بينا وعد (مش سندريلا)

الفصل الرابع

💞 الفصل الرابع 💞

كانت ريحانة تقف في وسط حديقة ممتلئة بازهار دوار الشمس ترتدي

ثوبا بلون الكشمير مطلقة العنان لشعرها ليتطاير خلفها وهي مغمضة

عينيها لتستمتع بحمام الشمس لتفتح عينيها على لفحات أنفاسه على

وجهها لتجده يبتسم لها وهو يمد يديه ليحاوطها فتبتسم هي الأخرى

وهي تضع يديها حول رقبته ليقترب منها ببطء فتغمض عينيها مستمتعة

لتنتفض فجأة على صوت مربيتها وهي توقظها ، تنظر ريحانة حولها اذا هي في غرفتها لتقوم وتحتضن المربية

ريحانة بسعادة : ياه يا دادا انا حلمت حلم ياريتني عمري ما اصحى منه

اخذت المربية تردد ايات قرآنية وتملس على رأسها وهي ترقيها ،بعد الشر عليكي حبيبتي

فتقبلها ريحانة: إنتي مامتي اللي مخلفتنيش

آمال: اه يا بكاشة اضحكي عليه بقى

ريحانة : والله ساعات بحس اني فعلا بنتك من حنانك عليه

لتحضنها آمال : إنتي اتولدتي على أيدي انتي بنت قلبي ، تعالي بقى روحي صلي الفجر بعد كدة نشوف اشغالنا

ريحانة وهي تركض ناحية الحمام : هوا

🍒🍒🍒🍒🍒🍒🍒🍒🍒🍒

في غرفة مظلمة جلست بعد انتهاءها من صلاة الفجر تدعو لأولادها

بصلاح الحال لتبكي وهي رافعة يدها الى السماء : يااااارب نور طريق مروان فيه حاجة تعباه يسر له أمره يارب ، يارب ساجد زعلان مع خطيبته يارب اهديهاله وريح بالهم ،يارب اهدي ساهر وفرحني بيه ونسيه وجع قلبه على واحدة متستهلش ،يارب نجح روكان ورامي واجعل ولادي كلهم من الصالحين

ليقترب منها عتمان ويحضنها : ياالله لسه بتفهمي اللي جواهم من غير ما حد يحكي

ثم يتصنع الزعل : بس انا زعلااان منك جدا واوعي كدة مخاصمك

مريم وهي تقربه منها بحب : ليه كدة ميهونش عليه زعلك

عتمان : يعني بتدعي لاولادك وانا لأ

لتحتضنه مريم : هما ولادي حتة مني ،لكن انت قلبي وروحي وعمري وسندي انت اللي عمري ما حبيت قبله ولا يمكن احب بعده

عتمان: وانا كمان عمري ما حبيت حد غيرك ، انا كنت بموت وانتي لغيري ومش قادر اطولك

لتضع مريم يديها على فمه : خلاص بقى كانت ايام صعبة اوي انسى بقى

عتمان: اقولك حاجة ومتقلقيش ، مروان دلوقتي عنده نفس نظراتي لما كنت محتار وهموووت عليكي ومش قادر انطق

مريم بحيرة : ما هو دة اللي مجنني خايفة يكون حب واللي حبها تخص حد من اخواته

عتمان : بس هو لحق امتى دة من يومين كان بيتريق على اللي بيحبوا