بنات السيد

الفصل التاسع

رواية بنات السيد
بقلمي منى ارام
الفصل التاسع

مراد
اخويا حبيبي
ليا عمر ما قولتش الكلمة دي
ابونا حكم علينا بالبعد حكم عليا اعيش غريبة  طول عمري
صحيح سيد والبنات عوضوني عن حجات كثير بس  فضل بعدي عنكم كاسر ظهري طول السنين دي
خصوصا انت يا مراد  مش حقدر اعدلك عدد المرات الي احتجت لحضنك فيها مش حقدر اعدلك عدد مرات الي كان نفسي ارمي حمولي على كتفك فيها وعدد المرات الي كان نفسي اشاركك فرحي فيها
كنت بسأل عنك ديما وعن ولادك مشاء الله ربنا يفرحك بيهم
كنت  بسأل عن بابا وعن صحتو  ماتعرفش قد ايه كان صعب عليا امنع نفسي اني ارحلو في كل مرة اعرف انو تعبان فيها
اتحرمت منكم اوي اوي يا اخويا
سيد كان نعم الزوج عمري ماندمت على قراري اني اروح معاها عيشني الحب الي كنت بتمناه من الدنيا وربنا نور حياتي اكثر ببناتي كل وحدة فيها جزء مني
جزء من روحي
علشان كدا حطلب منك طلبي دا يا مراد
رجع الروح دي وسطكم  خليهم ياخدو المكان الي تحرمت منو سنين طويلة  وسطكم
خلي بابا يشفهم يعرف اني مغلطتش علشان دافعت عن حبي  خليه يشوف ثمرة الحب دا
بناتي أمانة عندك يا اخويا عوزاك ترجع ناهد فيهم لبيت علتها
كان نفسي اودعك كان نفسي اشوفك بعد طول العمر دا مشتقالك يا خويا بدعي ربي مايحرمني منك في الاخرة زي ما اتحرمت منك في الدنيا
مراد اخويا حبيبي
ناهد

أكمل سيد قراءة رسالة ناهد التي أعطاه أيها مراد. انهمرت دموعه حزنا على محبوبته الراحلة
  وضع مراد يده على كتفه وقال : ربنا يرحمها
سيد : كنت حاسس بوجعها كنت حاسس بالي هي فيه بس ماكنش في أيدي حاجة اعملهلها
ياريت كنت اقدر ارجع الزمن لورى  كنت .....
مراد : لا ياسيد ما تقلش كدا  انا متاكد ان ناهد الله يرحمها لو رجع بيها الزمن كانت حتختارك بردو وصدقني ساعتها كنت انا كمان ساعدتها على دا
ناهد اختارت تعيش معاك الحب، انا شفت انها وصلتلو أول ما شفت بناتكم
سيد : بس فراقكم كان صعب عليها قوي 
يما طلبت منى اسألها عنك وعن ولادك واعرفها اخبركم علشان تطمن عليكم
ياما عيطت من كثر شوقها ليكم  خصوصا انت يامراد انت ماكنتش مجرد اخ بالنسبالها  ما كنش بيعدي يوم  ماتفتكركش فيه
مراد : والله وانا كمان بعدي عنها كان على عيني كان غصب عني
عارف اني خدلتها كثير اوي  ما كنتش الاخ الي تستهلو ماكنتش السند الي المفروض اكونو
سيد : هون عليك يا مراد صدقني ناهد ما كنتش زعلانة منك  والآخر لحظة في حياتها كانت بتدعيلك انت وولادك
مراد : عارف عارف ان ناهد قلبها طيب مش ممكن تكره حد حتى بابا ولي  عملو فيها انا متأكد انها ما كرهتوش
سيد : دا الي حصل فعلا حبها لابوكم فضل زي ما هو كانت طول الوقت بتحكي للبنات عنو توصفلهم فيه
مراد: بس انا قررت اعوضها عن كل الي فات وانفد  الي طلبتو مني
وارجعها للعيلة من ثاني
سيد : وحتعمل كدا ازاي
مراد : زي ماناهد قالت هي في روح كل واحدة من بناتها وانا حرجع الروح دي لبيت العيلة من ثاني
وبنات ناهد حيخدو الاسم الي يستحقوه خياخدو اسم الصياد
سيد : حاسب على كلامك يا مراد بناتي شايلين الاسم الي يستحقوه بناتي هما بنات السيد وحيفضلو كدا
مراد : مش قصدي يا سيد  انا اتشرف بيك وببناتك علشان كدا بطلب  بناتك لاولادي
سيد : انت بتقول ايه هي شيلة يا مراد بناتي لاولادك
مراد : لا يا سيد ارجوك افهمني انا  عاوزة اجوز  كل واحد من ولادي وحدة من بناتك  وصدقني دا مش علشان انفد طلب ناهد بس  انا شفت في بناتك زوجات الي بتمناهم لاولادي  ودول بنات اختي وانا اولى بيهم ومش حسيب واحدة منهم تبعد عن عيلتي
سيد : المسألة مش بطريقة دي ،دا جواز يا مراد مش لعب ،ثم انت عندك ثلاث ولاد مش أربعة
مراد : ايوى بس بنتك الرابعة بردو حتشيل اسم الصياد
سيد : تقصد ايه
مراد  : محمد الصياد ابن عمي وصاحبي واخويا  وعندو ابن ما يتخيرش عن ولادي
سيد :انت مرتب كل حاجة على كدا .وياترى قررت حتجوز مين لمين كمان
مراد : ايوى يا سيد انا بطلب منك  ايد ندى بنتك لحمزة ابني،ندى بنت شخصيتها قوية وعقلها ناضج رغم صغر سنها  وحمزة ابني رغم انو بيبان من بري صلب وقوي بس جواه حب وطيبة تملى الكون محتاج وحدة زي ندى تقدر تستحملو وتخليه يطلع الي جواه
  كمان بطلب ايد بنتك نسمة لابني كنان
كنان طيب و اجتماعي وحنيتو بتبان مع الكل بس مشتت ومش عارف هو عاوز ايه عاوز حد ياخد بايدو لطريق الصح وانا شفت دا في نسمة
سيد  : امممم وايه الي قررتو كمان
مراد : انس انت عارف ظروف  الحاذثة وموت مراتو
كسر حجات كثير جواه واكيد نور بجمالها وطيبتها  حتساعدو يصلح كل دا
أما نسرين فهي الي اخترتها لمعاد ابن محمد اخويا  وانا واثق انو حيسعدها أن شاء الله
ارجوك ياسيد ماترفضش طلبي وارجوك اديني فرصة اكفر بيها عن ذنبي مع اختي
سيد : بس  يا مرا..........
مراد : ورحمة ناهد  يا سيد   افتكر أني كدا بحقق طلبها
سيد : بقلة حيلة   طيب يا مراد انا موافق بس بشرط
مراد : انت تؤمر يا سيد
سيد : استغفر الله لا مش أمر  بس انا يا مراد مش حجبر اي واحدة من بناتي على موضوع الجواز دا.  احنا حنعرض عليهم الموضوع وهما يقررو
مراد : طيب أن شاء الله خير . انا عارف أن الموضوع صعب بس متأكد انو حيبقى خير للكل بس قول يارب
سيد : يارب يا مراد يارب