رائد:يخسة منو كلج هيج،،
شمس:وجعفر الفيتر،،
رائد:يابة يابوية بطني متت من الضحك
لج انتي كل عقلج لج هالجمال والانوثة
وتكليلي جعفر،،شمس راح اموت والله
ما اتحمل بعد اريدج كلج لج انتي
حلم عمري شلون هيج تفكرين لو
نسيتي رائد وحب رائد،،،
شمس:اوووووف يا كلبي شطيح
حظي غير هالحجي شلون اكدر انساك
ليش هو الي بينة ينسي انت اول انسان
دخل حياتي وخلة كلبي ينبض تدري
باليوم الف موتة اموت من تنسد عليك
الباب انت وسما ما اتحمل رائد اظل
انتظر دوري لو اظل اتخيل الي
يصير بيني وبينك يصير وية سما
ما اكدر جذب اذا اكلك ما اريدك بس
غيرتي اقوى يعني اتصور يومية اتعارك
وياك اذا كعدت يمهة لو حجيت وياها
ما اتحمل كل هذا،،،
رائد:يعني شنووو شمس،،
شمس:خلينة هيج احسن،،،
رائد:هذا اخر كلام،،
شمس:هزيت راسي اي،،اشو هذا
انكلب ظل يسب ويلعن وكسر اماعين
اوووو حار شسوة همزين خالتي جانت
يم عمة سعاد،،هو صعد لغرفته وركع
الباب،،،اووووف ما اكدر هي كوة
مرت الايام والوضع بينه متوتر خالتي
ابد مدخلت وسما متغيرة الى ان
بيوم طلبت الطلاك وصار جدل لان
رائد رافض هذا الشي اني تأكدت
ان هو يحبهة معاد كلبه الي مثل قبل
بس الي صار ان بيت خالته ديسافرون
لكندا وسما رادت اهلهة وراحت
زعلانة ورة مرور شهر يلة رائد طلكهة
واني اموت من قهري طلع هالكد يحبهة
وبيوم الي رجع من المحكمة تعاركنة
رائد:اي احبهة ع الاقل تهتم بيه
وبمشاعري مو مثلج وحدة انانية
تحبين نفسج وبس فضلتي بعدج عني
حتى انتي ترتاحين بس مفكرتي براحتي
سما عكسج اني اول اهتماماتهة
شنو الي تريديه شمس مدافهم تلبسين
اشكال كدامي وتدللين وتدلعين ع
كلبي بس حتى تشوفيني متأذي
ومتلوع عليج،،ابشرج جد جدي انصمط
من وراج لج هالكدوتج لعبتي بحالي
لعب لج شسويلج شسويلج احجي،،
شمس:شفته شلون انهار وطلع كل الي
بكلبه حسيت بتقصيري وطلعت صدك
انانية لان مفكرت بيه ظل يتقدم ويحجي
بدون وعي شمرت روحي بحضنه
وبسته بس هو انكلب وحش
حار شسوة بيه بس حسيت بحبه ولهفته
وعطشه الي عيونه جانت تحجي هيام
وشوگ وعشگ مصار ولا راح يصير
اخذني وياه لعالم خاص بينة محسينة
بأحد ولا بالوكت كعدت متكسرة
جسمي كله يوجعني وشعري مكفوش
جسمي مزورك عبالك جنت بحلبة مصارعة
جنت وحدي بالفراش ماكو رائد داكوم
ملابسي وين كل قطعة ابمكان شنو
السالفة شوكت ذني انشكن اني
وين جنت اباوع ع شكلي واضحك طب
رائد واني ظليت اتختل والف روحي
بالجرجف هم محسيت غير اني بحضنه
ظلينة نسولف ونحجي عشگ مدفون
رجع كلبي ينبض من جديد بحب رائد
الى امتلكني اني وكل ذرة احساس
بجسمي وعقلي،،،
مر شهر على علاقتنة الي صارت
مثال حي لكل انسان عاشگ وفهد
صار عبالك ابنهم خالتي تعلقت بيه
ورائد كذالك،،ورة مدة حملت والكل
طار من الفرح ورائد ممصدك طاير بيه
وخالتي كذالك وصار عندي ليث،،
وسماح جابت توم ولد وبنية،،صار
عمر ليث سنة هم حملت وجبت غيث
ورة سنة جبت ملاك،،ورائد هم يريد بعد
كبر فهد وابد محس بأي نقص او تقصير
من رائد ويصيحله يابة،،وما زال فهد بكري
والي تحمل معاناة وياية،،،
دائما احس عنده معزة خاصة عن البقية
حتى رائد يكول هو جان شاهد ع حبنة
كبر وصار نعم الابن والاخ لاخوانة،،،،
سما حبت واحد بكندا هم عراقي مزوج
وعنده اطفال بس يكولون مرتاحة الله
يسعدهة دوووم،،ما زالت علاقتي
بفلة وسمسم ونعمة الاخوات والصديقات
عشت حياتي بكل حب واحترام
وية رائد صح متخلى من المشاكل لكن
نتغلب عليهة بحبنة ودائما واحد منه
يتنازل حتى تمشي السفينة،،رائد
ما زال عصبي ومينحمل لكن بمرور
الايام عرفت شلون اتعامل وياه ما اتركه
ولا ارادد وياه اجبر واكسر وراها
يجي يحجي وياية وكأن شي صار،،،
هاي الحياة لازم هيج تمشي ميصير الطرفين
يعند لازم اكو تنازل واكثر الاحيان على المرة ان
تتنازل اذا كانت مشاكل متسوة،،
لهنا وتنتهي قصتي حاملة معها ورد المحبة والسلام
ولكم مني بالغ المحبة والاحترام،اتمنى تكون عجبتكم
❤❤❤❤❤❤❤❤❤❤❤❤❤