ترويض الشرسه

البارت الخامس

اتى يوم الجمعه وهو يوم الاجازة الخاصه بهم استيقظت على صوت رنين هاتفها ف اجابت عليه بصوت ناعس

-ألو

=كل دا نووووووم قومى يلا ورانا حاجات كتيره نعملها

-مين ؟

=معقوله نسيتى صديقك ...انا زعلان ولازم تصلحينى

-انت تانى ؟..ي ربى بقى الواحد ميعرفش ينام على راحته ؟

=نامى ف اى يوم تانى ..النهارده يومى متنسيش انتِ وعدتينى

-(قالت بنفاذ صبر ) اوكى صحيت ...عايز ايه بقى ؟

=قومى يلا اجهزى هنفطر مع بعض بره وعلى ذوقى

-(قال بعد تفكير ) هو انا عايزة اطلع من البيت بأى طريقه ف هستغل عرضك دا وهوافق

=تمام ....الساعه دلوقتى 11.5 هروح اصلى الجمعه وانتِ اجهزى ولما اخلص صلاه هكلمك تنزلى نروح سوا تمام ؟

-تمام

(اغلقت معه وادت فريضتها وتوجهت لاسفل وجدت منال فى المطبخ ومعها الداده تساعدها ف تحضير الطعام والتلفاز شغال على قناه تبث صلاه الجمعه مباشر وكان أحمد جالسا على الاركه وهو مرتدى جلباب باللون الابيض وممسكا بالمصحف يقراء فيه ينتظر خروج حمزة وألياس ليذهبوا معا لصلاه الجمعه ...شعرت بشئ غريب بداخلها لمجرد ان رأته ذلك المنظر كانت مفتقده دفئ العائله فقد كان والدها هو عائلتها الوحيده وكان اغلب الوقت فى عمله ...وزوجه ابيها لم تتقبلها ابدا (اخرجها من تفكيرها صوت منال )

منال بأبتسامه : صباح الخير

ألين بهدوء : صباح النور

منال بفرحه لانها ردت عليها : تحبى احضرلك الفطار ؟

ألين وهى تتهرب من نظراتها : لا انا هفطر بره ...عن اذنك (اعطتها ظهرها وكانت على وشك الذهاب لغرفتها ولكن اوقفها هبوط ألياس وحمزة وكلا منهما مرتدى جلباب بالون الابيض ورائحه عطرهم تفوح فى المكان )

ألياس وهو يتجه ناحيه ألين وقال بأبتسامه : ايه رأيك فيا طالع وسيم ف العبايه صح ؟

ألين وهى تهز رأسها بأبتسامه خفيفه :اهاا

ألياس بفرحه : بجد (قام بأحتضانها ) اختى حبيبتى .. انا بحبك

ألين " انا مالى النهارده ف ايه ؟ ليه اتهزيت من كلمه اختى اللى قالها ...فوقى ي ألين دى العائله اللى سرقت فرحتك "

(كان الجميع ينظر لهم بفرحه ماعدا حمزة كان يراقبهم بدون ان يظهر اى رده فعل )

حمزة : طيب مش يلا الخطبه هتبدأ

(ابتعدت عن ألياس بهدوء وتوجهت الى غرفتها وهى تتجنب نظرات الجميع لها ..فتحرك أحمد وألياس وحمزة للمسجد )