من الكنيسة للبيت ومن البيت للمسجد(عائشة بطرس)

تاسع سلمة...

سكت محمد شوية وبعدين اتنهد وابتسم كانه افتكر قصة..كمل
(كانت السيدة خديجة مرات الرسول الاولى مخلفة منه بنت اسمها زينب..واما كبرت زينب جه خطبها ابي العاص)
(اللي هو عمرو بن العاص واللا بباه؟)
(لالا..ابي العاص دا واحد تاني ..يبقى ابن خالتها)
(اه..كمل)
(دخل الرسول لزينب وقاللها يا زينب..ان ابي العاص ذكر اسمك فقل تقلبين؟..يعني خطبك يعني..فاحمرّ وشها كده ووافقت..وبعد ما اتجوزوا بفتره ابي العاص سافر ..والرسول اتبعث نبي وزينب اسلمت وطبعا خديجة وابي بكر وكده..فلما ابي العاص رجع دخلته زينب البيت ورحبت بيه وبعدين قالتله عاوزة اقوللك على خبر حلو..فقام سايبها وماشي ..فقامت وراه تقولله ابويا اتبعث نبي..وانا آمنت بيه وابي بكر وامي وعلي وعثمان ..انت اي رايك..فقاللها انا مصدق ابوك..بس مش هقبل ان قريش يقولوا نسى اباءه وعبادته ارضاء لزوجته)
(دا ارضاء لله)
(بس زمان عند العرب كان عندهم تعصب للماضي حلو او وحش..وكانوا يعيبوا ان الواحد يفكر بعقله وقلبه ويخرج عن القبيله ودينها..المهم..زينب قالتله هلا تسلم فقاللها لا وسابها وسافر..بعد فترة قامت معركة بين المسلمين والكفار..وكان ابوها طبعا على راس جيش المسلمين وجوزها كان ف جيش الكفار ..فلما الحرب خلصت ورجعوا زينب وقفت على الطريق تسال..ابويا حصلله اي..فقالولها جيش المسلمين انتصر..طاب وجوزي..قالولها اتأسر من المسلمين..فقالت انا هفديه..ودورت على حاجة تفديه بيها ملقتش غير عقد امها ..فبعتته مع سلفها للرسول ..فالرسول وهو بيشوف الفداء ويحرر الاسرى لقى عقد خديجة فقاللهم من صاحب الفداء ده..فقالوله زينب بتفدي ابي العاص فقاللهم دا عقد خديجة وبكى)
انا كنت ببتسم عند الحته دي اوي..الحب بين محمد صل الله عليه وسلم و زوجاته حلو اوي ومختلف..كمل
(فادا العقد لابي العاص وقالله قول لزينب متفرطش ف عقد خديجة وخده ف جنب وقالله يا ابي العاص ..ان الله قد امرني ان افرق بين المسلمة والكافر ..فهلا رددت لي ابنتي؟ ..رجع ابي العاص فزينب قالتله هلا اسلمت..قاللها لا اني راحل..فقالتله الى اين قاللها انت سترحلين لبيت ابيك فقد فرق بيني وبينك وسافر)
(تاااااااااااني!)
(ههههههه اه تاني..المهم ان غاب ابي العاص غيبته وبعدين رجع لزينب الفجر..فلما فتحت بابها قالتله جئتنا مسلم فقاللها لا جئت هاربا فقالتله متخافش انت ابن خالتي وابو عيالي اتفضل ..وحميته ف البيت وراحت عند الرسول وهو بيصلي مع الصحابه وقالت انها فدت ابي العاص وسامحته..فالرسول شار الصحابة فسامحوه هم كمان وردوله فلوس كانوا واخدينها منه..فزينب قالتله ..يا ابي العاص..هلا اسلمت؟..قاللها لا ورجع مكه..راح مكة وقال للناس فلوسكوا اهه وانا بعد ما وفيتكوا حقكوا اشهد ان لا اله الا الله واشهد ان محمدا رسول الله)
كنت فرحانة اوي انا وماما وعمالين نبص لبعض ونبتسم كاننا سمعناها من بابا مش من زوج السيدة زينب..محمد وخالتو امه وساره كلهم كانوا بصين لنا وبيبتسموا ..كمل محمد بعد ما انتبه لنفسه وبص ف الارض
(رجع ابي العاص الفجر لبيت النبي وقالله انت سامحتني وفاديتني..اشهد ان لا اله الا الله واشهد ان محمد ريول الله وانا عاوز ارجع لزينب ..راح النبي لزينب وقاللها يا زينب..ان ابي العاص قد اسلم ويراجعك فهل اوافقين؟..فوشها احمر اوي ووافقت..بعدها بسنه زينب ماتت وحزن عليها ابي العاص حزن شديد لدرجة ان الرسول بنفسه كان بيمسحله دموعه ويواسيه وابي العاص قالله لا حياة لي بعد زينب يا رسول الله ومان بعدها بسنه)
(الله..قصة حلوة اوي بجد)
(وسيدنا عثمان كانت حصلت على ايام خلافته للمسلمين فتنه كبيرة اوي لدرجة ان في ناس حاصروا بيته عشان يقتلوه..فزوجته "نائلة" جات تخرج عشان تصدهم عن البيت وكده فقاللها خذي خمارك..فان دخولهم علي اهون من حرمة شعرك..ولما دخلوا عليه البيت قاتلة معاه لحد ما قطعولها صوابعها وفضلت تدافع عنه لحد ما استشهد)
(دي بطلة فعلا..يارب ابقى زيها)
تمتم ب "آمين"
(كان ايام فتح مكة والرسول واقف بين الحشود اللي بيستسلم واللي بيعلن اسلامه وكده فشاف ست عجوزه من بعيد كده فساب الحشود دي وراحلها ..خلع بردته الشريفة وفرشها ع الارض وقعد عليها هو والست دي يتكلموا..فوقفة السيدة عائشة رضي الله عنها تتفرج عليهم لحد ما خلصوا وراح لها..فقالتله من تلك العجوز التي اعطاها النبي وقته وحديثه واهتمامه كله..فقاللها صاحبة خديجة..فقالتله وفيم كنتم تتحدثون..فقاللها كنا نتحدث عن  أيام خديجة .. فغارت السيدة عائشة وقالت اما زلت تذكر تلك العجوز وقد واراها التراب وابدلك الله خير منها؟!..فقاللها صل الله عليه وسلم والله ما ابدلني الله خيرا منها..فقد وارتني حين طردني الناس..وصدقتني حين كذبني الناس..فحست السيدة عائشة ان الرسول غضب فقالتله استغفر لي يا رسول الله..فقاللها استغفري لخديجة حتى استغفر لكِ)
طول القعده دي كانت ماما وخالتو ام ساره بيبتسموا مش عارفه ليه..كل شويه يبصولي ويبصوا لمحمد ويبتسموا ..حب محمد انه يوصللي رساله تقريبا فكمل كلامه..
محمد( قصه جميله اوي قصة سيدنا موسى عليه السلام ..لما توجه تلقاء مدين هربا من بطش فرعون ولقى بنتين قعدين بعيد عن البير وجنبهم الاغنام بتاعتهم وتزودان اللي ف الايه معناها انهم بيحلّقوا ع الاغنام بلهجتنا الدرجه..وطبعا مكانوش بيشربوا اغنامهم عشان كان ع البير زحمه..والناس اللي ع البير مسعدوهمش..كل واحد سقى اغنامه وقفلوا البير وروحوا..فسيدنا موسى حب يقدم خدمه راحلهم وسألهم ..(ما خطبكما؟)ما طولش ف الكلام بقه وقال دول الاغنام بتوعكوا.. امممم ما شاء الله حلوين زيكوا.. وهم كام بقه يا ترى.. ..ويفضل يحكي معاهم ..لا.. السؤال على قد الغرض..ما خطبكما؟.. طيب اجابة البنات كانت اي.. ما قالولهوش والله يا اخويا من صباحية ربنا واحنا هنا والناس ولاد ال... راحوا شربوا اغنامهم وقفلوا البير تاني وهو انت جديد ع المنطقة وللا اي.. مشفناكش هنا يعني قبل كده... لا..( قالتا لا نسقى حتى يصدر الرعاء وابونا شيخ كبير) حتى ما سمحتلهوش انه يسألهم سؤال تاني.. جاوبت عليه قبل ما يسأله.. وابونا شيخ كبير.. لو ف زمننا ده كان قاللهم اي.. كان قال ولي يا اختى تسقيهم انتي وهي.. هو ابوكي مستغني عنكم... معندكوش اخ كده يساعدكوا ويقعدكوا ف البيت معززات مكرمات وييجي هو وللا اي.. وبرضو بعد ما جاوبوه.. خد بعضه وراح سقى لهم من غير ما يطول ف الكلام ..يعني مقالش
.اناااا هسقيلكوا انتوا ريحوا نفسكوا يا قمرات..(فسقى لهما) ومراحش قاللهم مثلا ..اتفضلوا ..وع البيت بقه على طول يا ماما انتي وهي.. ولا استنى انهم يقولوله شكرا على تعبك معانا والله مش عارفين نعمللك اي بس.. سابهم ..(ثم تولى الى الظل) وبعدين واحده فيهم جاتله على استحياء وقالت (ان ابي يدعوك ليجزيك اجر ما سقيت لنا) وبعدين اتجوز واحده منهم.. )
اوبس.. الكلام ده اكيد يقصدني بيه..
انا(ايييي.. طيب يا جماعة.. بعد اذنكوا.. هدخل انام.. تصبحوا على خير)
خالتو ام ساره( ما تقعدي شويه يا حبيبتي)
( لا خلاص يا خالتو..الدرس خلص..هدخل انام بقه تصبحوا على خير)
محمد( كان في برضو قصه جميله حابب احكيهالكوا)
قصه؟! لا لازم اعرفها اشمعنا هم يسمعوها وانا لا..قمت قاعده تاني..
ماما( اللا..مش كنتي داخله تنامي؟!)
( هههه مهو طلع الدرس مخلصش اهه..)
محمد(..ها..احكي؟!)
كلنا( على بركة الله)
محمد(هحكي عن اشرف الخلق ..محمد صل الله عليه وسلم وازاي كان بيتعامل مع زوجاته..رومانسيته كانت ازاي...كان الرسول صل الله عليه وسلم بيقول لعائشه انا عارف امتى بتكوني راضيه عني وامتى بتكوني زعلانه مني..اما بتكوني راضيه عني بتقولي لا ورب محمد..واما تكوني زعلانه بتقولي لا ورب ابراهيم..يعني حافظها بالملي...هههههههه وفي قصه عن غيرة زوجاته من بعضهم..كان من زوجاته واحده اسمها ام سلمة فراحتله بطبق كده فيه اكل ليه ولاصحابه..فالرسول قال مين اللي جا بالاكل..قالوله ام سلمه..قامت ستنا عائشه جايبه حجر وكسرت الطبق بيه فالرسول جمعه تاني وقال لاصحابه كلوا ..غارت امكم غارت امكم ..وبعت طبق السيده عائشه لام سلمه وطبق ام سلمه لعائشه)
انا( هههههههه عسل اوي)
( وكان عليه الصلاة والسلام بيقول للسيده عائشه كنت لك كابي زرع لام زرع في الوفاء والمحبه..قالتله بابي وامي لانت خير لي من ابي زرع لام زرع ..وكان بيناديها عائش و كان بيناديها يا حميراء ودا تصغير حمراء يعني بيضاء كانه بيقوللها زي عندنا كده يا بيضه..وكان عليه الصلاة والسلام اما السيده عائشه تشرب يشرب مكان ما شربت واما تاخد الفخد وتاكل باسنانها اللحم اللي عليه من بره كان ياخده بعدها وياكل مكان ما اكلت)
( ياااااه)
( وكان عليه الصلاة والسلام بيساعد ف اعمال المنزل فكان بيحلب الشاه ويخيط هدومه لنفسه ويخدم نفسه بنفسه...ههههه وفي حته جميله اوي..كان ايام عيد والسيده عائشه عاوزه تفرح وتنبسط كده فخلت النبي يجيبلها بنتين يطبلولها ع الدف وهي تتفرج عليهم وطبعا هو مش عاوز يشوفهم..فغطى نفسه فدخل سيدنا ابو بكر وطبعا السيده عائشه بنته فعادي يدخل يعني..المهم..اتدايق من ان السيده عائشه اجبرته على انه يجيبلها بنات يطبلولها ويقعد معاها..فالرسول شال الغطا من عليه وقالله سيبها دي ايام عيد وهي عاوزه تفرح)
انا( ههههههههه...وانا اقول انا عسل كده ليه)
ماما( هههههههه..عبيطه)
محمد( وكانت السيده عائشه غضبانه من الرسوا ف مره..فقاللها ترضي نحكم بيننا ابو عبيده ابن الجراح..وده صحابي مشهور فقالتله لا دا راجل واكيد هيحكم ليك يعني..قاللها طاب اي رايك احكم بيننا عمر..قالتله لا انا بخاف من عمر .قاللها طاب اي رايك احكم بيننا ابوكي ابو بكر الصديق قالتله ماشي)
انا( ههههههههههه عسل اوي..)
(ولما حكم ابوها بينهم لقاها علت صوتها على الرسول فقام ضاربها بالقلم ..فالرسول حضنها وقالله انا مجبتاكش عشان تضربها انا جبتك تحكم بيننا )
(حنين اوي عليه الصلاة والسلام)
( وكان اول زوجه للرسول خديجه زي ما قلت..وكانت بمثابة الام ليه لان امه ماتت وهو صغير..وماتت خديجه والرسول حزن عليها جدا لانه كان بيحبها اوي..وكان اما يدبح شاه يقول ودوا منها لاصحاب خديجه)
( عليه الصلاة والسلام)
( كانت السيده عائشه تعتبر طفله صغيره..الرسول تزوجها وهي بنوته بتلعب بعرايس لسه..ومكانش عليه الصلاة والسلام بيقوللها مثلا اكبري بقه وبطلي لعب بالعرايس والكلام ده..لا خالص دا كانت اما تلعب بالعرايس وصحباتها ييجوا عشان يلعبوا معاها يتستروا من الرسول ويبقوا مكسوفين منه يعني..فيقوللهم ادخلوا لعائشه ويسيبهم يلعبوا..و برضو كان ف مره جايلها ولقاها حطا حجات كده ومغطياها وبعدين الغطا انشال..فقاللها اي ده قالتله بناتي..هي كانت بتقول ع العرايس بناتي..زي ما ساره بتقول ع العروسه بنتي كده)
ساره( ههههههه كانوا اسمائهم اي عرايسها بقه)
محمد( ههههههه معرفش والله يا ساره كانت مسمياهم اي)
خالتو ام ساره( سيبك منها يا ولا وكمل)
( المهم..فقاللها اي دول قالتله بناتي فلقى معاهم حصان بجناحات كده..فقاللها واي اللي معاهم ده..قالتله حصان..قاللها بجناحات؟! قالتله هو انت متعرفش ان سيدنا سليمان عليه السلام كان عنده حصان بجناحات فضحك عليه الصلاة والسلام )
انا( يا نهار عثاااال)
(وكان في ناس م الحبشه بيعملوا استعراض كده ف المسجد بالاسلحه بتاعتهم..وكانت السيده عائشه عاوزه تتفرج عليهم..فالرسول راح كده ووقف قدامها عشان يداريها عن الناس وتعرف تتفرج فدخل سيدنا عمر فزجر الحبشيين دول على اللعب ف المسجد فالرسول قالله سيبهم يا عمر و ساب السيده عائشه تتفرج وبعدين قام هو عشان هي اللي تدخل وميبقاش هو اللي قاللها قومي ادخلى جوا يا عائشه.. وكان ف مره الرسول قاعد عند السيده عائشه..فدخلت السيده سوده من زوجاته برضو..فالرسول قعد ما بينهم وحط رجل ف حجر سوده ورجل ف حجر عائشه رضي الله عنهم. .فقامت السيده عائشه عملت لها اكل وقالتلها كلي..قالتلها مش عاوزه قالتلها كلي والا هلطخلك بيه وشك..فرفضت برضو فقامت ولطختلها وشها بيه..فالرسول رفع رجله من حجر سوده عشان تقوم تقتص من عائشه فقامت ولطختلها وشها هي كمان وقعد الرسول صل الله عليه وسلم يضحك )
( ههههه غيرانه منها)
( خلاص كفايه كده بقه ..)
انا( خلص كده؟!..طايب .اقوم انام بقه)
محمد( كان فيه قصه )
قعدت تاني...
محمد(هههههههههههه لا خلاص كفايه كده...تصبحوا على خير..)
(مش هتنامي يا سارة؟)
(لا مش عاوزه انام دلوقت اصلا.. هقعد شوية اتفرج ع التليفزيون)
(طيب.. تصبحوا على خير)
(وانتي من اهله يا حبيبتي)
__________________