Isa kang makata,
Makata na hindi ako makita
Isa kang makata,
Makata na walang ibang ginawa kundi magsulat ng tula
Isa kang makata,
Makata na magaling magbitiw ng mga salita
Mga salitang sa puso ko'y nakaukit na
Mga salitang tagos sa puso ng iyong mambabasa
Mga mambabasa na unti-unti sayo'y nahuhulog na
Mga mambabasa mong hindi mo kilala
Mga mambabasa na nahumaling sa iyong mga akda
Mga mambabasa mong naakit mo gamit ang iyong mga tula
Hindi mo ba napapansin na
Ako'y nahulog na pala
Hulog na hulog na
At hindi na makakaahon pa
Kung sana simpleng tao ka
Kung sana hindi ka isang makata
Kung sana hindi ako nabighani ng iyong mga tula
Kung sana hindi ako nahulog sa iyong mga salita
Alam ko naman kasing wala akong pag-asa,
Sapagkat isa kang makata
Dahil sa bawat akda mo ang pag-ibig mo ay buhay pa,
Ngunit ang totoo'y ubos na at wala nang natira
