🍃مَـنْ أَنْتِ؟🍃 { باللهجة الجزائرية}

🍼بارت 11🍼

دراما اليوم : من افضل الدرامات الكوميدية/رومنسية و قصتها بزاف مختلفة على باقي الدرامات عفسة جديدة و الكوبل يايماااا دارولي جفاف عاطفي من حلاوتهم و بيان سور عندي ماضحكت تقتل بالضحك و الطفلة مرنكة قاع هو يخافها مشي هي تخافو ننصحكم بيها بلبزاف تطلعلكم لمورال
اسم الدراما : weightlifting fairy kim bok joo

___________________

*بعد مرور اسبوعين*

هايييييي سيسترز *بصوت جايمس تشارلز* وش راكم لباس الحمدالله لافامي الاصدقاء الجيران الاقرباء

ياااس...ياس جازو اسبوعين ...اسبوعين و انا مزلت فالخدمة

هدا و بالتأكيد اكبر انجاز درتو في حياتي بمعنى الكلمة ....تتخيلو ندى قعدت في خدمة اسبوعين ..مكاش لي متشوكاش

و فوق هدا قاع ...مصراوش مشاكل ...قلت مشاكل مشي تبهدايل لخطرش التبهدايل كون ميصراوش معنتها مت ولا كاش ماصرالي

دك نحكيلكم وش صرا فهاد الاسبوعين الجميلين...ايه جميلين

من هداك النهار تع العشاء و علاقتي مع السيد آدم تطورت قليلا مشي تطور كبير جدا مي حسيتو رجع يرتاح معايا كثر ملي كان و تان وليت نديلو انا الفطور مع الصباح لخطرش السيد علاقتو مع الكوزينة احم احم شوية معقدة

و مام فلخدمة وليت افضل تعلمت بزاف عفايس و هاد الشي يعني اني رجعت اسرع بصح مزالها تعيي ديك الخدمة و خاصة مع السي آدم ميحبسش وش نقوللكم بصح رانا صابرين

اكتسبت ثقة اكثر من جهة العمل و رجعت نشاركهم افكاري فالاجتماعات و كذا

سيليا كيم البقرة مبانتش لمدة اسبوعين الحمدالله قالك راي فالخارج عندها تصوير تع واحد الفيلم ....طريق السد ...

من نهار لي تلاقيت مع طاطا نجيبة يمات السي آدم و حنا دايرين حالة فهداك الموقع هههه و دايمن ندعمو بعضنا و نديرو هجومات كيف كيف ....امو بزاااااف هايلة صح طبيرة فالعمر بصح عقليتها بزاف كول

فالدار و مع المقلوعين رامي و داليا مزالها حياتي هي هي برك راهم كل يوم يزيدو يرجعو بهالل كثر

هرمون التبهليل في زيادة دائمة عندهم و بيان سور انا تان

و رامي رجع بشع كثر ملي كان هادي مفروغ منها

من جهة ماما راي الحالة كالم سوغتو كي قعدت فلخدمة سمانتين هي و تشوكات قريب معرفتنيش ههههههههه

و غدوة ان شاء الله يوم مهم جدا جدا جدااااااا

غدوة ان شاء الله عندو أمجد اول منافسة ليه و ادا ربحها ينتاقل للمرحلة الثانية

كاين ثلث مراحل و كل ما يربح فوحدة ينتاقل للاخرى و كي يربحهم بين 3 يقبلوه باش يجوز اختبار القبول باه يدخل للجامعة الوطنية للرياضة