الحلقة الواحد وعشرون :::::
❤️
رواية عيناها سر سعادتى (بين العشق وحب الذات )
بقلم / فـــاطــمــة الـــبـــربـــرى
خالد : طب وهو فين الدوا ده مش شايف معاكى حاجة يعنى
ندا : اصلى لقيت الصيدلية قافلة
خالد : انتى كشفتى عليه
ندا : لا اصله لسة تعبان من شوية واكيد مفيش دكاترة فاتحين دلوقتى
اذا كانت الصيدلية قافلة ، بكرة الصبح من بدرى هاروح اكشف عليه
خالد : طب هاطلع معاكى اشوفه كدة واطمن عليه
ندا بتوتر اكتر : لا معلش خليها بكرة الوقت متاخر وانا لوحدى
خالد : اوكى ... عندك حق ، خلى بالك منك .وطلع فلوس من جيبه : خلى الفلوس دى معاكى ولواحتاجتى حاجة ماتتكسفيش منى انا زى اخوكى بالظبط
ندا اخدت الفلوس : شكرا ياخالد واكيد لواحتاجت حاجة هاطلب منك
خالد دخل البيت ولكنه يشك فى امر ندا وانها تكدب عليه
خالد دخل اوضته وغير هدومه واتصل بآية
اية : الو ازيك ياحبيبى عامل ايه وصلت البيت
خالد : ايوة يادوب غيرت هدومى بس
اية : ايه رايك ياخالد اخلى كل صحباتى يلبسو زى موحد فى الفرح
خالد : .........
اية : خالد ..... خالد ، انت مابتردش على ليه
خالد انتبه : ايوة ياحبيبتى معاكى
اية : مش باين يعنى ، ايه اللى شاغلك كدة
خالد : فيه حاجة كدة حصلت شاغلة بالى شوية
اية : حاجة ايه دى
خالد : وانا جاى دلوقتى شفت ندا جاية من برا وحاطة زفت من اللى البنات بيحطوه على وشهم ده
اية : طب وفين المشكلة مايمكن كانت خارجة تجيب حاجة ضرورية
خالد : ايوة ماهى بتقول انها كانت خارجة تجيب دوا بس انا اول مرة اشوفها حاطة مكياج على وشها
اية : اممم ، طب انت شاكك فى ايه بالظبط
خالد : انا شاكك انها كانت سهرانة مع حد برة ، وشاكك كمان يكون ليها عشيق وعبدالله اكتشف الموضوع ده وعلشان كدة فكرت تقتله
اية : لا ياخالد مش للدرجة دى ان بعض الظن اثم
خالد : خلاص ياحبيبتى انسى الموضوع ده ، انتى كنتى بتقولى ايه بقى قبل مانتكلم عن ندا
——————
هند فجأة جالها تعب شديد جدا وكانت بتتأوه بصوت مسموع
أنت تقرأ
رواية عيناها سر سعادتى (بين العشق وحب الذات)... بقلم: فاطمة البربرى
Mistério / Suspenseهل السعادة تكمن فى العيش مع من نحب فقط ام مع من لنا معهم مصلحة نظن اننا من غيرها لم ولن نقدر على الحياة؟؟!! وهل الوفاء شئ موجود فى هذه الحياة ام ليس له معنى ولاوجود مادمنا لم نحصل على حياة مستقرة كما نريد؟؟ وهل المبالغة فى حب الذات تعتبر انانية ام...
