من الكنيسة للبيت ومن البيت للمسجد(عائشة بطرس)

عاشر سلمة..

خبط باب البيت بتاع خالتو ام محمد ..قام محمد طبعاً وفتح..

(السلام عليكم)
( وعليكم السلام ورحمة الله وبركاته)
( دا بيت محمد عبد الرحمــٰن الصعيدي؟)
( ايوه حضرتك..خير؟)
( انت محمد؟!)
( ايوه...خير)
خده بالاحضان..
( يا حبيييبي..كبرت يا محمد..ما شاء الله..امك عامله اي..هي هنا؟)
( حضرتك مين؟)
( انا ابوك)
( ن..نعم؟!)
( ابوووك..)
( ......................)
( هتسيب ابوك ملطوع ع الباب كده)
( اصلي بصراحه مستغرب..اي فكرك بينا دلوقت؟)
( اخس عليك..ادخل الاول وبعدين نتكلم)
( اتفضل).
دخل محمد وندا لامه واخته..
ساره( انت مين انت؟)
( انتي ساره؟)
( ايوه)
( يا حبيبتي يا بنتي..)
( انت بابا؟)
( ايوه)
( لا)
( ههههه والله ابوكي...ازيك يا ام محمد عامله اي يا ميمونه؟)
( الحمد لله)
( اللا..بتردوا عليا كده ليه دا انا جاي مكسر حتى والمفروض تكلموني بالراحه)
محمد( معلش يا بابا مصدومين بس)
ساره( بابا اي احنا ملناش اب يا محمد)
خالتو ميمونه( ساره....كده عيب)
( هو اي اللي عيب..انا متعوده مليش بابا..وف المدرسه بيخففوا من المصاريف باعتبار اني مليش بابا )
محمد( محدش يلومها بصراحه..دي طفله..ومشافتش عمرها ان ليها اب)
ساره( انا متعوده ان محمد هو اخويا وابويا)
والد ساره( اه صحيح انا سافرت وانتي لسه لحمه ف بطن امك بس دا ميمنعش اني ابوكي..)
( طاب ارجع مطرح ما كنت بقه)
محمد وخالتو ميمونه( ساره...عيب)
والد ساره( كده يا ساره؟! ..زعلتيني..دا انا حتى جايبلك معايا حجات جميييييله..بصي بصي)
وبدأ يطلعلها الالعاب والحجات الحلوه..
ساره( الله دا العرايس جميله..شكرا يا بابا)
(هههههههه العفو يا قلب ابوكي....وانت عامل اي يا محمد)
( الحمد لله بخير)
( وانتي يا ميمونه؟)
( الحمد لله)
( انتوا لسه مكلضمين..طاب دا انتوا لو سمعتوا قصتي هتعذروني...انا قلتلكوا اني مسافر اوروبا اشتغل..بس الحقيقه اني كنت مسافر فلسطين مع جماعه صحابي..قلنا الجهاد علينا فرض ولو قلتلك يا ميمونه ع الموضوع هترفضي وتقوليلي لا متروحش..فقلتلك اوروبا وخلاص..كنا اربعه..انا وواحد صاحبي مصري اسمه عادل الشبراوي وواحد مغربي اسمه محمد بن الحاچ وواحد فلسطيني اتعرفنا عليه هناك..اتقبض علينا م الجيش الاسرائيلي ..اتحبسنا عشر سنين كاملين وبعد العشر سنين قتلوا الفلسطيني..تاني يوم المصري اللي كان معايا جاتله حمه ومات..والدور كان عليا انا ومحمد الحاچ اللي هو المغربي..الجندي ابن الــ....اللي كان بينفذ اوامر الصهاينه ولاد الــ.... لسه هينفذ علينا قام تليفونه رانن وقالوله مراتك ولدت توأم وطبعا الصهاينه نسلهم مقطوع فمعجزه عنده ان يجيله توأم ..جوز جزم..المهم الــ... ده فرح قام فارج عننا ومهربنا..طلعنا من فلسطين ع الاردن ..
اشتغلنا عشان نجيب حق التذاكر والهدايا والكلام ده وبعدين رجعنا انا على بلدي ومحمد الحاچ على بلده..يعني كنت هموت وانتوا بتعاملوني كده؟!)
محمد( قصه صعب تتصدق)
( بتكدبني؟!)
( لا والله قصدي انها غريبه)
( ماهي غريبه فعلا بس والله هي الحقيقه انا هكدب ليه يعني)
خالتو ميمونه( يعني متجوزتش كل الفتره دي)
( هو اللي يتجوزك يتجوز بعدك؟! دا انتي عطية ربنا ليا ...انا اتبهدلت اوي يا عيال)
ساره( وقابلت الدرّه يا بابا؟)
( فلسطين كلها الدرّه يا ساره..كل اطفالها الدرّه وكل كهولها الشيخ ياسين وكل بناتها هديل الاشلبون وكل شبابها امجد..ربنا ع الظالم)
خالتو ام ساره( الحمد لله على سلامتك ياخويا)
( الله يسلمك يا غاليه..)
( بس انت ازاي تكدب عليا يعني وتقوللي اوروبا ومش اوروبا هه)
( هههههههههه قلبك ابيض يا ام محمد...البت ساره عسل طالعه لامها..)