عشق و غرام و غزل 🙈🙈(متوقفه حاليا)

البارت التاني 😍😘

في الفيوم
لما : نهار اسود اهربك ازاي لا لا متدخلنيش في مشاكل مع ماما
شيماء وهي تمسح دموعها : مشاكل ايه بس يا لما وهي هتعرف منين بس هتفكرني مشيت لوحدي
لما : لا بي انا خايفه بردو بوصي ربنا يهديكي وافقي وخلاص مش هيحصل حاجه يعني
شيماء بنفاذ صبر : يا لما بطلي هبل بقي هتساعديني ولا لا
لما بتفكير وخوف : طب هساعدك ازاي
شيماء : بوصي.....

___________________________

في مكتب مراد

مراد : وهتروح تعمل ايه في الفيوم
محمود : مفيش يا عم خلاص متشغلش بالك انت، قولي عملت ايه في موضوع الارض
مراد فهم انه مخبي عنه حاجه : ادهم مسكه وهيخلصه متشلش هم
وفي اللحظه دي دخل ادهم

ادهم : اهلاا ازيك يا حوده واحشنا مختفي فين يا عم واللهي كويس انك جيت هتشيل عني شغل كتير
محمود : ازيك يا ادهم لا معلش خليها عليك يومين كمان كده عشان مسافر تاني يومين كده وبعدين ده انت معاك الراس الكبيره و ضحك

ادهم : طيب يا عم نستحمل يومين عشان خاطرك المهم جايب اخبار عايز عليها حفله حلوه
مراد بصله وسكت و هزله راسه بمعني اتكلم
ادهم : ماشي يا عم الصامت اطمن الارض بقت بتاعتنا خلاص وحبيب قلبك زمانه بيولول علي الملايين الي خسرها

مراد يرجع بضهره علي الكرسي : طيب تمام قول للعمال يبدأو بنا عايز المصنع ده يخلص بسرعه وابقي خلي حد يوصل تحيه لحمزه دهب ويقولوا ميقفش قدامي تاني لان الغلطه الجايه بفوره

ادهم : تعجبني فيك ثقتك،انا فعلاا اديتهم خبر عشان البنا يبدأ علي اول الاسبوع
مراد : طيب تمام ويقف ويلبس جاكيت بدلته ويأخذ تليفونه : انا ماشي

محمود : وانا كمان هروح عشان الحق اسافر
ادهم : والحفله يا عم انت وهو ده انا لسه جايبلكم حته ارض كانت هتخسرنا مشروع بحاله لو خسرناها
مراد : مكنتش تقدر تخسرها يا ادهم وبطل قرف بقي وبعدين انت مش خاطب فين خطيبتك سيباك كده ليه
ادهم وهو يرجع بضهره : وليه السيره الغم دي دلوقتي بس ما كنت مبسوط

محمود : انت لحقت تزهق دي هي سنه يتيمه خطوبه
ادهم : ازهق ايه بس دي هي الزهق نفسه دي غلطه و مجبور عليها

مراد : اخرو مفيش حفلات روح على بيتك
محمود : ايوه وانا مش قادر اصلاا ولسه السفر
ادهم : واللهي عيال كئيبه وتسد النفس روحوا انتو انا رايح عند كوكو

محمود بمزاح : ده انت محتاج تليفون دلوقتي لخطيبتك هتوضبك وترمي الدبله فش وشك
ادهم : ياعم ياريت هو لولا بابا دبسني في الموضوع ده......يلا نمشي يلا

نزلوا وكل واحد اتجه الي سيارته واتجهوا كل واحد الي بيته و ادهم الي كوكو

_________________________

في غرفه شيماء

لما : انتِ متأكده من الي هتعمليه ده ممكن تتخرشمي
شيماء : يا بنتي اهدي بقي هتفضحينا هو انا هعمل ايه يعني و وطي صوتك ده
لما : شيماء انتِ هتنطي من بلكونه مستوعبه الموضوع