من الكنيسة للبيت ومن البيت للمسجد(عائشة بطرس)

تامن سلمة...

يعني إنشالله حتى خاتم حديد..)
(بجد أنا كنت عايشة ف ظلااااام.. زي الأعمى بالظبط.. الحمد لله اني فقت)
(ربنا يهدي قلب بباكي يارب.. انتي عامله اي ف الشغل؟)
(اهو الحمد لله)
(ربنا معاكي ويقويكي يارب)
(يارب يا اروى)
(بس جامدة طريقة جرانكوا ف الرد على شبه ابوكي.. شكلهم كده ناس بتفهم وكويسين)
(................)
(وللا أنا كلامي غلط؟)
(................)
(ههههه.. ماشي.. وصلوا على فكره..ابقى قوليله ييجي بدري عشان كده الدكتور هيديله على قفاه المره الجايه)
(ههههههه)
(عجبتك اوي؟)
(هههههه.. بس بقه اسكتي)

_____________________________
بعد المحاضرات ما خلصت رحت ع المحل كالعادة..من ساعة ما بدأت والناس بتشكر فيا..وعمو صاحب المحل كمان بيشكر فيا كتير..عاجبهم فني..اصلا أنا مبدعة.. بس مش عارفه.. مش حاسة بالفرحة كده.. يمكن المشاكل العائلية مأثرة معايا اوي.. او إن الحجات الدنيوية دي معادتش بتفرق معايا اصلا..
فضلت ف الشغل للساعة ١٢.. خلصت ولسه مروحتش... قلقت.. هم مجوش لي؟.. مش مفروض ييجوا ياخدوني هو وسارة عشان الوقت متأخر.. طاب.. يكون اي اللي حصللهم؟.. ممكن حد وقفهم ف الطريق.. او.. او مثلا عربية عملت فيهم حادثه.. بعد الشر عليه.. اااا.. قصدي عليهم يعني.. استغفر الله العظيم يارب.. بقيت بقلق زي ما يكونوا اخواتي.. طلعت التليفون وف قلق اتصلت على ماما..
(الو السلام عليكم.. ايوه يا ماما.. اناااا خلصت شغل خلاص.. ا.. هو مفيش حد هييجي ياخدني.. اصل الوقت اتأخر و انا هخاف ارجع لواحدي.. اه.. طيب ماشي.. خلاص هروح أنا كمان )
ماما قالتلي انه لسه ف الشغل..يلا هروح لواحدي وخلاص...
بمشي ف الشارع وحاسه كده اني ملكه ..حجابي على راسي كانه تاج..حاسه اني ببتسم للحياه بنِفس كده..وصلت البيت اخيرا..كان هو وصل قبلي..فتحلي الباب ودخل جوا وانا كمان دخلت اوضتي..
كانت سوره الاموره قاعدة بترسم ف كراسة الرسم وحطه القلم ف شعرها...
( سراسييير..انا جييت)
( عيووش..وحشتيني..)
( متشوفيش وحش)
( آسفه اننا سبناكي تيجي لواحدك..اصل محمد كان لسه ف الشغل وماما قالتلي متروحيش )
( لا عادي يا قطه..)
مسكت المصحف اقرأ فيه ووقفت عند الآيه
﴿ قالت اليهود عزير ابن الله وقالت النصــٰرى المسيح ابن الله ذٰلك قولهم بأفواههم يضاهئون قول الذين كفروا...... اتخذوا احبارهم ورهبانهم اربابا من دون الله والمسيح ابن مريم﴾ ( سورة التوبة)
ا...اتخدوا احبارهم ورهبانهم اربابا من دول الله والمسيح عيسى ابن مريم؟!.. معنى كده..ان عبادة غير الله والمسيح كفر؟.. يعني معنى كده ان المسيح إلــٰه؟!!!!
( ساره...انا فوني اللي عليه التفسير فاصل..معندكيش مصحف فيه تفسير؟)
( لا والله كلهم مفهمش تفسير)
( ...طاب بصي....هي الآية دي فيها غلطه)
( حرام عليكي..القرآن مفهوش اخطاء)
( مقصدش..ممكن تكون الطبعه دي فيها خطأ)
( حرام عليكي..استغفري ربنا يا عايشه..مفيش ولا مصحف فيه اخطاء﴿ انا نحن نزلنا الذكر وانا له لحــٰفظون﴾ )
( استغفر الله العظيم يا رب..بس بصي...الايه دي بتقول ..﴿ اتخذوا احبارهم ورهبانهم ارباباً من دون الله والمسيح عيسى ابن مريم﴾ )
( اها)
( يعني كده دليل للايمان بعيسى عليه السلام كإلــٰه)
( هو انتي حد لعبلك ف مخك)
( مش فاهمه)
( اي شككك ف الاسلام كده)
( مبشكش والله انا بس عاوزه تفسيرها)
( بصي هو انا معرفش...اسألي محمد)
( نعم؟!)
( اسألي محمممد )
( .ا...لا طبعا مينفعش)
( خلاص انتي حره)
( طاب بصي...هكتب ف ورقه وتديهاله وهو يشرحلي على الضَهر)
( ضهر مين؟).
( الورقه يا ساره)
( اه..ماشي)
كتبت على ورقه من نص الكراسه الايه وشديت خط تحت ﴿من دون الله والمسيح عيسى ابن مريم﴾ وكتبت تحتها..( كده المقصود من الآيه وجوب الايمان بالله وبعيسى كإلــٰه؟ يعني ...اشرح ازاي معرفش...لو مش فاهم ابعت مع ساره اللي انت مش فاهمه وانا اوصلهولك)
مش عارفه اي الهبل ده بس اصلي مبعرفش اسأل عن حاجه كتابة كده..بحب المواجهه ف الاسئله وحاسه اني مش موصلاله سؤالي اوي...ما علينا..بعتت الورقه مع حمامتي الزاجله لمحمد...ساره ودتها ورجعتلي..
( هو انتي كنتي كاتبه اي)
( هكتب اي يعني؟..اللي سألتك عليه ومجاوبتيش)
(متقلقيش انا مقريتهاش)
( ولو قراتيها اي يعني؟)
( بطمنك يعني لاتكوني كاتبه حاجه تانيه)
( ساره حبيبتي...كملي رسم)
( خخههههههه حاضر ...ساعديني..الأبله طالبه مننا نرسم الحج و ناس كتييير بتطوف وانا صعب ارسم كل الناس دول..ارسمي معايا)
( هرسم وانتي تابعيني عشان هسيبك تكملي...طبعا هرسم خيالات للناس بس عشان مينفعش اشخاص )
( مين البت الروز اللي معلماكي المعلومه دي؟)
( بت فانخه كده ورزله اسمها ساره...تعرفيها؟)
( اسمع عنها من بعيد..ارسمي يلا ورانا شغل كتير)