🍃مَـنْ أَنْتِ؟🍃 { باللهجة الجزائرية}

🍌بارت 19🍌

دراما اليوم : FIGHT FOR MY WAY

هاد الدراما بزاااف شابة و تليق باش طلعو المورال بيها ...حتى قصتها بزاف هايلة و مش معقدة بزاف
تحكي عن 4 اصدقاء و كيفية حياتهم و كل واحد كيفاش يقاتل باش يحقق الحلم تاعو مع الحب و الرومنسية و المشاكل لي تواجه الشباب و كيفاش لازم يستغلو شبابهم بدون التفكير فالمشاكل... و تضحك بزاااااف و فنفس الوقت كاين لحظات حزينة
و زيد هاد الدراما تبين قيمة الاصدقاء الحقيقيين و بلي ملازمش تستسلمو مهما واجهتكم صعوبات لتحقيق احلامكم

______________________

جاز الوقت و خلاصت استراحة الطعام و ها نحن في طريقنا للشركة .......

رحنا و برك وصلنا ....دخلنا و يقابلنا ...

آدم : بابا...

بابت السيد آدم واقف و يخزر فينا ...تقرب لينا

أنور : آدم...

كان يهدر و باين عليه مقلق

آدم : وش جابك هنا بابا ؟؟

انور : سمعت بالمشكل لي صار...علابيها جيت

آدم : سمعت بالمشكل ؟؟ شكون قالك؟؟

أنور : تصرا عفسة كيما هادي فشركة وليدي و منعرفش..؟

آدم : مش مهم....هايا نطلعو لمكتبي ...

أومأ السيد أنور براسو و جينا رايحين ...كان مورانا يمشي مع السيد أنيس و كان يسيي كي عادتو يخلي الحالة بخير...

خزرت في وجه السيد آدم و كان باين عليه التقلاق و الغضبكثر من قبل....قربت ليه شوية و همستلو

ندى : سيد آدم ...راك مليح ؟

خزر فيا و حسيت كأنو نوضتو من نوبة الغضب تاعو...

آدم :اه...ايه ايه ..

حبطت راسي و كملنا طريقنا للمكتب...

برك وصلنا كنا انا و السيد آدم و أبوه و أنيس و داليا راحت لقسمها و كان هداك الصمت الغريب و باش نكسرو...

ندى : سيد أنور ...كاش ما حبيت تشرب

أنور : لا صحا بنتي..

عاودت قعدت بكل خيبة أمل...

آدم : بابا ماشي كنت مسافر ليوم

أنور : احلت الرحلة....كيفاش نسمع بشي كيما هدا و نسافر عادي

آدم : بابا ياخ قتلك بلي مشاكل شركتي انا نفريهم علاش ...كون رحت...

أنور : و انا شحال من خطرة قتلك كون نتدخل و نعاونك محاش تموت و محاش تتهدم الشركة

آدم : بصح بابا نتا شركتك شكون عاونك فيها؟؟ و شوف وين راهي جكا ...مانيش حايب نطلع خدمتي بيك نتا....حاب كلشي انا نبنيه وحدي ..