رواية عيناها سر سعادتى (بين العشق وحب الذات)... بقلم: فاطمة البربرى

الحلقة السادسة والعشرون

الحلقة السادسة والعشرون :::

رواية عيناها سر سعادتى (بين العشق وحب الذات )

بقلم / فــاطــمــة الــبــربــرى

بشكركم جدا على تفاعلكم وكومنتاتكم 😍
—————

**** طارق جاى من الشغل وكانت هند فى اوضتها بتطبق الهدوم

طارق : السلام عليكم

هند : وعليكم السلام ، احضرلك الغدا

طارق : لا اقعدى ياهند انا عايز اتكلم معاكى شوية

هند قعدت : خير ياطارق

طارق :.......

هند : ساكت ليه ياطارق عايز تتكلم معايا فى ايه

طارق : انا اسف اوى ياهند على معاملتى ليكى وحش امبارح ، معلشى على ضغط كبير فى الشغل ، اتمنى ماتكونيش زعلانة منى

هند : ولا يهمك ياطارق

طارق : على فكرة امل جاتلى الشركة من يومين كدة

هند : اكيد طبعا مستعجلة على جوازكم ، وانا جاهزة ياطارق تقدر تجيب الماذون فى اى وقت ونطلق وانا اسفة ان كنت اخرتك فى الخطوة دى شوية، انت عارف ظروف موت امى نسانى حتى نفسى

طارق : هند هو انا ممكن اسالك سؤال وتجاوبينى بصراحة

هند : اتفضل

طارق : هو لما انا اطلقك ، انتى هتتجوزى تانى

هند : لا ماافتكرش انا خلاص اخدت نصيبى من الجواز ومش حابة
اجرب تانى كفاية على ماجد نور عينى يملى على حياتى

طارق : طب هاتى ماجد وقومى حضرى الغذا يالا

هند : لا سيبه ... هو بينام خلاص ، ماقلتليش هتجيب الماذون امتى

طارق : هاشوف امل كدة هتبقى جاهزة امتى لجوازنا علشان الماذون اللى يطلقنا يجوزنا بالمرة
هند حست بضيق من كلام طارق ولكن اخفت ذلك وقامت نيمت ماجد فى سريره : انا هاروح احضر الغدا
———-

اية قاعدة فى اوضة المكتب بتاعها فى بيتها

خالد جه من وراها وحضنها من دهرها وباسها من خدها : العسل سهران ليه

اية ابتسمت : بخلص شوية شغل

خالد : طب ممكن تسيبى كل حاجة فى ايدك دلوقتى وتقومى تجهزيلى حاجة اكلها انا جعان اوى

اية : لا طبعا مش ممكن ورايا شغل كتيير

خالد هز راسه : امممم - طب انا رايح انام تصبحى على خير

خالد سابها ودخل اوضة النوم ومدد على السرير وحاول ينام
لكن ماعرفش ينام واية مش جنبه

اية مع نفسها : ايه اللى انا هببته ده انا لازم اقوم اصالحه انا
كنت قليلة الذوق اوى معاه وسابت شغلها وراحت لخالد اوضة
نومهم