💞 الفصل الثالث 💞
في قصر العاصي يتناول ساهر فطوره على عجل وهو ينظر للساعة
مريم : براحة يا ساهر الاكل هيقف في زورك كدة
ساهر وهو يبلع بالعصير : معلش يا امي انا بجد مستعجل اوي ورايا مشوار مهم واوعدك لو تم هعزمك على الغدا برة النهاردة
روكان بفرحة: طبعا وانا معاكم
ليداعب ساهر شعرها: وانا اقدر انساكي ياقلبي
ليرد مروان بابتسامة : خلاص يبقى الكل يتجمع هعزمكم على يوم جامد ان شاء الله
لترد مريم ببرود : لا ميرسي انا مرهقة النهاردة ومش هقدر اخرج
ليرد مروان بمناغشة : كدة مريومي تكسفني مكنش العشم برضه
روكان: أيوة يا مامي بلبيييز وافقي على خروجة أبيه مروان
ليرد ساهر : ماشي بتبعيني يا روكا عموما انا كمان موافق على عزومة مروان
ساجد بهدوء: خلاص اعفوني انا النهاردة علشان ورايا شغل كتير
لينظر له مروان وقد أحس أن هناك ما يشغل بال صديقه فهز رأسه متفهما
ساهر : طب سلاموز انا بقى
روكان: سلامنجا
مريم بحزم: بنت عيب كدة
🍒🍒🍒🍒🍒🍒🍒🍒🍒
في إسطبل الخيول تنتظر ريحانة وصول المشتري الجديد للخيول وهي
مرعوبة وتضرب على رأسها بشدة( غبية حد يضحي بعشرة عمر اتولدوا على أيدي) ( ما انا لو رفضت كانت هتموتهم)
لتقول بصوت عالي مهموم : يااااارب
ساهر : إنتي بتدعي على مين يا آنسة
لترتبك ريحانة : والله انا بدعيلهم مش يدعي على حد
ساهر بنظرة متفحصة : اه قولتيلي
لتسترد ريحانة رابطة جأشها : هو مين حضرتك
ساهر بابتسامة سمجة : انا اللي هشتري الخيول
ريحانة باستغراب : كلها كلها
ساهر: أيوة فيه مشكلة
ريحانة: لا بس انت عارف الخيول دي تمنها قد ايه
ساهر بتحدي: مش عايز اعرف انا هشتري الإسطبل باللي فيه واصحابهم يبقوا يحددوا السعر اللي هما عايزينه
ثم يقول بتهكم: بس مش غريبة يكون السايس بنت ولابسة هدوم شيك............ نسبيا
لتنحرج ريحانة: وحضرتك عرفت منين اني السايس
ساهر : من مالكة الخيول
( ساهر كان يعرف أن ريحانة بنت عمران وعارف اسمها لما كان بيجمع معلومات عنهم بس كان عايز يفهم ليه كوثر قالت له انها السايس وعايز يعرف ايه هي طبيعة علاقتهم اللي تخليها تتبرأ من بنتها)
أنت تقرأ
بينا وعد (مش سندريلا)
ChickLitفتاة اجبرتها الحياة أن تحيا حياة مثل سندريلا ولم يؤثر هذا في قلبها وبعد أن كبرت بدل أن تنتظر الأمير الذي سيأتي لانقاذها قررت أن تنقذ هي نفسها ليأتيها فارسها إليها بنفسه شاب معقد من الحب ليقع في حبها من أول نظرة ولكن الظروف تمنعهم من بعضهم ليكون صلته...
