🍃مَـنْ أَنْتِ؟🍃 { باللهجة الجزائرية}

🍱بارت 17 🍱

اسم الفيلم : Pandora

ليوم فيلم ماشي دراما ههه و هدا لفيلم لي درتو راح يشوفوه ندى و آدم هيهيهي
من افضل الافلام لي دارتهم كوريا و متعوب عليهم بزاف ...الفيلم يحكي على وحد السيد عايش مع يما و زوجة خوه و وليد خوه الصغير في واحد القرية لي فيها مصنع تع الطاقة النووية ...يجي نهار وين يضرب زلزال فهاديك القرية و يسبب انفجارات في هديك المحطة و عبالكم الخطر تع الانفجار النووي...مع الاول تحسبلهم بلي رح يأثر عالقرية و بسبب تهاون الحكومة يولي خطر على كوريا قاع ...فيلم روعة بمعنى الكلمة طول لفيلم و انا عايشة الاجواء و حكمني ستراس و مع الاخير قريب ما خرجو عينيا مالبكاء..الفيلم ميركزش برك عالانفجار ...يركز تان على التضحيات تع العمال لي يخدمو لتم و تع البطل ...

____________________________

*على الساعة 6:00*

____ندى تحكي________

ندى : من الآن فصاعدا عيطولي السيدة ندى لي شافت  Pandora أووووووك

رامي : ندى متروحيش معاه

ندى : تعرف ناناك

داليا : علاش جايك على السيد آدم وش كاين بيناتكم؟؟

ندى : شفتي كيفاااااه

رامي : صااار هكا وليتو في صف السيد آدم نتوما الزوج

ندى : وين ويننن ديجا *بصراخ* نتا لي راك تزمر عليا متروحيش متروحيش معاه تقول حا ياكلني

رامي : ايه وين عبالك....متعرفيهش اصلا السيد

رحت عندو و بكل هدوء درت يدي على كتفو و قتلو بهدوء ايضا سينون ليوم ميسكتش

ندى : رامي متخافش عليا راك تعرفني كون نقعد عليه نفشو ....و ظيد مناش رايحين لطرف الدنيا رانا رايحين لسينيما معروفة و زيد باش نشوفو Pandora لي عبالك شحال و انا نسيي باش ندبر لي تيكي و مقدرتش معنتها راح يكونو لتم الشعب قاع 

رامي : بصح ندى علاش معاه ؟؟ *بحزن*

ندى : رامي والله دك نضربك نطيرك السيد بنات وين نبان قدامهم يجرو موراه كي لكلاب  في رايك يخزر فيا ؟؟؟؟

و لتم خزر فيا رامي بطريقة ملي عرفتو مشفت هاد الخزرة في وجهو....كان بزاف سيريو ...و قالي بهدوء 

رامي : نتي خير منهم قاع...

هو برك قال هكاك انا تفاجأت مستنيتهاش منو قاع...حتى داليا قاعدة تخزر فيه بطريقة غريبة

و جات لحظة الصمت الغريبة ....و حنا ماشي مزالفين بهاد الاشياء بيناتنا...صافيك ضربت رامي على كتفو بلعقل و قتلو بالضحكة 

ندى : ههههههه باينة ..ههه باينة بلي انا خير منهم بصح هو مدلي تيكي برك لانو انا قتلو بلي كنت حابة نشوف لفيلم