رواية عيناها سر سعادتى (بين العشق وحب الذات)... بقلم: فاطمة البربرى

الحلقة الاخيرة

الحلقة الاخيرة :::

رواية عيناها سر سعادتى (بين العشق وحب الذات)

بقلم : فــاطــمــة الــبــربــرى

خالد شاف العجوز راجع تانى استغرب والعجوز قرب منه

خالد : خير ياحاج نسيت حاجة هنا ولا ايه

العجوز قعد جنبه وبدا يكلمه بصوت واطى جدا : مين الناس اللى واقفين  دول انت تعرفهم

خالد : ايوة ، والدى ووالدتى ومرات اخويا -الله يرحمه -

العجوز : غريبة

خالد : ايه اللى غريب انا مش فاهم حاجة

العجوز : الست اللى لابسة طرحة لونها بنى اللى واقفة مع الحاج والحاجة دول هى نفسها الست اللى اتفقت مع برعى على قتل اخوك

خالد بذهول : ايه الكلام اللى بتقوله ده مستحيل دى ندا مرات عبدالله وكانت  بتحبه جدا ركز تانى ياحاج الله يكرمك

العجوز : انا متاكد والله ياخالد  بيه شكلها محفور فى ذاكرتى وعمرى مانسيته هى انا متاكد

خالد : طب خلاص ياحاج امشى انت دلوقتى وماتحكيش اى حاجة لاى حد وانا هاتصرف

العجوز مشى

عزة : مين ده ياخالد

خالد : ده راجل غلبان بعطف عليه

ندا : طب وهو ايه اللى رجعه تانى بعد ماخرج

خالد بخبث : مفيش ياندا كان بيقولى انه محتاج فلوس

انور : ربنا يعينك على فعل الخير ياابنى ، انت صحتك عاملة ايه دلوقتى

خالد ابتسم : الحمد لله يابابا بقيت احسن

عزة : ممكن اعرف بقى ايه اللى حصل بينك وبين مراتك وصلك للحالة اللى انت كنت فيها دى

انور بصوت عالى : عزة ... مش عايز اسمعك تتكلمى فى الموضوع ده تانى انتى فاهمة احنا ماصدقنا انه بقى كويس

ندا : حمد الله على سلامتك ياخالد قلقتنا كلنا عليك

خالد : الله يسلمك ياندا وحاول مايظهرلهاش انه عرف اى حاجة عن حقيقتها لحد مايتاكد بنفسه ويعرف مين اللى وراها بالظبط

خالد : بابا انا خلاص بقيت كويس وهامشى معاكم دلوقتى ماعدتش قادر اقعد هنا

ندا : ايوة ياخالد بس الدكتور بيقول لازم تفضل هنا اسبوع كمان تحت الملاحظة

(طبعا ندا كانت عايزاه يفضل فى المستشفى على مايخلصو العملية التانية)

خالد بصوت عالى شوية : انا ادرى بنفسى مش الدكتور انا قلت هامشى دلوقتى يعنى هامشى دلوقتى

عزة : خلاص ياحبيبى روق اعصابك على راحتك
————

خالد راح على شغله علطول وكلم هشام وكلفه بمراقبة ندا