#خبايا الروح❣❣❣
الجزء السادس....
سماح:مرت الايام وبدينة نجهرز لزواجي
ملابس،عطور،مكياج،،كذا،،
بس استغربت من برود خالتي ام محمد
من عقدنة لحد هسة بس مرتين رحت
لبيتهم وحتى محمد معزمني فديوم
ع غدة او عشة ابيتهم امي استغربت
من خالة حتى وية امي تغيرت كامت
ابد متوصل لامي ولاتخابرهة يعني
مو مثل قبل،،وجنت من اروحلهم الكل
طبيعي حتى عمي بس خالة
ما اعرف اسلوبهة بارد وعبالك تتجاهلني
اترددت اسأل محمد بس اليوم جنت
يمهم العصرية وحان الكل موجود
حمويني ونسوانهم بس اني علاقتي قوية
بس بمها مرت مهند الباقيات اكبر مني
وميختلطن بية،،المهم،،،،
جنت داسولف وية مها وخالتي دك تليفونهة
وكامت تحجي بصوت عالي كأنما
قصدهة تسمعني،،،
ام محمد:هلة بأم منار شلونج،،اي بخير
الحمدلله،،شنوووو صدك تحجين،،الف
مبروك شايفة كل الخير يوم لنورس ونفرح
بيهة،،اووووف لو بيدي ماضيعهة بس
شسوي بعد هاي قسمة و وكعت براسي
اي يمعودة،،،
سماح:ظليت صافنة كلت ممعقولة تقصدني
لااا شنو اكذب ع نفسي هي بس محمد
عدهة عزابي كلش ضجت واختنكت
من بيتهم مها حست وظلت تحجي وياية
عبالهة مفهمت مهند هم ضاج من امه،،
اكلك مهند محمد وين،،،
مهند:هسة يجي طلع وية ولد بشغلة،،
محتاجة شي،،عرفت بيهة ضاجت من حجي
امي،،،
سماح:لاااا تسلم،،شوية وكمت،،يلة
من رخصتكم،،،
مهند:وكفت وين،،،
مها:يمعودة مباقي شي ع العشة،،،محمد
كال...جتي عمتي خير شبيكم،،،
مها:اااا لا بس سماح دتروح وداكلهة ابقي،،
ام محمد:عادي خل تروح هو هيانة البيت
ماعليهة شي،،،
مهند:يييمممة،،وكت عشة ومحمد هسة يجي
ام محمد:كيفكم كوم مهمد وصلني لبيت
خالتك،،،
مهند:ظليت صافن معقولة امي هيج
تسوي،،،
ابو محمد:هااا يابة اشووو كلهة واكفة شكوو
سماح:لا ماكو شي عمي بس من رخصتكم
ااروح للبيت،،،
ابو محمد:لا يابة شنو تروحين وكت عشة،،
سماح:لا عمو تسلم بس امي وحدهة
ما اكدر اخليهة تتعشى وحدهة،،،
ابو محمد:اي هسة ادز مهند يجيبهة،،،
ام محمد:بنتر كوم مهند وصلني لبيت خالتك
سماح:تخبلت من تصرفهة متحملت
والكل مصدوم بتصرفهة خجلت كدام الولد
والجناين،،وعمي انحرج ميعرف شيكول،،
براحتج بنتي عذريني وحسبيهة علية
كوم مهند وصل مرت اخوك،،،
سماح:هسة اجيك مهند بس اجيب غراضي
من غرفة محمد،،صعدت لبست صايتي
وعدلت الحجاب وشلت الجنطة نزلت
هستوني افوت للهول وسمعت صوت
محمد يحجي بعصبية بس كوة منصي
صوته،،،
محمد:اجاني ولد صاحبي علمود شغلة
كملتهة ورجعت طبيت للبيت شفت
الجو متوتر وابوية عصبي،،،سلمت
وكعدت الكل كاعدة بس سماح ماكو
مهند حجالي الصار تخبلت،،،
يمة ليش هيج تسوين يعني ساعة متتحملين
تكعدين وياها يعني تدرين كلش زين
بس هالفترة وراها لاتشوفيهة ولايمج
ليش هيج كل مرة تحركين كلبي
وتفشليني وياها،،،
ام محمد:كتلك مراضية ع زواجك بس
انت ولا جن امك تحجي،،عايف الكل
ولازك بهالنحس،،،
سماح:متحملت اكثر حسيت راح
انفجر مردت ابجي كدامهم طلعت بسرعة
وحتى مبلغتهم،،،
مها:عززززة لك محمد الحك سماح يمكن
سمعت حجي عمتي،،،
محمد:انداريت ع امي اشكرج،،طلعت اركض
ورة سماح جانت تفتح الباب لزمت ايدهة
حبيبي،،
سماح:هد ايدي،،هد ايدي اكلك،،
محمد:صوتج مناك العالم،،
سماح:وخر لا انعل ابو العالم،،
محمد:انصدمت بجوابهة تنتر وتصيح،،
سماح اني مو جاهل كدامج تصيحين
وتنترين خليني محترمج و...
سماح:خفة الله عليك لا تعب نفسك ولا ابد
نترت بيه شووو وخر لخاطر ربك وخر
دفعته ومشيت طلعت لبيتنة كبل واني
صايرة نار اول مطبيت تلكاني رائد
لبسته وفتت امي تصيح شكووو يمعودة
شبيج،،واني بالي مو يم احد صعدت
لغرفتي وقفلت الباب وظليت ابجي
امي ظلت تصيح سمعت رائد كلهة
عوفيهة شوية واني اصعدلهة،،
رائد:جنت بالحديقة كاعد وطبت سماح
عصبية ومنهارة حبست نفسهة استغربت
شصاير،،،امي كالت اسأل محمد كتله
لا يمة خل اتهم منهة وبعدين اتصرف،،
محمد:رجعت للبيت تعاركت وية امي
وهي زعلت راحت لبيت خالتي وابوية
هم اخذ منهة موقف ع تصرفهة،،صعدت
لغرفتي تخبلت منهة شلون هيج تحجي
وياية تركتهة يومين لا اتصلت بيهة ولا هي
اني كل ظني بس ع الحجي الصار كدامهة
بس انصدمت من رائد خابرني وجان
كلش ضايج وكلي تعال للبيت ضروري،،،
رائد:عفت سماح لحد ثاني يوم الصبح
نزلت شكلهة كلش تعبان ومقهورة
ومبين باجية عما كايلة بس،،اخذتهة
للحديقة وحجيت وياها وانصدمت بتصرف
خالتي ام محمد كتلهة خلص الي
تريده يجرالج فاجئتني من كالت اريد
افسخ العقد واطلك من محمد،،
رائد:بس سماح انتي كلتي محمد مراضي
ع الصار وباجر عكبة بيتج وحد،،
سماح:وان كان رائد مهما كانت هاي امه
قابل امنعه منهة واني اريد ارتاح رائد
مو يومية مشكلة وحجايات تسم البدن
رائد:هاي هي حبيبي اهم شي راحتج
ارتاحي شوفي شصاير بحالج،،،
محمد:وصلت للبيت وكعدنة اني ورائد
وصدمني بطلب سماح،والصدمني اكثر
ان هي طلعت سامعة حجي امي كله،،
محمد:رائد بس هي مفهمتمي شي
البارحة جان اسلوبهة محلو وياية يعني
بس تنتر وتتعارك يعني ع الاقل لو
حاجية شي جان عرفت اصرف بوقتهة
واهدئهة،،،
رائد:هي مو ع هاي محمد هي مترتاح بعد
دام والدتك هذا موقفهة،،بس والله
انصدمت واني حاسبهة ام ثانية
مجنت متوقع يطلع منهة هيج شي ان
تستعر من اختي وتكول عليهة نحس
ترى حتى الحجية حست صاير شي لان
كم مرة رادت تجي تحجي وية والدتك واني
اكلهة تركي الموضوع فماكو داعي نطول
بالموضوع واني يعز علية بعد كل الي
بدر من والدتك اجبر سماح ع شي متريده،،
محمد:تخبلت لك رائد شدتحجي لك اموت
وما اعوفهة تعرف شنو اموت،،جنت
كلش عصبي،،وبلغهة هذا الشي طلاك
ما اطلك لو تموت،،
رائد:محمد مو هيج الحجي،،
محمد:لا هيج،،هاي عود انت التعرف شكد
احبهة ومتمسك بيهة،،
رائد:ما اكدر اجبرهة محمد افهمني،،
محمد:خلص لعد انت اطلع منهة،،
رائد:شنو هالحجي ترى هي متايهتلك
محمد:خصم الحجي طلاك ما اطلك،،طبت
خالتي ام رائد،،،هدتنة لان صوتنة على
وشوية وجان تعاركنة وظلت تعتب ع امي
محمد:والله ادري امي غلطانة بس
شسوي مو بيدي شي هي امي اول
وتالي اضعف الايمان عزلت عنهم يعني
لوما شاريهة ومتمسك بيهة اسوي
كل هذا خالة مستعد شتطلب اسوي
بس طلاك ما اطلك احبهة والله حتى
اذا تريد اطلع بغير مكان اجر مستعد،،
ام رائد:لا يمة وبيتك الي صرفت عليه
محمد:ميهم خالة فدوة الهة أاجره
ام رائد:خلص خليهة شوية تهدأ واني
احجي وياها وان شاءالله خير،،
محمد:ان شاءالله،،بس بلغيهة خل تنسى
الطلاك،،انداريت ع رائد بوسته وتعذرت
منه لان على صوتي ابيته،،وراها طلعت
رجعت للبيت وهم حجيت وية ابوية وكتله
خلص يابة بس يخلص البيت ازوج واخلص
ابو محمد:الي يريحك ابني واني هم ان
شاءالله احجي وية رائد،،،
سماح:من طلع محمد اجوي امي ورائد
جنت كاعدة بالمطبخ،،،
رائد:سمعتي حجي محمد،،
سماح:هزيت راسي اي،،
ام رائد:يمة ترى الولد شاريج وانتي
عازلة عن اهله وترى ماكو وحدة ازوجت
وخلصت من حجي العيال خلي عقلج
جبير و كلبج واسع ترى متكدرين تعيشين
بهيج حالة معناها حبسي روحج بالغرفة
وانتهت،،،
رائد:كلام امي صح وبعد بقت يمج،،،
سماح:ان شاءالله،،صعدت للغرفة جريت
التليفون شفته داك5مرات وداز مسجين
كلهة اشعار،،،،
حسبالي لو عفتك تجي
ادور علية بكل گتر
جن روح منك ضايعة،،،،
وحسبالي ياطيف العمر بوداعي
ماعندك صبر والنوم كله توادعه،،،،
ثاريني ما عندي گلب منتظرك
براس الدرب واسأل الناس الراجعة،،،
شلون هيج انطاج گلبج وتريدين تعوفيني،،
أنت تقرأ
خبايا الروح
Romansaقصة حب لم ترى النور ، آماتها ظلام القدر،،، واخذت حياة كل من البطلين(شمس&رائد)منحى آخر يا هل الترى هل يرد شملهما القدر???
