#خبايا الروح❣❣❣
الجزء الخامس......
بگد الدنيا انة احبك واموتن بيك،،،
واظل لاخر نفس وما ابدلك بثاني،،
احبگ انة احبگ حيل،،،
ولو حبگ بگلبي هواي جواني،،
واذا قيس اليحب ليلى كتب بدموع،،،
ثق انة اكتب الك بشرياني،،،
محمد:اليوم طلعوا العمالة وبلشوا
بناء مشتمل،عزلت من اهلي بعد ماحجيت
وية الوالد الله يحفظه،ومحجة شي كال
هاي حياتك وبراحتك بس امي ضاجت وظلت
تحجي اني كتلهة يمة اريد اخذ راحتي
اني عندي اخوة ثنين واحد اكبر مني مصطفى
والثاني اصغر مني مهند ثنينهم مزوجين
اخوية الجبير هم عازل بس بداخل بيت
اهلي ومهند لا وية اهلي بس عنده
جناح كامل غرفة الة وغرفة للجهال
وصالة صغيرة وحمام كامل،،،،
بس اني عزلت عزلة كاملة لان امي
مراضية ع زواجي فأختصرت المشاكل
وعزلت،،،،
ام محمد:هااا خير ياطير شعندك من
الصبح مو عوايدك تكعد هيج وكت بالعطلة،،،
محمد:لا هيج ماكو شي بس راح اجيب
سماح ع الغدة وهم حتى...
ام محمد:هي هي والله وكت كبل حنة
نكعد ونسكت ابيت اهلنة ليوم العرس
يلة نشوف الرجال،،هسة ياغدة ياعشة
والنوب تشوف البيت...
محمد:يمة شبيج لخاطر الله ولا جنج ذيج
المرة الي تحب سماح وتشكي دوم بهمهة
شغيرج هيج وكلبتي عليهة،،،
ام محمد:لان غلط ارتباطك بيهة غلط،،،
محمد:يمة اني طالع محتاجة شي،،،
ام محمد:دام راح تجيب مرتك شوف
شتجيب غدة وياك ما بية حيل اليوم
تعبانة،،،
محمد:صدك تحجين يمة،،،
ام محمد:ا....
مهند:جنت توني طالع من الحمام وسمعت
حجي امي وية محمد خطية انقهرت
عليه امي من هسة حادة سنونهة ع البنية
رأسا ادخلت،،،صباح الخير،،،امي جاوبت
ومحمد بس صافن بوجه امي،،،شبيك
ابو شهاب،،،
محمد:لا حبيبي ماكو شي،،
مهند:اليوم جمعة وكلنة ملتمين ليش
متجيب سماح ع الغدة،،،
محمد:هاااا لاا خليهة ع غير مرة،،،
دك تليفوني رائد،،،هلة خوية،،بخير
الحمدلله انت شلونك الاهل،،،هااا والله
ما ادري،،لااا،،ماشي ان شاءالله شغلة
نص ساعة هيج،،ماشي الله وياك،،،
لا خوية خليهة ع غير مرة اليوم اني
يمهم ع الغدة،،،شتريدين اجيبلكم ع الغدة
ام محمد:هااااا لا اذكرت ابوك مشتهي
برياني ودجاج ع الفحم،،،
محمد:ضحكت بقهر ماشي يمة الف عافية،،،
مهند:باوعت لامي،،صدك يعني هيجي
سويتي يوم شبيج لخاطر الله ليش
هيج وياه،،من وعينة ع الدنيا ياما احنة يمهم
لو همة يمنة شنو الي صار هسة وتغيرتي
ام محمد:محد بيكم فاهم الي ديصير
كله لخاطر مصلحته،،،
مهند:لخاطر الله يمة يا مصلحة وطلعت
من الهول صار بوجهي ابوية،،بست
راسه صباح الخير يابة،،،
ابو محمد:هلا صباح النور،،شكو كالب خلقتك
مهند:لا ماكو شي بس كعدت راسي
يوجعني،،من رخصتك عفته ومشيت
صعدت فوك لكيت مها والجهال كاعدين
عندي بنات توم و ولد،،
مها:خير حبيبي شبيك،،،
مهند:اوووف امي راح تقضي ع محمد
وتخلي يكره الطبة للبيت،،،
مها:خييييير،،هم بعدهة ع موضوع سماح،،
مهند:ليش اكو غيره بهالايام،،،
خطية كسرت بخاطره راد يجيبهة ع الغدة
تصورلي كالتله مدام تجيبه مابية حيل
اسوي غدة جيب اي شي من برة،،
مها:لا عيب شلون هيج تتصرف اول طبة
الهة يمنة،،زين ليش مصحت علية والله
اسويلهم سفرة تسد عين الشمس،،
مهند:اني هم كلت هيج بس دك علية
رائد ومعزوم يمهم بس طلع كلش مقهور
مها:لاتشيل هم ان شاءالله نعوضه بغير
مرة،،يلة خل ننزل نتريك،،،
محمد:طلعت من بيت اهلي كلش مقهور
من تصرف امي همزين بديت بشغلة
البيت والا جان بليلتهة تطرد سماح
وصلت لبيتهم تلكاني رائد وابوه هم موجود
شوية وطبت حبيبة گلبي سلمت علية
وكعدت شوية وراها كامت تحضر الغدة
امهة كالت اليوم تاكل من ايد مرتك
سماح:من اليل رائد خبرني ان هو عازم
محمد فحسبت حسابي من اليل نكعت
دجاجتين وتبلتهن وكعدت من الصبح
كبل الكل بكل نشاط تريكت ع السريع
وبديت احضر للغدة سويت برياني التمن
وحد طبختهة وجدر ثاني خليت الحشوة
شعرية وبتيتة وبزليا وجزر والبهارات
الخاصة اكيد الريحة عطت بكل البيت
وسويت تبسي مال كفتة كعد رائد
وتخبل ع الريحة والطبخ ورة ساعة
اجة محمد صعدت رأسا سبحت ع السريع
ولبست فستان ماروني فوك القدم بشبر
ربع اردان وخليت مكياج خفيف وشلت شعري
ليفوك مبعثر ونزلت خصل منه ورشيت
كومة عطر حتى تروح ريحة الطبخ
والبهارات لبست حجل كلش نازك وزنجيله
رفيع وصبغت ماروني كلش عجبني
شكلي نزلت صارت بوجهي امي
استحيت خفت تحجي علية اخاف مبالغة
بلبسي،،،
ام رائد:ما شاءالله يمة الله يسعدج
حياتج حبيبتي،اي هيج اريدج تونسي
ولبسي وضحكي وطز بالعالم دفنتي
شبابج من وكت،،،
سماح:بست راسهة ودخلت للاستقبال
شفت محمد صفن وراها يباوع ويدنج
اني ضجت كلت اكيد موحلوة عفتهم
وطلعت للمطبخ،طبعا بحكم الكلام الي
جنت اسمعه نفسيتي ادمرت وثقتي
بنفسي هبطت للاخير بحيث لاشخصية
بقت ولا شي،،،
ام رائد:شبيج حبيبتي ليش ضايجة هسة
جنتي تضحكين،،
سماح:ماما الله عليج حلوة اني يعني
لايكة لمحمد،،،
ام رائد:ذبيت الخاشوكة من ايدي استغفر
الله بنتي هم رجعنة لنفس القوانة
ماما خلي ثقتج بنفسج عالية لاتظلين
تعتنين بنفسج لخاطر احد حتى وان كان
محمد ابنيلج كيان وشخصية تريدين تصيرين
مثلي مهفة للرايح والجاي تكضين عمرج
تنخين للخواطر بعدين ليش مو حلوة
هو كلج والله هسة اطلع اعرف شلون
اصرف وياه،،،
رائد:خير يمة شبيج صوتج طالع،،
ام رائد:اختك راح تموتني،،،
سماح:بجيت يوم شبيج...
رائد:شبيج شكوووو،،احجي
ام رائد:لك ماعدهة ثقة بروحهة اني
اناسب محمد اني مدري شنووو والله
لعبت روحي،،،
رائد:ع كيفج يوم مو هيج وانتي بعدين
عود نحجي ماشي حبيبي لزمت وجهة
وبستهة من راسهة،،حبيبي محظوظ الي
ياخذج مو لان اختي لا والله بس كفاية
داخل طاهر ونظيف ماعدا شكلج حلو
شناقصج،،،
سماح:نزلت دموعي ما ادري رائد
اني بسبب الي صار بحياتي وكلام
الناس احس نفسي معزولة عن العالم
الخارجي واحس دائما اكو شي غلط،،،
رائد:زين اكلج شي بس سر بيني وبينج،،
سماح:ابتسمت ومسحت وجهي كووول،،،
رائد:محمد ورة مخطبج وعقد عليج
تدرين كلي خل تشوفني ما اريد اظلمهة
هي حلوة وصغيرة ما اريد اظلم شبابهة
وياية،،وحتى سئلني عليمن هيج انتي
حلوة يكلي انت اجلح هي منين هيج
طلعت جكليتة،،،،
سماح:حسيت طرت من حجة هيج رائد
وكفت مثل الطفلة واصفك بيدي،،صدك
هو هيج كلك،،
رائد:وداعت عيونج وداعة امي،،وهسة
عيني خاتونة اقتنعتي،،وكومي بلة كملي
غداج عيب صار الظهر،،
سماح:بكل نشاط هسة يا احلى رئودي
بالكون،،،
ام رائد:اي ليش لا واني حلكي يبس
واكول حلوة مطرتي هيج،،لو بس
محمد حجية حلووو،
سماح:ركضت بست امي احبببببج،،،
وبديت احضر السفرة مخليت امي تفوت
للمطبخ بس رائد فدوة لعينه اجة ساعدني
حضرنة الزلاطة والطرشي والخضرة
خلصت كلشي بقى بس اللبن حضرت
الصينية والكلاصات وخليت دوكلتين لبن
وديتهن للاستقبال كام محمد اخذ الصينة،،
وهمس،،،
محمد:ناوية تموتيني اليوم ع البطيء،،
سماح:اني ليشش،،
محمد:من شفتي روحج بالمراية مكلتي
محمد خطية شلون راح يتحمل كل هالجمال
سماح:خجلت كلش من كلامه دنكت راسي،،
محمد:صكيت سنوني بهمس،،،لج من احجي
وياج باعيني بعيني خل اشبع شوف
من هالكمر،،،
رائد:شلون يعني اليوم مناوين تتغدون،،
محمد:احمم لا،،ااا قصدي يلة بسم الله،،
ظليت اكل وكل شوية ارفع عيني ع سماح
واغمزلهة وهي تخجل وادنك،،
رائد:ردت اخبث ع محمد،،ابو شهاب
شلونهة عيونك عبالك تعبانة،،،
محمد:ضحكت وداعتك 10/10كلشي
مابيهة انت بس ديربالك ع نفسك،،،
ابو رائد:مشطنين اكلوا وعوفوا هالسوالف،،
محمد:كملنة الغدة وشربنة جاي وترخصت
من عمي ورائد اخذ سماح تختار الصبغ
وهم نجهز البيت واريده كله ع ذوقهة
هي ام البيت وهي الي راح تكعد بيه
اكثر مني،،والحمدلله محم عارض،،
سماح:ماما شلون اخليج انت تنظفين المطبخ
عوفي اني من ارجع ،،،
ابو رائد:لا يابة روحي وية رجلج اني
هسة اشوف وحدة من البنات تجي
تساعد الحجية،،
سماح:ماشي هم زين بابا،،يلة خل اروح
اتحضر صعدت لبست سترة بيجي فوك
الفستان وحجاب ييجي وجواه كب مال
حجاب ماروني وجنطة وحذاء بيجي،،
نزلت وكام محمد سلمنة وطلعنة صعدنة
بالسيارة،،،
محمد:شوووو باعي علية،،،
سماح:هاااااا
محمد:مو جنج حلوة زيادة،،
سماح:بلة عبالي اكو شي،،،
محمد:بس نزعي الحجل ما اريد احد
ينتبه ع رجلج،،،
سماح:اوك،،وهااااي نزعته بعد،،،
محمد:ما اريد احد يشوفج شلووون،،،
سماح:ضحكت،،يلة عاد حنظل واكفين،،
محمد:يلة عيني تدللين بس بالاول انطيني
ايدج،،
سماح:خليت ايدي بأيده وشبكهة ظليت
متصنمة،،شال ايدي وباس باطن كفي
محمد:عاشت هالايد الحلوة ع الغدة
انتي اجمل نعمة من رب العالمين
الله لا يحرمني منج يا روحي،،،
سماح:ممصدكة نفسي مستحيل كل
هذا الحجي الي،،جاوبته،،تسلم والله
يحفظك الي هم،،،
محمد:طلعنة افترينة ع الصبغ وسوينة
قائمة لصبغ البيت وجانت سماح مسوية
قائمة بغراض البيت الاساسية يعني الاثاث
والمطبخ بدينة بالاثاث وحجزنة لحد
ميخلص البيت العمال يوصلوهن اثاث البيت
كلهه اخذناه من مجمع واحد بقت الاشياء
الثانوية ونواعم البيت،،،افترينة شوية
وتعشينة ورجعتهة،،،،،،
أنت تقرأ
خبايا الروح
Roman d'amourقصة حب لم ترى النور ، آماتها ظلام القدر،،، واخذت حياة كل من البطلين(شمس&رائد)منحى آخر يا هل الترى هل يرد شملهما القدر???
