ترويض الشرسه

البارت الثانى عشر

كان حمزة جالسا مع اسلام يخبره بالمعلومات التى تمكن من الوصيل اليها
اسلام : كدا احنا موصلناش لحاجه برضو
ألين وهى تجلس على الكرسى المجاور لهم :لا فى حاجه
نظر لها اسلام بأستغراب : مين دى ؟
حمزة بغضب لها :انا مش قولتلك خليكى ف العربيه ؟ ومتلحقنيش
ألين :فى حاجه اخدت بالى منها بعد ما انت سيبتنى وجيت على هنا وجيت اقولك عليها
حمزة : حاجه ايه ؟
اسلام وهو ينظر ل حمزة : مين دى ؟
ألين بفخر : انا ألين وهشتغل معاكم فى القضيه دى ...وانا السبب ف انكم توصولوا للمعلومات دى
اسلام : انت مقولتليش ان فى حد تالت يعرف بالموضوع ...وكمان بنت ؟
حمزة :متقلقش انا واثق فيها ...هى يبان عليها هبلة بس مفيدة
(تجاهلت كلامها وقالت وهى تخرج الحاسوب الخاص بها وفتحت الموقع لينظر كلا من حمزة واسلام )ممكن تركزوا معايا ...شوفوا العلامه دى دا لوجو كان موجود على الموقع .. لما بحثت عنه طلع انه خاص بشركه أمن اسمها *******يعنى اكيد ليها علاقه وشغل مع العصابه دى
حمزة :انتِ عارفه الشركه دى ليها كام فرع ؟
ألين: ليها اربع فروع يعن....
اسلام وهو يقاطع حديثها وينظر ل اللوجو بتفحص:لحظه اللوجو دا كمان فى دار للايتام حطاه على اليافطة بتاعتهم وكمان اى ورق بيخرج من الدار دى بيكون مطبوع عليه العلامه دى
حمزة :مش ممكن تكون صدفه ؟
اسلام :لا طبعا اللوجو دا بيبقى خاص بشركه او مكان معين لو مكان تانى مالوش علاقه بيهم استخدمه من غير ما يعرفوا هيبغلوا عنهم ويقاضوهم ويخليهم يمسحوه ...معنى ان اللوجو لسه موجود فى دار الايتام يبقى ليهم صلة بشركه الامن دى
حمزة : طيب دلوقتى عندنا اربع فروع للشركه دى فى مصر انهى فرع فيهم ليه علاقه بالموضوع دا
اسلام : اكيد الفرع اللى بيبعتلهم الحراس هو دا اللى ليه علاقه بالموضوع
ألين :وكمان اللى هيسهل الموضوع علينا ان كل فرع ليه مدير وحسب ما سمعت انهم مالهمش علاقه ببعض اصلا يعنى لو الفرع اللى هنا هو اللى بعت الحراس للدار دى يبقى الفروع الباقيه مالهاش علاقه لانه اكيد هيخاف يفضح نفسه بأنه يبعت الشغل دا لمدير الفرع التانى وهو مبيشتغلش معاه اصلا
حمزة :بس المعلومات دى مش كافيه اكيد فى حاجات تانيه كتيره احنا مش وصلنالها
أسلام :احنا هنشتغل على المعلومتين دول واكيد هيفتحولنا الباب للباقى ...المهم دلوقتى ازاى نعرف انهى فرع من دول اللى ليه علاقه
حمزة وهو يمسك بالحاسوب :بسيطه ادينى خمس دقايق وانا هجيبلك كل المعلومات اللى محتاجها
اسلام : لا بلاش نهكر السيستيم المره دى هما اكيد واخدين احتياطاهم ومش عايزين نجازف مره تانيه كفايه انها عدت على خير المره اللى فاتت ..انا هتصرف وهجيب المعلومات دى بطريقتى ...ولما اوصل لحاجه هقولكم وانت ي حمزة الفلاشه اللى معاك دى فين ؟
حمزة :شايلتها فى مكان بعيد عن الانظار
ألين : فلاشه ايه دى ؟
حمزة :مالكيش دعوة
ألين بأستنكار : ماليش دعوه ازاى يعنى احنا مش بنشتغل مع بعض ولا ايه ؟
حمزة :كفايه عليكى المعلومات اللى عرفتيها لحد دلوقتى
اسلام :هو معاه حق كفايه اللى عرفتيه دا افضل ليكى
ألين بضجر :اوكى
اسلام وهو ينهض :هروح انا اشوف هعمل ايه وانتوا لو وصلتوا لحاجه جديده عرفونى وانا كمان هعمل كدا
حمزة :تمام (تركهم وغادر ليتجه حمزة لشركته بعدما قام بتوصيلها لكليتها )
حمزة وهو يعطيها ظرف ما : خدى
ألين :ايه دا ؟
=مصروفك اليومى لحد ما تقبضى مرتبك اخر الشهر
-لا مش عايزة منك حاجه ....(ثم اكملت وهى تكتف كلتا ذراعيها امام صدرها وقالت بطفوليه )وبعدين انت بتكلمنى ليه دلوقتى انا قررت مكلمكش اصلا بسبب كلامك امبارح
=بالنسبه انك كنتى بتكلمينى من شويه ايه ؟
-لا دى نقره ودى نقرة ...هنتكلم بس فى حدود الشغل
=(قال بسخريه ) قال يعنى لما تقولى كدا هركع تحت رجلك واقولك بالله عليكى كلمينى لان حياتى واقفه على كلامى ليكى وانى هموت لو متكلمناش
-يبقى متكلمنيش وخلى فلوسك مش عايزاها انا هعرف اتصرف لوحدى انا مش مساعدتك فى حاجه "يارب يصر انى اخدهم ...انا معييش فلوس بس ف نفس الوقت مش عايزة ابينله دا "
=(قال وهو يعيد الظرف على طابلوه السياره ) اوكى
-(نظرت له بذهول ) "دا لما صدق دا ولا ايه "
=مش هتنزلى ولا ايه نظامك ؟
-هنزل (فتحت السياره وتوجهت الى قاعه محاضراتها وهى فى قمة نرفزتها منه )
__________________
دلف أمير لمكتب حمزة ليجد اصاله جالسه على مكتبها
أمير :هو حمزة جوة ؟
أصاله وهى تحاول النظر بعيد عنه :لا لسه موصلش ...لو حابب تستناه اتفضل استناه جوة فى المكتب
=(قال لجر كلام معها )متعرفيش عايزنى ف ايه ؟
-لا
=(قال بأحراج وهو يلعب فى شعره بتوتر )احم ....اسف على الكلام اللى قولته امبارح انا كنت متضايق ف اسف انى طلعت دا فيكى انتِ
-يلا معلش
=(قال بأستغراب )معلش؟
-اه معلش عايزنى اقولك ايه يعنى ...هو انا لعبه فى ايدك وقت ما تضايق تقطع علاقتك بيا ووقت ما تبقى كويس ترجع تقول اسف والمطلوب منى انى اقبل اسفك صح ؟
=اا
-(قالت وهى تنهض وتتجه ناحيته )ماتتكلمش غير ما اخلص كلامى الاول ....انا مش كنت طول اليوم اسألك مالك وكنت بحاول اعرف مالك وايه اللى مضايقك لكن انت اللى كنت بتتهرب منى وبتقول مفيش حاجه وطلع عين امى معاك (نظر لها بأستغراب ف اكملت ) اه طلعت عين امى ..انت بتعمل معايا كدا ليه ؟ انت عارف ان انت الشخص الوحيد اللى فضل معايا من طفولتى وعمرى ما كان ليا صحاب غيرك وان زعلك عندى بالدنيا كلها ..مفروض تقدر دا مش مجرد ما تضايق تقرر تقطع علاقتك بيا وكأنها حاجه سهله
=مفكره يعنى انه سهل عليا انى ابعد عنك بس ....
-ما تتكلم ي امير ف ايه مالك فهمنى
=صدقينى الاحسن ليكى انك متعرفيش مالى لانك لوعرفتى مش بعيده انتِ اللى تقررى تبعدى عنى
-انا لايمكن اعمل كدا
=لا هعتملى ...ماعلينا انا حبيت اتأسفلك على كلامى مش اكتر
(دلف حمزة من باب المكتب ولحقوا به للداخل )
حمزة : امير اعمل حسابك انت اللى هتشيل الشغل الفتره الجايه دى مكانى لانى هكون مشغول ف كذا حاجه بره الشركه
أمير : هو مينفعش حد مكانى اللى يشيل الشغل دا
=ليه وانت وراك ايه ؟
-كنت عايز اخد ريست واسافر اغير جو
=مش وقته خالص الكلام دا ...ورانا شغل كتير
-ماشى
=انت واصاله هتشيلوا الشغل هنا وانا وألين وأدم هنشيل شغل الشركه الجديدة
-تمام
_______________________
فى مكان ما كان هناك رجلان
الاول : وصلتلهم يا فندم عرفت مين الناس اللى دخلت على الموقع
الثانى وهو ينفث دخان سيجارته فى الهواء قال بسخريه :ههه لسه فاكر انت ورجالتك تعرفوهم هما مين دلوقتى ؟ انا عرفتهم وعرفت مكانهم وبدأت ف خطتى كمان وانتوا نايمين فى العسل
=خطته ايه ؟
-اعتقد انى لو عايزك تعرف كنت قولتلك ولا ايه؟
=على الاقل اعرف هنكمل ولا هنوقف فى عمليات كتيره الشهر
دا ...دا غير العمليه الكبيرة قربت
-خلى كل حاجه زى ما هى شويه عيال زى دول مش هيعرفوا يوصولوا ل اى حاجه ولو وصلوا ف هيوصلوا للحاجه اللى انا عايزهم يوصلولها وبس ...هما مفكرين انهم ماشيين ف الطريق الصح اللى هيكشفونا بيه بس اللى ميعرفهوش انهم ماشيين على الطريق اللى انا راسمهولهم مش اكتر
_____________________
أنهت ألين محاضراتها وخرجت من كليتها وتوجهت لمكان ما
"انا هثبتلك ي حمزة انى اذكى منك وهعرف اوصل للعصابه دى بلمح البصربس اصبر عليا بس ...انا دلوقتى جيبت عنوان دار الايتام وهحاول اعرف انهى فرع من الفروع الاربعه ليه علاقه بيهم يعنى هاخد الطريق من نهايته مش هلف حولين نفسى زيكم ...انا بجد بنت ذكيه "
تقدمت بأتجاه الدار ودلفت للداخل وهى تنظر حولها
قال الشخص الجالس فى الريسيبشن :خير عايزه مين ؟
ألين وهى تنظرله : اااا ااانا كنت جايه اه مش دى دار للايتام ؟ انا جايه اتطوع
الشاب بذهول : تطوعى ؟
-اه جايه اعرض مساعدتى انى ادرس للاطفال او انى اساعدكم انكم تاخدوا بالكم منهم ....(ثم اكملت ) وكمان فى مبلغ كدا هدفعه بس للاسف هو مش معايا دلوقتى هخيبه المره الجايه
=طيب خليكى هنا لحظه (تركها وتوجه بأتجاه غرفة ما ...توجهت هى بأتجاه احد الحراس )
ألين :ازيك
=(نظر لها ولم يجب عليها )
-(قالت وهى تعطيه علبه عصير )خد دى هتديك طاقه تكمل شغل فى الجو الحر دا (نظر ليدها الممسكه بعلبة العصير ونظر امامه مره اخرى ) "شكلى كدا هيطلع عين اهلى لحد ما اطلع منه بمعلومه " (ثم نظرت له وهى ترسم ابتسامه صفراء على وجهها) متخافش مفيهوش سِم ولا جاجه دا عصير عادى يعنى
الحارس :لو سمحتى وقوفك هنا بيشتت تركيزى ف لو سمحتى روحى من هنا وخلينى اركز فى شغلى
-(نظرت له بأستنكار )"مفكر نفسه حارس الرئيس قوى دا انت حيالا حارس لميتم ...ومجرم كمان وهدخلك السجن بأديا دى بس استنى عليا " (انتشلها من تفكيرها صوت شاب الريسيبشن )
الشاب :ي انسه ....المديره عايزة تتكلم معاكى
(توجهت معه لمكتب مديرة الدار وحاولت اقناعها بالسماح لها بالجلوس مع الاطفال وان تأخذ بالها منهم ...واخيرا بعد عناء واقفت السيده على طلبها ...تركتها وتوجهت الى حيث يوجد الاطفال كانت تنتظر فرصه خروج المديره من غرفتها لتتمكن من دخلو الغرفه لعلها تحصل على المعلومات التى تريدها )
_______________________
بعدما انهى عمله توجه الى منزله لاحظ غيابها ف سأل منال عنها لتخبره بأنها لم تعد من جامعتها للان ...حاول مهاتفتها ولكنها لم تجب علي اتصالاته