من الكنيسة للبيت ومن البيت للمسجد(عائشة بطرس)

تاني سلمة..

مشتاق اوي للقاء ..ولوجهه الكريم
عشمان اوي ف الدعاء.. مانا عارفه رحمان رحيم..
__________________________
أنا مبتكلمش كلام من وراهم.. لو جه قدامي دلوقت هقولله اكتر من كده كمان..وبعدين مفيهاش حاجه اصلا.. هو اللي غلطان..
بس برضو يا ديانا.. حرام عليكي تتكلمي كده.. اصلا انتي اللي غلطانه عشان بتدخلي ف اللي ملكيش فيه.. احنا مالنا ومال الدواعش دول؟.. خليكي ف مذكرتك..
هووووف.. زهقت ومليت.. ومش هذاكر بقه كده كفاية.. اكمل بعدين.. سلام يا ليل..

صحيت ع الساعة سبعة ..فطرت ولبست وخلصت كل حاجه ع الساعة ٨:٣٠ ودلوقت هروح ع الكلية.. طبعا ماما وبابا مشوا من زمان.. ماما صحتني وهم ماشيين عشان جرس الطابور بتاعهم هيرن الساعة سبعة بالظبط.. وبابا م الساعة سته مهوش ف البيت..
وصلت الكلية وسلمت على اروتي وباقي البنات.. وعدت اول محاضرتين وباقي لينا محاضرة واحده ونخلص كده.. والاولاد بقه طلعوا ع المنصة وشبطوا ف الميكريفون زي القراضة..زي اللي مشافش حاجة.. أنا مش عارفة العامل ميجيش ويديهم على قفاهم لي؟..
_________________
(بقوللك اي يا حمو.. ما تقرا كده قرآن)
(لا يا عم.. مش حافظ اوي يعني)
(اقرى سورة صغيرة.. مش لازم تغوط يعني.. يللا بس بسرعة قبل ما عمك محمد ييجي ويدينا على قفانا)
(حاضر)
__________________
مسك الداعشي المايك وبدا يقرا..
__________________
(بقوللك بقه يا اروي هحكيلك عن اجازتي المملة)
(معلش يا ديانا .. نحكي بعدين عشان فيه شاب بيقرأ قرآن)
(يعني اي يعني؟)
(إحنا مأمورين لما يتقرأ القرآن نسمعله بإنصات..)
(يعني كلام القرآن بتاعكوا اهم من الكلام معايا يا اروى؟)
(اكيد.. ده كلام ربنا سبحانة وتعالي.. انتي الكلام معاكي حلو.. بس مش بحلاوة كلام ربنا..)
(طاب يا اختى اسمعي للقرآن بتاعكوا)
(ههههههه ماشي)

بدأ عم الدواعش يقرأ ويقرأ لحد ما وصل لآية جميييييلة اوي.. الآية دي غيرت مجرى حياتي ١٨٠ درجة.. وكانت هي نقطة البداية الحقيقية..

﴿والتفت الساق بالساق الى ربك يومئذٍ المساق فلا صدق ولا صلى ولكن كذب وتولى ثم ذهب الى اهله يتمطى اولى لك فأولى.......الآيات﴾

بجد الآية دي حيرتني اوي.. انا مش فاهمة معناها بس واضح انه فعلا كلام جميل واجمل م الكلام بتاعي..
فضلت بعدها متنحة حتى بعد ماخلص وانا برضو دماغي مش راضية تبطل تفكير ف الآيات دي.. إشمعنا القرآن بتاعهم بيأثر فيا اكتر من الكتاب المقدس؟ اشمعنا كلامهم مختلف؟ حاسه انه فعلا كلام ربنا اما اللي بقراه ف الكتاب المقدس معرفش هو اي بالظبط..وخصوصا نص نشيد الانشاد..مستحيل يكون اللي قال الكلام الجميل اللي لسه سمعاه حالا هو نفس اللي قال نشيد الانشاد..بس اي معنى اللي انا لسه سمعاه ده..
الدكتور جه وشرح ومشى وانا لسه دماغي بيفكر ف الآيات دي..اروى راحت تجيب اخوها من الحضانه وانا مشيت للبيت..طبعا وقدامي الداعشي اللي ابهرني النهارده..والفضول هيقتلني.. نفسي اعرف معنى الآيه اللي سمعتها منه دي..