من الكنيسة للبيت ومن البيت للمسجد(عائشة بطرس)

سابع سلمة...

قعدت تتفرج عليهم وتسألني عن كيفية استخدام كل أداه وأنا أشرح لها..
(ممكن ترسميلي لوحه.. امممممثلا ترسمي وردة)
(ممكن.. بس معلش يا سارة مش هقدر ارسملك دلوقت)
(اه ..طيب براحتك)
(متزعليش بس حاسة اني مخنوقه حبتين)
(ما عاش ولا كان اللي يخنقك يا جميل)
(تسلمي يا سرسورة يا قلبي)
(اي اللي مضايقك يا اُختي؟)
(بابا يا سارة)
(معلش.. عارفة يا عايشة.. محمد مرة قاللي إن الأهل دول بيبقوا رزق.. ممكن رزقك يطلع حلو او يطلع وحش شوية عادي ..ممكن تقولي ان الاهل دول ممكن يكونوا ابتلاء من عند ربنا وربنا يجازيكي خير لما تصبري وتحتسبي الأجر عند ربنا)
(ما شاء الله عليكي يا سارة)
(مش أنا اللي قلت كدااااه بقوللك محمد قاللي يعني)
(طيب.. ما شاء الله عليكي برضو إنك احتفظتي بالمعلومة وقلتيهالي دلوقت)
(وما شاء الله على محمد كمان؟)
(احم.. ايوة)

______________________ 
ادنت العشا.. صليتها وقعدت اجهز كام لوحة كده عشان ابدأ بيهم الشغل بكرة..
(بتعملي ايييييي)
(طربتيني يا سارة.. اووووف.. برسم يا ستي عشان الشغل بكرة)
(اممممم.. هو الشغل بكرة قاللك ارسمي واحدة ست؟)
(لا.. أنا اللي عاوزه ارسم واحدة ست.. امال ارسم واحد راجل؟)
(تعرفي إن رسم الاشخاص مينفعش.. عشان ربنا يوم القيامة هيقوللك احيي ما  خلقتي)
(بجد؟..)
(لو عاوزه ترسمي شخص مثلا ممكن ترسميه من غير ملامح خالص.. او ترسمي جزء منه مترسميهوش كامل.. يعني الوش بس.. الإيد بس.. كده يعني)
(خلاص ..ادي الورقة اتقطعت اهه)
(انتي زعلتي؟)
(لا هزعل من اي.. جزاك الله خير انك بتعلميني.. ايوه كده على طول راقبيني وقوليلي اي الصح واي الغلط)
(ماشي.. ان شاء الله)
(بقوللك يا بت يا سراسيرو افندي)
(ههههه سراسيرو افندي؟)
(ماااااا تجيبي العروسة بتاعتك ونشوف كده بيتلعب بيها ازاي دي؟)
(انتي عاوزه تلعبي بيها يعني؟)
(لاااءه.. مش بالظبط.. أناااا بس عاوزه اساعدك ف اللعب بيها يعني)
(يا سلاااااام ع المساعدة.. ماشي يا ستي هجيبها واجي)

_____________________
الصبح بادري رحت كليتي بدري كالعادة...
( مش انا امبارح رحت شقتنا)
( بجد)
( ايوه كنت بجيب ادوات الرسم من هناك)
( ها)
( بابا شكله متردد اوي..بس مقلش حاجه )
( يلا ربنا يشرح صدره للاسلام)
( آمين يا اروى..يللي على اسم عمة النبي عليه الصلاة والسلام...انا براجع)
( هههههه شطوره...)
( اروى)
( يا عيون اروى)
( هههه...ه هو في ف القرآن وصف للنساء)
( ايوه اكيد)
( اي؟....)
( مستغربه من اي ايوه في وصف للنساء...قال تعالى﴿فجاءته احداهما تمشي على استحياءٍ قالت ان ابي يدعوك ليجزيك اجر ما سقيت لنا﴾
" جزء من الاية (٢٥) من سورة القصص".. وقال تعالى﴿ عسى ربه إن طلقكن أن يبدله ازواجاً خيراً منكن مسلمــٰتٍ مؤمنــٰتٍ قانتــٰتٍ تــٰىِٕبــٰتٍ عــٰبدٰتٍ ســٰىٕحــٰتٍ ثيبــٰتٍ وابكاراً﴾
"  الاية(٥) من سورة التحريم"..)
( اه..)
( القرآن مبيوصفش اجساد البشر سواء ذكور او اناث لانها من المستفحشات ..مينفعش..في قواعد اخلاقيه تمنع كده..القرآن اما بيوصف ..بيوصف الجانب المهم من البشر..جانب الاخلاق)
( اه)
( والاسلام عنى جددددا بالمراه على فكره مش زي ما الاعلام بيبين..في ف القرآن سورة كامله اسمها النساء ومفيش سوره اسمها الرجال..وعشان فكرك ميروحش لبعيد ..سورة النساء بتتكلم عن احكام النساء مش اوصافهم..يعني مثلا..تورث ازاي..مين الذكور اللي يتحرموا عليها ..وغير كده يعني بس وصف جسماني مفيش اطلاقا..دا حتى القرآن لو في كلام عن شئ مستفحش او مستقذر بيكني عنه..مثلا..في آيه بيقول﴿... او جاء احدٌ منكم من الغائط﴾ الايه دي كانت بتتكلم عن نواقض الوضوء..والغائط اللي هو ف عصرنا الحالي " التواليت" مكان الحمام نفسه..واللي يتفهم من ظاهر الاية كده ان اي حد ييجي من التواليت لازم يتوضى حتى لو كان دخل التواليت يغسل ايده او يجيب صابونه..بس مش دا المقصود..
المقصود قضاء الحاجه..يعني الفعل.. بس لانه شئ مستقذر فكنى القرآن بالمكان عن الفعل)
( اها)
( الاسلام كمان فيه تخفيف وهو دين رحمة..مثلا..الصيام واجب صح؟)
( صح)
( يعني لازم الكل يصوم..والصيام عندنا انك تمتنعي عن الاكل والشرب والفواحش من الفجر للمغرب لمدة شهر وعلى فكره دا نوع من انواع العلاج..في اطباء بينصحوا المرضى بتوعهم انهم مياكلوش او يشربوا لفتره معينه)
( اه فعلا)
( طاب افرضي واحد تعبان جدا ميقدرش يصوم..او واحده حامل الدكتور قايللها لازم تتغذي او واحدة بترضع والطفل معذبها او واحد مسافر والسفر مرهق..يعمل اييييي...دا عنده رخصه الاسلام مديهاله انه يفطر..مش كده وبس. دا لو الصيام هيعذبه يحرم عليه الصوم عشان ميعذبش نفسه..وبيخرج اكل للفقراء بدل الصوم..
شفتي رحمة زي دي؟)
( لا والله)
( ربنا رحيم بينا اكتر من نفسنا..اي حاجه تتعب علطول تبقى حرام...فحرام الوشم لانه بيؤذي ويتعب وحرام النمص لانه بيؤذي)
( مش فاهمه يعني اي)
( الوشم اللي هو معروف...زى اللي ف ايدك ده)
( الصليب؟!.. بس الكنيسه اللي عملينهولي والله..)
( بس هو حرام..في حديث نبوي بيقول [لعن الله الواشمة والمستوشمة والواصلة والمستوصلة والنامصة والمتنمصة ] او كما قال صل الله عليه وسلم)
( طاب اعمل اي)
( عفا الله عما سلف..مدام مكنتيش تعرفي خلاص..المهم انك عرفتي دلوقت ومن دلوقت بقه تتحسبي على الوشم لو وشمتي يعني..)
( طاب الحمد لله..بس يعني اي التانيين دول)
( بصي يا ستي..الواشمه اللي بتعمل وشم ف جسمها والمستوشمه الست اللي بتعمللها الوشم ده.. الواصله اللي بتوصل شعر بشعرها عشان يبان كتير ..زي الباروكه بردو والرموش اللي بتتلزق دي والخصل اللي بتتركب )
( لا مبوصلش الحمد لله عشان شعري تقيل..والرموش الصناعيه بخاف منها اصلا)
( والمستوصله اللي بتوصللها الست بتاع الكوافير اللي بتعمللها كده يعني.. والنامصه اللي هي بتزيل من شعر جواجبها..والمتنمصه اللي بتزيللها)
( لا الحمد لله برضو مبجيش يم حواجبي لان حواحبي رفيوعه اصلا)
( اصلا النمص ده مؤذي جدا..كل شعره بتتشال بيموت تحتها خلايا كتيير من خلايا المخ)
( اه سمعت كده)
( جراااانكووووو وصلوا)
(وانا اعملله اي.. كل شوية تقوليلي كده)
(بنكشك)
(ورايا شغل النهاردة بعد الكلية.. ان شاء الله يعني.. اه.. هوريكي بقه ادواتي بتاعت الرسم على ما الدكتورة تيجي)
قعدت افرجها ع الأدوات دي.. دخلت الدكتوره ورنتنا محاضره فل الفل وطلعت م المحاضره الرابعه..مكملتش اليوم يعني عشان الشغل اللي ورايا وهبقى انقل من اروى بقه..طبعا كان العصر اذن..صليت ف مسجد الكليه ورحت ع الشغل...