رواية عيناها سر سعادتى (بين العشق وحب الذات)... بقلم: فاطمة البربرى

الحلقة الاولى

رواية عيناها سر سعادتى(بين العشق وحب الذات) بقلمى فاطمة البربرى
المقدمة:::
هل السعادة تكمن فى العيش مع من نحب فقط
ام مع من لنا معهم مصلحة نظن اننا من غيرها لم ولن نقدر على الحياة؟؟!!

وهل الوفاء شئ موجود فى هذه الحياة

ام ليس له معنى ولاوجود مادمنا لم نحصل على حياة
مستقرة كما نريد؟؟

وهل المبالغة فى حب الذات تعتبر انانية ام حق مشروع؟؟

هل من يضع مصلحته دائما فوق كل اعتبار
ويريد لنفسه كل شئ حتى ولو على حساب الاخرين يعتبر انانيا؟؟

****حبيبتى ارجوكى لا تتركينى فاانا اعشقك لدرجة الجنون اقسم لكى انني عندما انظر فى عينيكى
انسى كل همومى مهما كانت فعيناكى ياحياتى هى سر سعادتى****

الحلقة الاولى :::

اولا نتعرف على شخصيات الرواية:

آية:مهندسة معمارية مش مرتبطة٢٦سنة

أمل:اخت آية(٢٨سنة) ومتزوجة من ٣سنين من طارق العمرى
رجل اعمال صاحب شركة استيراد وتصدير (٣١سنة)
ولم ينجبا اطفال حتى الآن

محمود:اخو آية الاكبر (٣٠سنة) شيخ بالجامع الكبير ومحفظ للقرآن الكريم

مجدى:والد آية-سالى:والدة آية

خالد:ظابط طبعه قاسى بيكره البنات وبيكره فكرة الارتباط اساسا(٢٩سنة)

عبدالله:اخو خالد التوأم مهندس معمارى ومتزوج من ندا(٢٨سنة) ومدرسة لغة انجليزية
وحامل فى الشهر السابع

سارة:أخت خالد(٢٧سنة) دكتورة اسنان ومخطوبة من محمد(٢٨سنة)صيدلى

د/اسلام:مدير الشركة اللى بيشتغل فيها آية وعبدالله وعم خالد وعبدالله

أنور:والد خالد-عزة:والدة خالد

نبدا بقى فى قصتنا٠٠٠٠
فى بيت الحاج مجدى سالى اعدت مائدة للفطار فى الصباح الباكر وذهبت الى مجدى الذى كان منتهيا للتو من قرآة القرآن الكريم واخبرته انها اعدت الفطور وان آية ومحمود منتظرينه لمشاركتهم الفطور

آية:بابا حبيبى صباح الخير

مجدى:صباح الورد يانور عين بابا
محمود:ايه يابابا كل ده تأخير احنا جوعنا
مجدى:طول عمرك كدة ياواد انت لسانك طويل شوف الفرق بينك وبين اختك
سالى: لا ماتقولش كدة على الغالى ده حودة حبيب قلبى لسانه بينقط سكر
مجدى :اه ومين يشهد للعروسة ههه
والكل ضحك

فجأة آية سمعت صوت رنة موبايلها

آيه:ايه ده مين اللى بيرن على بدرى كدة
سالى: قومى يابنتى شوفى بسرعة مين ربنا يستر،اللهم اجعله خير

آية قامت وجابت التليفون من اوضتها:دى امل ياماما
آية:الو ازيك ياامل عاملة ايه
أمل بصوت فيه نبرة حزن:انا الحمد لله بخير ،انتو عاملين ايه،قولى لبابا ان انا وطارق هنيجى نقضى النهاردة معاكم