استيقظت من نومها وادت فريضتها وهبطت لاسفل وقامت بأعداد فطار لها ولوالدها ثم توجهت لغرفته وقامت بإيقاظه وجلسوا معا لتناوله
الاب :صاحيه بدرى النهاردة؟
-(قالت بأبتسامه ) من هنا ورايح اتعود على كدا بقى كل يوم هصحى بدرى اعمل الفطار قبل ما تمشى على شغلك
=(قال بأبتسامه ) ربنا يحفظك ليا ي حبيبتى ....بس انتِ خلاص هتتجوزى وتسيبينى وتمشى
-مين قال كدا ؟ انا هفضل معاك
=اكيد طبعا انا عايزك تكونى معايا لاخر يوم ف عمرى ...بس مينفعش انتِ هتتجوزى حمزة وهتسافروا على مصر
-وليه متسافرش معانا ؟وتبقى جنبنا ؟
=واسيب شغلى والشركه لمين ؟ مينفعش اسافر خالص وخصوصا ان الشركه محتجانى اليومين دول ...لازم اوقفها على رجلها وارجع ل جين فلوسه
-بس انا مش عايزة اسيبك لوحدك
=انا هعرف ادبر امورى ! ...ممكن بقى متفكريش فى الموضوع دا ...وخليكى ف فرحك انا عايز افرح بيكوا حمزة قالى انه هيجى النهارده نتفق على معاد االفرح والامور دى
-(امسكت يده وقالت )انت عارف انى بحبك صح ؟ ووعد منى لما اسافر هكلمك كل يوووم اطمن عليك واحكيلك عن يومى ومش هحسسك انى بعيده عنك خالص
= سماع صوتك هيبقى سبب فى انى اكمل حياتى
(رن جرس الباب فذهبت لفتحه وجدته حمزة الذى نظر لها بأبتسامته المعهودة )حمزة :صباح الخير عروستى الحلوة
-(بادلته الابتسامه )صباح النور حبيبى
عمار من خلفهم :مش وقت نحنحه دلوقتى ! ادخل ي بيه انت وهى فى ورانا كلام مهم عايزين نقوله ...(ثم كمل )ولا نلغى خالص الكلام والموضوع كله ؟
حمزة وهو يركض باتجاهه : تلغى ايه لا خلاص ...انا جيت اهو
(توجهوا الى االصالون وقامت ايلين بأخضار المشاريب وكانت ستذاهب للجلوس بجوار حمزة ولكن والدها اعترض )
=رايحه فين ؟ تعالى اقعدى جنبى هنا (تحركت من مكانها وجلست بجواره)
حمزة : انا تحت امر حضرتك ...طلباتك ايه
الاب: معنديش غير طلب واحد وهو انك تاخد بالك منها ومتزعلهاش وتراعى ربنا فيهاحمزة : ودى حاجه انا هعملها من غير ماحضرتك تطلبها ...انا هحطها ف عنيا واحافظ عليها
الاب: ودا اللى انا عايزة ...الامور التانيه دى انا مش هتكلم فيها ...اعملوا اللى يريحكم وتتفقوا عليه
حمزة : بس دا مينفعش ....لازم نتفق على مؤخر الصداق والشبكه والحاجات دىايلين :انا مش عايزة ولا يهمنى اى حاجه من دى انت المهم عندى مش هما
حمزة : برضو مينفعش لازم ننتفق عليها
أنت تقرأ
ترويض الشرسه
Romanceحقوق النشر محفوظة للكاتبة كانت فتاه عاديه تعيش حياه عاديه الى ان جاءت هذه النقطه لتكون نقطه تحول فى حياتها او بمعنى آخر تقلب حياتها رأس على عقب بعدما كانت تعيش مع والدهاحياه مليئه بالرفاهيه اضطرت للذهاب للعيش فى نفس المنزل مع اكثر شخص تكرهه فى حيا...