دراما اليوم : Gu book family لمحبي الدرامات التاريخية الخيالية كما عشاق القمر هادي افضل دراما قادر ننصحكم بيها..هاد الدراما خلاتني نضحك بلبزاف و فنفس الوقت بكيت فيها مخ راسي و فنفس الوقت كنت حابة ندخل فيها و نحكم بعض الشخصيات نعذبهم بلا رحمة دراما من ذهب 😭💗 عندي 3 ايام ملي كملتها و مزلت حاسة بفراغ كبييير و حزينة جدا _________________ *في الصباح*
نضت مع الصباح ربي و بكل غرابة كنت فرحانة
ايه نضت نتبسم وحدي كي البقرة....ااااااه ندى راكي تباني كي هادوك العاشقات الولهانات
ضربت روحي بكف بزربة باش تحبس الابتسامة الغبية...ندى يا زمر...رحتي عاونتيه برك كعمل ...راه مديرك ..و لعفايس لي صراو قاع سي صدفة وحوادث
صو كالمي روحك
ايه ايه..هو مديري برك اااااااااااع
و انا نسيي نفهم في روحي
داليا : ندى وش راكي ديري *بصوت باكي مالنععاس*
خزرت فيها برعة
ندى : والو والو دودو ارقدي
داليا : ياخ جي ليوم لمنافسة تع أمجد ؟؟
ندى : ايه نجي و نتي
داليا : خسارة عليك
ندى : خلاك مدير قسمك؟؟
داليا : ايه خلاني
ندى : هاي الهدر الشابة..شوفي ال12 تفاهمت مع ماما و رامي يجو للشركة ابخي ملتم نروحو قاع كيف كيف نفطرو بلخف و نروحو لأمجد
داليا : بييي داك الزين
ندى : افكاري الجميلة هههه هايا كملي رقادك و انا نروح نوجد روحي
خليت داليا تكمل رقادها و انا رحت بديت نوجد في روحي
درت روتيني اليومي كيما لعادة و رحت لبست حوايجي
مشطت شعري المكركب و درت مايكاب سامبل مايبانش قاع
و هااااااا أنا جاهزة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نلبس سروال باي نقدر نشجع رامي و نقلبها هيهيهييهي
برك كملت لبست رحت للكوزينة طيبت سريعا و كليت و بيان سوغ وجدت حق السيد آدم
