بعدني باب الصاله وحده من الشابات تكول لا هله ولا مرحبه بيج راح تكونين خدامتي وخادمت زوجي.
بكلبي كلت خوش استقبال من اوله
ردت عليه المره الجبيره ابتهال كفي شرج تره اكول انمار عليج هو يتفاهم وياج
ابتهال: انتي من هسه كمتي دفعين عليه
المره الجبيره: گصري حسج احنه مو بل شارع
كامت ابتهال تهز بيده ما عجبه الوضع وحده كاعده يم ابتهال مبينه ما قبله بلي كاع يصير بس ما حجت وحدة كاعدة بصف الحجيه بس مبينه من هذني الوجهن بشوش.
الحجيه: يمه ادخلي ليش واكفه مكانج. دخلت وكعدت يم باب الصاله
ابتهال: ترفعي البوشيه هسه طلعين معيوبه ولبسته واسترخصوا بيج اهلج ههههه طكته ضحكه لبالك ساحرة
الحجيه يمه انزعي البوشيه خليني اشوفج.
ويما كاع انزع البوشيه اجه لولد تقريبن اكبر مني سنه سنتين
كال السلام عليكم الكل رد السلام
نزعت البوشيه الكل ضل يبوع عليه خو ابتهال ضلت فاكه حلكه
والحجيه كالت يمه صلوات على النبي شنو هل الجمال هذا
هذا الولد كال اللهم اجعلها قردن في اعين بعض الناس.
البنات الا ثنين طكن بل ضحك وكالت وحدة انته متجوز من سوالفك وحدة سكتت
الحجيه: شوفي بنتي هذا حماج الصغير اسمه امير وهذني بناتي هذي امل كاعده بصف ابتهال وزهور الكاعده بصف الحجيه ونور الطفله الصفيره.
كلتلهم اتشرف معرفتكم بعدني ما مكمله جان حجت ابتهال ولله احنه المنتشرف بيج اكيد موشريفه وبيايعيج واكول هيج جمال ويسترخصون بيه اهله.
اني كالته ولله اني شريفه وصاينه نفسي وجان دخل انمار
بسرعه ابتهال غيرت الموجه كامت تبجي وتكول لج اني الموشريفه تعال انمار هذي فصليه تكول على زوجتك مو شريفه تقبل
يااا يعني هذي ضرتي واكول اتعارك ذبان وجهه همزين اعترفت بروحه مو شريفه
جان لزمني حيل من زندي وكومني اني جنت كاعده بل كاع وانوب ابتهال كالت تره كالت كلمه جبيره بحقك واتكول انته مو رجال هو سمع هيج عصر يده حيل على زندي واخذني سحل صاعدت الدرج وفتح باب غرفه وشمرني بيه وراح نزل
اني رفعت اردن ثوبي اشوفه احمر كالت ولله وحش ويد يابسه لو يضرب شلون واسمع وحده تصيح يمكن كاع يكتل ابتهال هي جنت على حاله اني لا حجيت ولا كلت ضحكت بستهزاز عليه شو مااحس غير الباب اندفرت عليه اني بعدني على نفس المكان ما تحركت وبيده عكال وبلش يضرب بيه
واني اكوله ولله چذب بس ما يسمعني قافل عليه وشطب جسمي شطب بحث حتى دم من جسمي يطلع اني اصلن جسمي حساس يعني من الحر تصير عندي حساسيه شلون لو احد يضربني بعده اجه امير كمش انمار
امير: انته تخبلت هيج مسوي بنت الناس لك هذيج هي ما سكتت وانته بلشت بيهن اثنينهن.
انمار: خلي يتعلمن ماريد مشاكل واذا اسمع هذا العكال يشهد على ضهورجن. وعفني وراح طلع
اني ضليت اون هو كم عكال ضربني بس جسمي حساس كلش اجتني زهور
زهور: ولله اسفه اني ماكدر ادخل وامي ماتكدر تصعد الدرج مريضه وعده سكر من كالت هيج اني مو من الوجع كمت ابجي من اتذكرت بابا شلون جنت ادريه وكمت ابجي ...
زهور: كالت اسمعي هذي ابتهال حيه تره تسوي مشاكل تره احنه ماندخل علمود ما تسود عيشتنه
هبه: كالته طمني اني هم ماريد مشاكل وقدر المكان اتحشاهه.
زهور: عفيه عليج
هبه: سوال شعجب ماحقدات عليه.
زهور:هذا الشي بيد لله محد مات ناقص عمر اول شي ثاني شي همه ظلموج لانو مامتاكدين بس مااعرف انمار ليش هيج سوه بس يكول اريد اضمن خاف هم المجرمين.
هبه: يعني اريد يضمن وهيج ظلم لعد لو احنه المجرمين شيسوي. وعافتني وراحت كالت راح اجيب جنطتج ارتحي هذي غرفتج .شفت غرفتي بيه سرير ابو نفر وكنتور ومرايه اما الحمام خارج الغرفه. اجتني زهور شايله جنطه كالت
زهور: اساعدج بيه ماعندي شي
هبه: بكيفج
زهور: فتحت الجنطه وبلشت تنطيني ملابس واني اكول يااا هذني يمته جيبيهن يليه وهي تضحك عليه.
وجان تدخل ابتهال بهل لحظه هذي ولله عرفت بره مصيبه.
※※※※
اتمنه تابعون حسابي وتصوتون.
# اوتار القلوب 💝
القصه حقيقيه واقعيه .....
أنت تقرأ
فصلتي ـ شاهدة(عشك)
Romanceسوء فهم وشاهدة يولد حقد وانتقام وينولد الحب رغم الحزن والمصاعب والم وبكاء اشخاص ضعيفه ليس بيدهم دليل لتغير حياتهم فهل سينتصر( قصه حقيقه واقعيه )....
