فصلتي ـ شاهدة(عشك)

البارت 15

السلام عليكم

فصليتي شاهده ـ عشك

# اوتار القلوب ♥

ــــــــــــ♥ــــــــــــــــــ

هبه:  بعد ما الباب انفتحت عليه انمار وابتهال بل الباب طبعا انمار معصب كلش وعيونه حمر سكتت ما حجيت.

ابتهال:  ها انمار اني شنو كلتلك بس اروح لهلي تجي دور
بغرفتي همي هي سرقت المبلغ لي جنت مجمعته وهمين
كاع تبوك الدليل على كلامي ضدهه.

انمار:  هبه كاع تخونيني ويه همام اني اعلمج والمبلغ لي سرقتي من ابتهال يرجع ملفيلي وحده حرميه بل بيت.طبعا انمار من يحجي بصياح وعصبي كلش بس لحد الان ما ضربني.

هبه:  اني تفاجئت ياااا مبلغ هذا هسه موضوع الخيانه عرفته
بس موضوع سرقت المبلغ من المال هذا شنو نوب. حجيت ولله انمار جذب ماعندي اي شي لا سرقه ولا خيانتك ولله العظيم.انمار اجه تقرب وضربني راشدي وكال.

انمار: ولج جذبين هذا الدليل كدام عيني انتي دازه رسائله لهمام وطاحت بيد ابتهال وضمته عملود اشوف سواد وجهج وكلاده انتي سرقتيه من امل وهم طاحت بيد ابتهال.

هبه:  كافي انمار ولله جذب صحيح هذا يشبه خطي بس ابدا ماكتبه رسائله ولله واذا على الكلاده ليش ما تجي امل تحجي ليش محد اتهمني غيرك انته وابتهال ليش ما ابتهال هي سوت كل هذا علمود نفترق وحتى مبلغ المال يمكن كل هذا الشي ابتهال هي السبب يعني انته شفتني بعينك ابتهال انتي  شفتيني بعينج.

انمار:  هااا لا اني ماشفتج.

ابتهال:  بس اني شفتج.

هبه:  شفتيني شوف عينج تكدرين تحلفين على القران وتكولين اني شفتج بعيني سرقتي وكتبيتي رسائله واني هم احلف على القران مو بس انتي.

ابتهال:  هاااا لا اني متاكده ماكو حاجه احلف على القران.

هبه:  انمار صيح امل هي تدري اني مو من هذا النوع ومستعده احلف على القران واذا ابتهال تراجعت فهي جذابه .

انمار:  خوش بس يا هبه اذا طلع حجيج جذب اموتج على يدي .

هبه:  ولله اني مو جذابه بس انمار هذي عدم الثقه بل مقابل تقلل من شخصيتك وتصدك ابتهال وتجذبني وين العدل انته عدل عود. اني هيج حجيت وكام يضرب بيه بكل قسوه على ظهري على بطني خو شعري انشلع بيده راشديات دفرات يعني ابد مو انمار لبالك مبدليه عليه عافني تقريبن  هو بل نص ساعه بس يضرب بيه. اخر شي تعب صاح امل وكال

انمار  : امل تعالي اريد اشوف هبه صدوك تحجي لو جذب.

امل:  ولله خويه اني سمعت كل الكلام بس هبه ما تسوي هيج واذا على الكلاده انكطعت وذبيته اني ماريده واما الخيانه فجذب مستحيل هبه تسوي هيج.