في الفيوم
تدخل سميحه عشان تصحي شيماء فتتصدم لما متلقيهاش في الاوضه و الدولاب مفتوح و فاضي
سميحه بصوت عالي : شيماء انتي يا زفته انتي فين يا بت
و تخرج عشان تدور عليها بره بس مش لقياها سميحه بصوت هامس : ياتري روحتي فين اجيبك منين دي كده هتضيع عليا كل حاجه و تفتكر انها كانت امبارح في اوضه لما
سميحه بعصبيه : لماااا.. يا لماااا
لما تطلع بخوف : ايوه يا ماما في حاجه
سميحه : شيماء فين
لما بخوف تحاول تخفيه: و انا هعرف منين هي فين و بعدين ليه هو انتي مش لقياها
سميحه بشك : لا مش لقياها في الاوضه و الدولاب فاضي
لما تحاول تمثيل الصدمه : ايه بتقولي الدولاب فاضي ليه هتبقي راحت فين دي
سميحه : هي مش كانت عندك امبارح في الاوضه لحد منا دخلت نمت
لما : اه كانت عندي كانت بتقلع الفستان عشان انا اخدته منها و اخدت الاكسسوارت بتاعتي و راحت طالعه من الاوضه بعد كده و مش عارفه عنها حاجه تاني حتي انا نمت بعدها لان كان جسمي واجعني
اوي و مصدعه
سميحه: هوصلها هوصلها هتروح فين يعني
و بعدين يسمعوا صوت الجرس
سميحه : اكيد احمد هقوله ايه ده بقي دلوقتي
لما :عادي يعني يا ماما قوليلو الحقيقة هتقوليلو ايه يعني لازم يعرف
سميحه : اسكتي انتي انتي مش عارفه حاجه
لما باستغراب : حاجه ايه
سميحه : ملكيش دعوه ادخلي اوضتك انتي
لما : حاضر و تسيبها و تدخل اوضتها
سميحه : ماشي يا شيماء اما وريتك مبقاش انا و تروح عشان تفتح لاحمد الباب
في شركه السباعي في مكتب محمود
شيماء بتمشي في المكتب بعصبيه :فاكر نفسه مين ده قال عملالي الشريفه قال و المصحف لوريه ماشي ماشي
يدخل عليها محمود و لم تلاحظه هي و كملت كلامها : لا و قال عايزني اصدق بقي انها اختك ياخي عنك مصدقت جتك قرف يا شيخ انسان بارد و مستفز اوووووف
محمود و هو يحاول كتم ضحكته علي شكلها ولاكنه فشل : ههههههه مالك بس يا شيمو متعصبه كده ليه ههههههههه
شيماء بعصبيه : اضحك اضحك هقولك ايه امشي يلا من هنا يلا قالتها و هي تشير بيدها للخارج
محمود بضحك: في ايه يا بت انتي جايه تطردينا كلنا من مكاتبنا النهارده ولا ايه الاول مراد و بعدين انا
أنت تقرأ
عشق و غرام و غزل 🙈🙈(متوقفه حاليا)
Misteri / Thrillerشاب صارم بنت عنيده و يبدأ العشق الذي لا ينتهي
