خبايا الروح

الجزء الثامن

#خبايا الروح❣❣❣
الجزء الثامن.....

احيانا الحياة قد تصدمنا بواقع صعب تقبله لكن على الرغم من ذالك علينا معايشته والتمسك به كخيط
نجاة لمن هم عزيزون علينا،،،
اني رائد الي حبيت وأغرمت بيوم من
الايام بفتاة ولكيت بيهة مواصفات الانسانة
الي تكمل حياتي لكن القدر لعب لعبته
ومصارت الي،استسلمت للواقع وازوجت
بنت خالتي سما والحمدلله حياتنة ماشية
وحاليا عمري 32سنة وللان مصار
عندي اطفال بالجديد عرفنة السبب من
سما اهلي اقترحوا لازم ازوج لحتى
يصير عندي اطفال ما اكذب جنت اتمنى
يصير عندي طفل بس صعب علية واني
اشوف انكسار سما كدامي،،بالاضافة
ان سما تغيرت هواية صارت عصبية
ومزاجية وهملتني بس محاسبتهة لان
عذرتهة نفسيتهة ادمرت من عرفت ان
هي عقيمة.....
الحياة صعبة عندما تواجهها بمفردك تحتاج لشريك
معك كي يحميك من مطبات الحياة،،
الحياة امتحان واختبار وعليك المجازفة لتجتاز
كل الاختبارت وتعود سليم الى أرض الواقع وليس
كأي واقع،،،،
واقع أليم،مر،خالي من نكهة الحياة وطعم الفرح
هاااا أنا أجلس أمام نافذتي وأرى حبات المطر
وهي تسقط بكل تعب كأنها تسحب روحي معها
أين المفر من هذا الحجيم وماهي نهايتي يا ترى

اني شمس انسانة محطمة مممممن جديد
مسلوبة الحق،،ااااااي سلبوا راحتي
مني،،سلبوا روحي وعمري ومستقبلي
أبني فهد الي هو كل دنيتي انحطيت
بموقف صعب اما الزواج والتخلي عن
ابني واما الزواج والاحتفاظ بأبني،،،،
خلونة نرجع للاحداث شهر ليورة،،،

شمس:عمة انتي شدتحجين صدك جذب
كلهم حاسبتهم اخوتي وبعيد اني وية
نسوانهم ما اتوالم،،،
سعاد:خلص لتشيلن هم اني اعرف منوو
بيهم يعقد عليج،،،عللليي،،
شمس:شنوووو لا عمة فدوة كلشي
ولا علي رفل...
سعاد:لا تشيلين هم رفل اني ادبرهة
وبعدين علاقتج حلوة بيهة وحدة تتقبل
الثانية،،
شمس:استمر الجدال بيني وبين عمتي
لكن النقاش انتهى وعمتي هي الربحانة
طلعت وصارت بوجهي رفل منتهية من
البجي،،رفل لو اعرف اموت ما اخلي
عمتي تخرب عليج حياتج واصلا اني
ما اكدر اتقبل اي واحد بيهم كلهم اخوتي
عفته ورحت لابني شلون يا ربي
هالمرة الامتحان كلش صعب يا اما ازوج
واحد من حكويني يا اما ابني ياخذوه،،
وهاي صار 3اسابيع يم عيالي وفوك
قهري اجة ابوية كملهة بنفس اليوم
اجة ابوية وطلب ارجع مدام صرت زينة
وصار جدال شلون اروح وابني يبتعد
عنهم طبعا هاي الهوسة كلهة عمتي بس
الي سوتهة عمي وافق اروح وكال
مصرفكم انتي والولد جاري وبلغ ابوية
مقدما ان بين فترة وفترة اجيهم زيارة
وابات لخاطر ابنهم يربى بينهم ومينساهم،،
والحمدلله فضت هيج ورة شهر ردت
كبت عيطة بس هالمرة السبب من
بسمة شحنت ابوية ع شنوو يومية رايحة
بايتة هناك وعدهم زلم تحل علية
واني صغيرة وشابة وعلية عين ابوية
بدوره راح لبيت عيالي وبلغهم ان ابن
خالة بسمة اتقدملي والعقد اسبوع الجاي
كل هذا الحجي اني ما ادري بيه غير
ثاني يوم اجوي عيالي عمي وعمتي
وانكلبت الدنيا اني تفاجئت بفعل ابوية
بابا شلون يبلغهم بهيج موضوع بدون
مياخذ رأيي والصار ان عمتي كلبت الدنيا
واخذت فهد من حضني بالقوة وخلتني
الطم واعيط وراها ومهتمت لوجعي
مو هي ام وجربت شلون احترك كلبهة ع ابنهة
ابو شمس:خلص بنتي اني ادرى بمصلحتج
شمس:يامصلحة يابة ابني راح اخذوه
مني،،
ابو شمس:غصبا عنهم يرجع لان هو
بفترة الحضانة،،
شمس:يابة شدتحجي انت وبعدين منو
كلك اني موافقة اتزوج اني شايلة
فكرة الزواج من بالي نهائيا اني حياتي
لابني وبس،،
ابو شمس:مو هو بكيفج بعد يومين
تعقدين وغصبا عنج،،تريدين العالم
تظل تحجي وانتي اطلعين واطبين
بكيفج وماعندج رجال يلزمج،،،،
شمس:بكل حركة ظليت الطم واملخ بروحي
راح تكسرني للمرة الثانية يابة
راح تزوجني غصب عني،،بس لااااا
هيهات اسكت هالمرة القبلهة سكتت لان
ماعندي شي بس هالمرة عندي
ابني والله ثم والله مستعدة اسوي بروحي
شي ولا اخلي هالزواجة اتم،،،