دراما اليوم : Moonlight drawn by clouds
دراما تاريخية تحكي على قصة حب بين ولي عهد المملكة و واحد الطفلة عاشت حياتها قاع و هي متنكرة كولد
تقدر تدخل للقصر كخادم و تولي خادم تع ولي العهد و ملتم تبدا قصتهم
دراما فيها مزيج من كلش الرومنسية الاكشن الغموض التشويق الكوميديا و بيان سور الحزن
و الممثلين يهبلو واحد خير مالآخر و مشي غير الرئيسيين حتى الثانويين
اييييه و الاغاني تاعها بزاااف شابين مالدرامات القليلة لي قااع الاغاني عجبوني بلبزاف ♥
أنصحكم جدا بها ♥
_________________
*بعد مرورأسبوع*
____ندى تحكي________
جاز أسبوع ...جاز أسبوع من هداك النهار الاسود ....أسبوع كامل و انا فالدار ....حتى الشهية راحتلي...غير نرقد و مكتائبة
و رامي و داليا مفارقونيش...كان مرات يجي أنيس لكن منحبش نسمع وش يهدر لانو عبالي الشي لي راح يقلهولي ...
اسبوع كامل مشفت آدم...ما هدرت معاه
جاز أسبوع أسود نخمم غير فالشي هداك...مزالني حابسة فهداك الموقف...مقدرتش نتخطاه ......
نضت مع صباح شفت الساعة صبتها ال10...
مكنتش حابة قاع يجي ليوم ...بصح لازم ....لازم ندير هاد الشي...
رحت غسلت وجهي و كلش ....و رحت قعدت مع داليا و رامي فلكوزينة باش ناكل...مليوم ....مليوم نرجع لحياتي السابقة..قبل ما نتعرف عليه ...قبل ما ندخل نخدم ...
برك شافوني داليا و رامي تفاجئو
داليا : اووه ندى ...تاكلي
رامي : كاش ما نشريلك ندى ؟؟
خزرت فيهم و بالسيف باه ضحكت
ندى : علاش راني مريضة واقيل
رامي : اه ...لالا..يعني..
ندى : مليوم يرجع كلشي كيما كان خلاص
داليا : وو..وشنو...
ندى : ليوم نفريها ..
رامي : تفريها ؟؟؟
ندى : اوووه خلاص الخاوة حبيت ناكل سكتونا
داليا : اه....ايه ايه
حطتلي داليا الماكلة و انا فاقدة الشهية قاع لكن كليت...خلاص ليوم يرجع كلشي كيما كان
برك كملت ماكلو رحت للبيت ...
جيت حا نجبد حوايجي حتى جات عندي داليا
داليا : لبرد ليوم ...و راح تصب شتاء ..البسي مليح
ندى : صح؟؟ ..
داليا : يااس
أومأتلها براسي و عاودت جبدت حوايج جدد
أنت تقرأ
🍃مَـنْ أَنْتِ؟🍃 { باللهجة الجزائرية}
عاطفيةمن أنتي ....؟ بدون أي إنذار🚨 إقتحمتي حياتي...و لونتي تفاصيلها🎨 جلبتي السرور و الفرح 😄 اعدتي إحياء قلبي الميت 💗 لدرجة انني نسيت نفسي القديمة🔕 لكن .... ماذا عنكي ؟؟؟
