فصلتي ـ شاهدة(عشك)

البارت 2

راح انمار للسياره يريد يركب جان اجاه اتصال عصب وضاج

وكال لبابا اخويه مات راح ادمر لكان السبب موته

احنه نعرف كان يقصدنه. وبابا تخربط راحت جبت علاج السكر

وجيت انطيت لبابا العلاج .وامي دك وتلطم حتى الناس لتمو علينه

بابا خابر بيت جدو وخابر عمامي وعماتي همه كلمن محافضه

عايشين البصره الحله وبغداد واربيل وبيت اهل امي العماره.

ثاني يوم اجوي بيت عمامي كلهم وبيت عماتي حتى خوالي وخالتي واكفن ويانه بهل مصيبه

ما عدنه غير الدعاء. بل يوم الثالث كعدت الصلاي صلاة الصبح

وبعد ما كدرت انام فكلت خليني اشتغل مادام اني كاعدة .خبزت رغم عمري نهايه 16 بس امي معلمتني على انواع الطبخ

وكاع اغسل الكراج وشوفلج واحد ذب ورقه جوه الباب

اني راحت اخذت الورقه وجان لكه تهديد بيه انو لو احجي

راح يكتل اخويه وانوب بابا .زين هو شمدري اني شاهده ضليت احجي ويه نفسي.
اجاني صوت بابا كال شعندج يم الباب
اني جوابته بابا هذي رسالة تهديد من المجرم يعني هو اندل المكان العايشين بي

بابا كال شلون. سوالف لبابا شلون وصلت التهديد بيدي ولله كمت اخاف اني وابجي يعني بابا واخويه بخطر من القاتل
واهل العماره هم احنه بخطر منهم ياربي شلون.

بابا حجه ويه عمامي كالوا خل نفصل ولا تشهدون تره حيايتكم بخطر  .اني فكرت بكلامهم وصح كلامهم يعني بل حالتين احنه متضررين وسكتت وافكر بالكت هذا انمار يشوف الرسم ويتاكد لانو احنه لا نعرفهم ولا يعرفونه.

دك جهاز بابا رابع يوم وكمل مخابره كال الباجر الكعده الفصل

مر اليوم بين الدك ولطم وبين ناس تحجي مره ويانه مره علينه حتى بعض الناس اتهمونه بل چذب.

وصار خامس يوم. اليوم راح يتحدد مصير اخويه اما دم اما فلوس .الكل مترقب شنو راح يصير

صار الفصل واجوي شكد ناس اصواتهم كلش عاليه
احنه متنه خوف امي كاعده بس تبجي ولله خفت عليه لانو هي عده جلطه سابقه

راحو الناس اجه بابا مدنك راسه وبين باجي اني كلت هذا هو اخويه مات.

بس بابا كال هبه اريدج موضوع اني طفرت يم بابا وكلبي يدك
على السريع من كد الخوف وقلق شنو المصير اخويه مااعرف اني مصيري راح يتحدد ويه اخويه .

بابا:  هبه بابا بس انتي املي  والقرار راح يكون بيدج

هبه:  روحي فداك بابا احجي
بابا: هبه فصلونه فلوس وفصليه وهل فصليه انتي.

اني كان جوابي سكوت والبجي وبعدين حجيت واخويه

بابا:  اذا قبلتي تروحين فصليه اخوج يردنه سالم واذا ماقبلتي  يكتلون اخوج. اني بابا كال هيج بسرعه كلتله روحي فداك وفده اخويه واني موافقه امي دك وتلطم وتنحب وتواسي روحه بروحه مو سهله الولد بل سجن وابنيه تروح فصليه.

عمامي مقهورين بس مو اكثر من عدنه صح ما قصرو من عدنه بس اهلي فرق عندي
كمت من يم بابا بس ابجي اجتني بنت عمي وكالت تعرفين شنو الفصليه حتى توافقين يعتي خدامه يعني يهنوج ويمديون ايدهم عليج.
كالته روحي من يمي فاطمه اني ب اخويه حايره وانتي كاع تخوفيني زايد.

كالت فاطمه غير المصلحتج احجي علمود تعرفين شنو فصليه وعافتني وراحت.

اجتني خالتي كالت تره بعد بس 3 ايام انتي يمنه. اني كمت ابجي ودك ولطم بهل سرعه ملخت نفسي ويهدن بيه ويرجعن يهدن ب امي.

ثلاث يوم سلمت على اهلي وعلى عمامي وعماتي وخوالي وخالتي صعب فراق انحبهم ودموع بعيني ماجفت ابدا بابا وعمامي يوصون بيه ارفع راسهم .ماجنت متوقعه عماتي وخالتي مشترياتلي ملابس بس اني ما شفتهن.

راحت ركبت بل سياره وبوع على امي على بابا وبجي عفيه دموع ليش متخلصين اشكد بجيت وتمنيت الموت اه اه ...

وصلت اهل انمار طبعا بيت جدو همه خذوني. اشوف الرجال واكفين طول الفرع مالتهم صح بستان اكو بس مقبيل البيت والبيت جبير مبين وضعهم زين اني ميهمني نزل جدو وخالي هشام واني بعدني بل سياره ما نزلت سلموا على كم واحد طبعا اني لبسه بوشيه فما اركز على منو سلموا اجه خلي ودخل السياره بل الكراج مالتهم ونزل وفتحلي الباب ونزلت بصف خالي امشي وهو كمش ايدي عرف اني خايفه طبينه للاستقبال مالتهم اجتني بنيه تقريبن عمره يطلع 11 سنه اخذتني وكعدتني ب الغرفه .

بره ربع ساعه تقريبن اجتني نفس ابنيه كالت كومي اجه السيد راح يعقد عليكم. راحت بره بس سلاحي  البجي والدعاء
عقدو انه اسمع اسم انمار يعني انمار زوجي. كملنه عقد واجت نفس ابنيه خذتني بس هل مره للصاله وجان الكه اربع نسوان كاعدات 3شابات وحده جبيره بل عمر بس مبينه مريضه لانو ترجف ولله بهل لحظه اتذكرت بابا.

وجان وحده كالت لا هله ولا مرحبه بل فصليه مكانج بل كاع يم رجلي تخدميني وتخدمين زوجي ....

اتمنه تصوتون للقصه  قصه حقيقيه