🍃مَـنْ أَنْتِ؟🍃 { باللهجة الجزائرية}

🍍بارت 27 🍍النهاية

آخر دراما : my suspicious partner 

كيما يقلك ...ختامها مسك 
من أجمل الدراما فيها الكوميديا و الرومنسية و الاكسيون و الغموض و الجريمة ...يعني فيها كلش تشبع من كل النواحي 
تحكي الدراما عن مجموعة من المحاميين يخدمو كيف كيف باش يلقاو قاتل متسلل و يكشفو على الجرائم تاعو 
فهاد الدراما حبيت قاع الشخصيات بالرئيسية و بالثانوية حتى القاتل صح مع لول كرهتو بصح كي يورو حكايتو رجع من الشخصيات المفضلة ليا ♥♥♥
انصحكم جدا جدا بها خاصة لمحبين التحقيقات و كذا ♥

______________

وصلت للمطار و برك دخلت ...راهي ال10:40

قاعدة نحوس في كل بلاص و في قلب ينعيط باسمو بأعلى صوت عندي لكن مانيش حابة تخلاص عليا فبوست بوليس

نجري في كل بلاصة كي المهبولة و نحوس.....

حتى خلاص...خلاص فشلت..مستحيل نلقاه ...ضيعت فرصتي...ضيعتو من يدي

حبطت  و حطيت راسي بين رجليا و طرطقت بلبكاء...هدا قاع من غبائي...

قادر منزيدش قاع نشوفو...خلاص فرصتي الاخيرة راحت...تفرقنا للأبد

قاعدة و نبكي وحدي في وسط المطار و ناسية قاع انو ناس راي تجوز عليا..

و انا هكاك حتى....

آدم : نن...نن..ند...ندى ؟؟ *باندهاش*

انا برك سمعت اسمي ...برك سمعت صوتو ..حبست البكاء ...حسيت قلبي راح يحبس...ياربي....بالاك راني نتخيل 

طلعت راسي بزربة ...صبتو واقف قدامي و علامات الاستغراب في وجهو 

انا برك شفتو فتحت فمي مالخلعة و عاودت بديت نبكي كي المهبول.....حبط للمستوى تاعي 

آدم : علاش راكي تبكي؟؟؟ وش راكي ديري هنا 

رديتلو بكل ببكاء كي الاطفال

ندى : حسبتلي رحت *تشهق* حسبتلي فقدتك للأبد *تشهق*

برك قتلو هكاك علامات التعجب زادو على وجهو 

آدم : وو..ووو..وش...وشنو...

ندى : يااااا...متحشمش تقولي ننفاصلو :'( *تشهق* و زيد رايح نورمال بلا ما تودعني *تبكي البكية المبهدلة*

آدم : ندى اوقفي و بركاي ما تبكي فرجتي فينا المظار *مشوكي*

ندى : عاااااا خليهم يشوفو وش دخلني *تشهق*

انا برك قلت هكاك ...و بدون اي سابق انذار ..شدني من يدي و قربني ليه ...و عنقني

هو برك عنقني انا بادلتو لعناق و بيان سوغ مزالني نبكي....البكاء لي بكيتو هاد اليامات هو البكاء لي خبيتو لمدة 7سنين ...خلاص فاض الكأس

آدم : ياربيي خلاص خلاص بركاي ما تبكي ...و فهميني وش راه صاري لخطرش راني مشوكي *يربت على ظهرها*