🍃مَـنْ أَنْتِ؟🍃 { باللهجة الجزائرية}

🍘بارت 25🍘

دراما اليوم : I am not a robot

دراما بقصة بزااف مميزة و غريبة شوية لكن بزااااف شابة
تحكي عن رجل صراولو مشاكل و طعنوه عائلتو في ظهرو كي كان صغير الشي لي خلاه يفقد الثقة فالناس و يرجع عندو فوبيا او حساسية من البشر...كل ما يمس بشري يجوه اعراض بزاف غريبة يرجع يتنفس بالسيف و لحمو يرجع كلي راه يتحرق ...هاد الشي لي خلاه يعيش 15 سنة في دارو وحدو بلا ما يخرج لبرا ولا ياقبل اي بنادم من غير الخدام تاعو ....
صافيك يقول لجماعة يخدمولو روبوت و لي خدم الروبوت هداك خدمو بنفس الشكل تع حبيبتو السابقة ...ليلة التسليم ساح الناء و تفسد الروبوت صافيك خلاصت عليهم يبعتو الحبيبة السابقة تع العالم لي دار الروبوت و هي تروح و ترجع روحها روبوت و ترجع تعيش مع هداك السيد هههههه
قصد بزاااف مشوقة و كيوت و الجفاف العاطفي بسبة الرومنسية بيان سور و تضحك
أنصحكم جدا بها♥
______________

لكن هو برك دار و بدا يمشي...نشوف حاجو طاحت من جيبو

آدم : اوه اصبر أنيس...

حبس و دار ليا...رحت و جيت حا نرفدهالو

آدم : طاحت منك هادي

لكن انا برك جيت نرفدها

أنيس : نننوووو حبس

هو برك قال هكاكخزرت فيها و شفت عفسة ...

شفت عفسة خلات قلبي لي كان فرحان ....يخبط مالستراس...حتى نشوف انيس رفدها بسرعة

أنيس : اااه ههههه طاحت ....ههه *بتوتر*

و جا رايح ...وقفت بسرعة و رحت شديتو

آدم : مدلي هاديك التصويرة أنيس

برك قتلو هكاك رحع صفر السيد و بدا يتأتأ

أنيس : اااه علاش ههه معندك ما دير بيها...ااه تع ماية

خزرت فيه و النار يخرج من عينيا و زيرت عليه

آدم : أنيس قتلك جيبها *بصراخ*

أنيس : منجيبش*بصراخ*

آدم : أنيس....يا أنيس منيش حاب نتخاسر معاك جيبها سينون نديها بلقوة

حبط راسو و بدا يهدر بكل حزن

أنيس : يا آدم مشي دك ...متفسدش نهارك

آدم : جيب التصويرة لآخر مرة ...

برك قتلو هكاك طلع راسو خزر فيا و الحزن في عيينه

أنيس : متأكد آدم؟

كي قالي هكاك....ترددت شوية ....لوكان يكون لي شفتو صح ....لوكان يكون وش راه في راسي دك صحيح ....لاا مستحيل مستحيييل..نشوف التصويرة ...نتأكد بلي قاع شكوكي مكاش منها و نكمل نهار عادي كيما خططتلو ....تشجعت و قتلو

آدم : ايه ..

دخل يدو داخل جيبو و جبد هاديك التصويرة بالسيف...برك جبدها خطفتهالو من يدو و شفتها ....