ترويض الشرسه

البارت الاول

السلام عليكم ....ازيكم عاملين ايه وحشتونى كتيييير ..واخيرااااااااا روايه جديده اتمنى انها تعجبكم 👇✌

يلا نبدا  بسم الله الرحمن الرحيم   .... 🏃
.
.
.
.

والدى جالة  سفريه جديدة تبع شغله وهيضطر انه يسافر فتره كبيره بره البلد وكنت قاعده فى التيراس وحاطه الهيدفون فى ودانى بسمع الموسيقى المفضله عندى وبراقب تعبيراتة  هو ومراته اللى بيفصل بينى وبينهم باب زجاجى و اقدر اقولكم دلوقتى هما بيقولوا ايه بالتفصيل

هو  بيقولها :انا عندى سفريه تبع شغلى وهتطول شويه خدى بالك منها

هى : انت هتوصينى عليها برضو دى بنتى

والدى  بأبتسامه : تسلميلى ي حبيبتى انا عارف ان قلبك كبير

انا : دا اللى هيقولوه بالظبط وبعد شويه هلاقيهم داخلين عليا يحضنونى قال ايه عائله سعيدة بقى وكدة
(وبالفعل دلف والدها وزوجتة وقاما بأحتضانها   ف ابتسمت بسخريه )

الأب  : حبيبتى خدى بالك من نفسك وابعدى عن البنات اللى انتٍ مصحباهم دول واياكى تخرجى بليل معاهم وتروحوا الاماكن اللى بيروحوها دى

انا بأبتسامه : متقلقش عليا ...وخد بالك انت بس من نفسك وارجعلى بسرعه ...انت عارف انى مقدرش اعيش من غيرك

(بعدما تركهم الاب نظرت لزوجة والدها وهتفت بسخرية  )

- برافو عليكى تمثيلك أتحسنت كتير عن آخر مرة  دا أنا كنت هصدقك لولا أنى عارفة اللى فيها  

=(أجابتها بنفس النبرة الساخرة)بس  ايه رأيك عجبتك مش كدا ؟

-(أردفت  محذرة) : مَثلى زى ما انتٍ عايزة طالما تمثيلك دا مابيأذيش والدى (ثم اكملت ببرود ) اعملى حسابك انا لحد دلوقتى مقولتش ل بابى عن حقيقتك وحقيقه معاملتك ليا و دا لسببين ..الاول لانى عارفه انه لأسف بيحبك وانا مش عايزاه يتجرح مره تانيه من الستاات اللى زيك ....ثانيا انا بستمتع وانا شيفاكى بتعملى حاجات انتٍ مش عايزاها ولا مقتنعه بيها عشان تثبتى ل بابى انك بتحبينى ...زى مثلا يوم ما  هاديتينى الانسيال اللى بتحبيه لانى قولت قدامة انى بحبه ونفسى يكون عندى واحد زيه ....او مثلا يوم ما اخدت عربيتك الجديده وخبطهالك وجبتهالك متكسره مليون حته وانتٍ بكل بساطه قولتى "عادى ي حبيبتى ولا يمهك المهم انك بخير " وانا عارفه ومتاكده انك كنتى هتموتى من الغيظ جواكى وغيرة كتير من المواقف اللى حرقت فيها دمك

=(أردفت بغضب) الاستمتاع دا مش هيطول كتير ...(ثم اكملت بغل اكبر ) وعد منى الحال دا مش هيدوم  وانا هعرف ازاى اخرجك من البيت دا وللابد

-(أجابتها  بسخريه ) اوووو بجد اوكى وانا بحب التحدى هنشوف مين فينا اللى هيطلع التانى من هنا ....(اكملت بنبره مستفزة )خدتى من وقتى كتير قوى وانا مش فاضيه للتفاهه دى ... هدخل اوضتى اجهز لان عندى سهره مع صحابى هما اهم منك ومن كلامك دا بكتير (تركتها وتوجهت الى غرفتها لابدل ملابسى )