عشق و غرام و غزل 🙈🙈(متوقفه حاليا)

البارت العاشر 😉😉

فارس : ايه الي بتقوله ده انت اتهبلت يا ولد
محمود : صدقني يا جدو الي بقولوا ده بجد
فارس : يعني ايه بجد وانا ايه الي ياكدلي ده و بعدين حتي لو بنت سهام مش عايزها في العيله بنت منصور دي متدخلش في اي مكان لعيله السباعي تاني

مراد : و االلهي مراتي مش هتطلع من بيتها يا فارس بيه

فارس : ايه الي بتقولوا ده مرات مين انت يا مراد اتجوزت بنت منصور ده انت اكتر واحد عارف الي حصل

مراد :  انا متجوزتش بنت منصور انا اتجوزت شيماء هشام عز الدين

فارس : انت مصدق الكلام الي بتقولوا ده انت عارف كويس ان عمتك نزلت الي في بطنها قبل متروح للكلب الي راحتله

في الوقت ده كان وصل يوسف و كانت معاه مرام و   ريم يوسف اصغر من فارس بخمس سنين بس كانو اصحاب من زمان

يوسف  : اهدي يا فارس...... الي بيقولوا ده صح

التفت فارس و شاف يوسف واقف قدامه : الله حتي انت عارف و مقولتش ايه الي انتو فيه ده و يعني ايه صح انتو اتجننتوا

محمود : طيب تعالي معايا يا جدو و انا هحكيلك كل حاجه

يوسف : لا هتحكي هنا قدامنا كلنا انت مكملتش امبارح الي حصل و حد يطلع يجيب لما من فوق  روحي يا شيماء انتي و مرام جيبوها اطلعي معاهم يا ريم

طلع البنات و كانت شيماء بتعيط  مصدقت حد قالها تتطلع او تمشي مكنتش عايزه حد يشوفها حتي انها اول ما عمها قالها تطلع جريت علي فوق و سبقت البنات كان مراد قلبو بيتقطع عليها و هو شايفها كده كان عايز يجري وراها و ياخدها في حضنه قاطع تفكيره صوت جده

فارس : اتجوزتها امتي 
مراد : امبارح
فارس : مفيش حد قالي ليه
ادهم : كلنا لسه عارفين امبارح يا بابا
فارس : و اتجوزها ازاي و كلكوا لسه عارفين امبارح
مراد : اتجوزتها عشان انقذها
يوسف : استني شويه يا فارس و كل حاجه هتتحكي دلوقتي بس يجيبوا لما من فوق

فارس:  مين لما دي كمان بنت منصور

محمود : جدو الي حصل............... و حكي له كل الي حصل و عن خطف شيماء و لما و عن سميحه و كل شئ قاله لهم و ازاي مراد اتجوز شيماء

في الوقت ده كان البنات نزلوا و و كانت شيماء واقفه عند السلم متحركتش و دموعها ماليه وشها و باصه في الارض

كان فارس فرحان جداااا و اول ما قالولوا كان بيتمني كلمهم يبقي صح حتي لو كانت بنت منصور كان هيقبلها المهم من بنته سهام كانت اقرب حد لقلبه كان بيحبها جداااا و فرح ان مراد اتجوزها و فرح اكتر لانه شاف الحب في عيون مراد ليها لما شافها بتعيط و كان ازاي زعلان بس مش فارس السباعي الي يبين الكلام ده لازم يفضل قوي
قرب فارس منها و وقف قدامها و فضل يبوصلها شويه : مش ناويه تسلمي علي جدك ولا ايه